Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sochte"

Nazm MATCHES FOR "sochte"

Nazm

log aurat ko faqat jism samajh lete hain

log aurat ko faqat jism samajh lete hai.n
ruuh bhii hotii hai us me.n ye kahaa.n sochte hai.n

Sahir Ludhianvi
Nazm

fan para

aah ye zindagii kii tanhaa.ii
sochnaa aur sochte rahnaa

Jaun Eliya
Nazm

influenza se corona tak

kitnaa arsa lagaa naa-umiidii ke parbat se patthar haTaate hu.e
ek biphrii hu.ii lahr ko raam karte hu.e
naa-KHudaa.o.n me.n ab piichhe kitne bache hai.n
raushnii aur a.ndhere kii tafriiq me.n kitne logo.n ne aa.nkhe.n ga.nvaa dii.n
kitnii sadiyaa.n safar me.n guzaarii.n
magar aaj phir us jagah hai.n jahaa.n se hame.n apnii maa.o.n ne
ruKHsat kiyaa thaa
apne sab se ba.De KHvaab ko apnii aa.nkho.n ke aage uja.Dte hu.e
dekhne se buraa kuchh nahii.n hai
terii qurbat me.n yaa tujh se duurii pe jitnii guzaarii
terii chuu.Diyo.n kii qasam zindagii daa.ero.n ke sivaa kuchh nahii.n hai
kuhniyo.n se hame.n apnaa mu.nh Dhaa.np kar khaa.nsne ko ba.Do.n ne kahaa thaa
to ham un pe ha.nste the aur sochte the ki un ko tissue-papero.n kii mahak se allergy hai
lekin hame.n ye pataa hii nahii.n thaa ki un pe vo aafaat TuuTii hai.n
jin kaa hame.n ik sadii baa'd phir saamnaa hai
vabaa ke dino.n me.n kise hosh rahtaa hai
kis haath ko chho.Dnaa hai kise thaamnaa hai
ik riyaazii ke ustaad ne apne haatho.n me.n parkaar le kar
ye duniyaa nahii.n daa.era khii.nchnaa thaa
KHair jo bhii hu.aa tum bhii purkho.n ke naqsh-e-qadam par chalo
aur apnii hifaazat karo
kuchh mahiine tumhe.n apne tasme nahii.n baa.ndhne
is se aage to tum pe hai tum apnii manzil pe pahu.ncho yaa phir raasto.n me.n raho
is se pahle ki tum apne mahbuub ko ventilator pe dekho
gharo.n me.n raho

Tahzeeb Hafi
Nazm

nazrana

garm boso.n se taraashaa hu.aa naazuk paikar
jis kii ik aa.nch se har ruuh pighal jaatii hai
mai.n ne sochaa hai ki sab sochte ho.nge shaayad
pyaas is tarah bhii kyaa saa.nche me.n Dhal jaatii hai

Kaifi Azmi
Nazm

yani

mai.n sochtaa huu.n ik nazm likhuu.n
lekin is me.n kyaa baat kahuu.n
ik baat me.n bhii sau baate.n hai.n
kahii.n jiite.n hai.n kahii.n maate.n hai.n
dil kahtaa hai mai.n suntaa huu.n
man-maane phuul yuu.n chuntaa huu.n
jab maat ho mujh ko chup na rahuu.n
aur jiit jo ho darraana kahuu.n
pal ke pal me.n ik nazm likhuu.n
lekin is me.n kyaa baat kahuu.n
jab yuu.n uljhan ba.Dh jaatii hai
tab dhyaan kii devii aatii hai
aksar to vo chup hii rahtii hai
kahtii hai to itnaa kahtii hai
kyuu.n sochte ho ik nazm likho
kyuu.n apne dil kii baat kaho
behtar to yahii hai chup hii raho

Meeraji
Nazm

ek kamra-e-imtihan mein

be-nigaah aa.nkho.n se dekhte hai.n parche ko
be-KHayaal haatho.n se
an-bane se lafzo.n par u.ngliyaa.n ghumaate hai.n
yaa savaalnaame ko dekhte hii jaate hai.n
sochte nahii.n itnaa jitnaa sar khujaate hai.n

Amjad Islam Amjad
Nazm

kashmakash

sochte sochte phir mujh ko KHayaal aataa hai
vo mire ra.nj-o-masaa.ib kaa mudaavaa to na thii
ra.ng-afshaa.n thii mire dil kii KHalaa.o.n me.n magar
ek aurat thii ilaaj-e-Gam duniyaa to na thii

Naresh Kumar Shad
Nazm

imtihan

haal par bachcho.n ke hai.n behad pareshaa.n vaaldain
saath me.n aulaad ke un kaa u.Daa jaataa hai chain
garche hai ta.aliim aur raTne me.n bo.ad-ul-mashriqain
sochte hai.n vo ki achchhaa zehn hai KHaaliq kii den
kyaa KHabar thii is tarah jii kaa ziyaa.n ho jaa.egaa
''ya.anii ye pahle hii nazr-e-imtehaa.n ho jaa.egaa''

Syed Mohammad Jafri
Nazm

aksar main sochta hun

kaise banaa.ii tuu ne ye kaa.enaat pyaarii
hairaan ho rahii hai aql-o-KHirad hamaarii
kaliyaa.n mahak rahii hai.n e.ajaaz hai ye teraa
KHushbuu kahaa.n se aa.ii ik raaz hai ye teraa
bulbul ke chahchaho.n ne hairaan kar diyaa hai
insaa.n ke qahqaho.n ne hairaan kar diyaa hai
shashdar huu.n dekh ke mai.n u.Dte hai.n kaise panchhii
dariyaa me.n dekhtaa huu.n jaate hai.n kaise maa.njhii
kis tarah be-sutuu.n ye tuu ne falak banaayaa
aa.nchal ko tuu ne us ke baaro.n se jagmagaayaa
kis tarah kii hai.n paidaa barsaat kii ghaTaa.e.n
kis tarah chal rahii hai.n pur-kaif ye havaa.e.n
dariyaa pahaa.D jangal kis tarah ban ga.e hai.n
ye baat aql vaale har vaqt sochte hai.n
kis tarah tuu ne maulaa insaan ko banaayaa
aksar mai.n sochtaa huu.n kaisaa hai tuu KHudaayaa

Aadil Aseer Dehlvi
Nazm

laDkon ka zindagi-nama

kyaa zindagii hamaarii
sab kuchh hai apne bas me.n
aazaad hai.n fazaa.e.n
duniyaa hai dastaras me.n
kyaa kyaa hame.n milaa hai
kuchh vaqt kuchh baras me.n
lekin jo mu.D ke dekhe.n
thii ik ajab kahaanii
dushvaar kaisaa jiinaa
mushkil thii zindagaanii
ik aafat-e-musalsal
aalaam-e-naa-gahaanii
rozaana sub.h uThnaa
aasaan thaa na itnaa
har roz Daa.nT khaanaa
har roz kaa sisaknaa
har baat ke tamaashe
har baat par jhaga.Dnaa
abbaa vahii.n kha.De hai.n
aKHbaar pa.Dh rahe hai.n
kyaa kaam ham ko de de.n
har vaqt sochte hai.n
aulaad ko to apnii
naukar samajh rahe hai.n
ammii ke saamne to
bilkul na mu.nh ko khole.n
ham bad-tamiiz Thahre
go achchhii baat bole.n
chup-chaap hii rahe.n bas
kitnaa bhii KHvaar ho le.n
paanii baras rahaa hai
par dil taras rahaa hai
vo cycle kha.Dii hai
maa.njhaa vahii.n rakhaa hai
kanche yahaa.n pa.De hai.n
ballaa vahaa.n kha.Daa hai
lekin nahii.n hame.n kyaa
laade kamar pe basta
school jaa rahe hai.n
taariiKH kaa hai parcha
achchhaa nahii.n hu.aa to
bas band jeb KHarcha
urdu kaa kaam puuraa
kal raat kar liyaa thaa
lekin hame.n riyaazii
bilkul samajh na aayaa
allaah ke hai.n bande
ham se hai vaasta kyaa
ammii ne sirf Daa.nTaa
baalo.n me.n tel Daalaa
bhayyaa ne sirf jhi.Dkaa
baajii ne KHuub Taalaa
sab ke liye hai jii me.n
nafrat kaa ek jaalaa
bhayyaa kii cycle kii
kis ne havaa nikaalii
ham ko bhalaa KHabar kyaa
har shaKHs hai savaalii
us ne hamaarii chi.Diyaa
us din jo to.D Daalii
sach hai bahut sitam thaa
goyaa the ik khilaunaa
jaise ho sab baraabar
ghar me.n na honaa honaa
dekhaa nahii.n kisii ne
chhup chhup hamaaraa ronaa
ab ho gayaa hai apnaa har chiiz par ijaara
sab apnii zimmedaarii
sab faisle hamaare
har chiiz iKHtiyaarii
lekin vo bachpane kii hai yaad pyaarii pyaarii
kyaa zindagii hamaarii
kyaa zindagii hamaarii

Asna Badr
Nazm

talib-ilm

saamne to hai magar teraa munavvar chehra
usii jaahil ko nazar aataa hai
jo ye kahtaa hai ki taimuur kii fauje.n jis vaqt
apne dushman pe ba.Dhaa kartii thii.n
aurte.n piichhe rahaa kartii thii.n
aur jo aalim the jo faazil the vo ye sochte the
haar kis shaKHs kii hai jiit hai kis kii chho.Do
ham bhii kin chhoTii sii baato.n me.n ulajh baiThe hai.n
chalte chalte mujhe tezii se KHayaal aayaa hai
teraa ye juu.Daa jo khul jaa.e bikhar jaa.e to phir kyaa hogaa
merii taariiKH ki terii taariiKH
phail kar aaj pe (aur kal pe bhii) chhaa jaa.egii
sochne vaale ko ik pal me.n bataa jaa.egii
aurte.n piichhe agar ho.n bhii to aage hii rahaa kartii hai.n
aur falaatuu.n kaa chachaa haath me.n talvaar liye aage ba.Dhaa kartaa hai
lo vo juu.Daa bhii falaatuu.n hii se kuchh kahne lagaa
aur raste me.n use kaun milegaa taimuur
aur vo us se kahegaa ki yahaa.n kyuu.n aa.ii
jaa mire piichhe chalii jaa ki tire piichhe hamesha har-dam
ilm yuu.n re.ngte hii re.ngte ba.Dhtaa jaa.e
jaise har baat ke piichhe har baat
re.ngte re.ngte ba.Dhtii hii chalii jaatii hai
aur har ek falaatuu.n jo sharar ban ke chamaktaa hai vo miT jaataa hai

Meeraji
Nazm

jitne alfaz hain sab kahe ja chuke

ek muddat hu.ii sochte sochte
tum se kahnaa hai kuchh par mai.n kaise kahuu.n
aarzuu hai mujhe aise alfaaz kii
jo kisii ne kisii se kahe hii na ho.n
sochtaa huu.n ki mauj-e-sabaa ke subuk paa.nv me.n ko.ii paazeb hii Daal duu.n
chaahtaa huu.n ki in titliyo.n ke paro.n me.n dhanak baa.ndh duu.n
surma.ii shaam ke gesu.o.n me.n ba.ndhii baarishe.n khol duu.n KHushbu.e.n ghol duu.n
phuul ke surKH ho.nTo.n pe afshaa.n rakhuu.n
KHvaab kii maa.ng me.n nuur sinduur kii kahkashaa.n khii.nch duu.n
ik taKHayyul kii be-rabtiyo.n ko tasalsul kii zanjiir duu.n
KHvaab ko jism duu.n jism ko ism duu.n
ko.ii ta.abiir duu.n ek tasviir duu.n aur tasviir ko ruu-ba-ruu rakh ke ik harf-e-tauqiir duu.n
kyaa kahuu.n ye kahuu.n yuu.n kahuu.n par mai.n kaise kahuu.n
jitne alfaaz hai.n sab kahe jaa chuke sab sune jaa chuke
tishna iz.haar ko mo'atabar saa ko.ii ab sahaaraa mile
ik kinaaya mile ik ishaara mile
KHuub-suurat anokhii alaamat mile an-kahaa an-sunaa isti.aara mile
aarzuu hai mujhe aise alfaaz kii justujuu hai mujhe aise alfaaz kii
jin se patthar ko paanii kiyaa jaa sake
KHvaab ko ik haqiiqat kiyaa jaa sake
ek zinda kahaanii kiyaa jaa sake
sarhad-e-jaavedaanii kiyaa jaa sake

Tariq Qamar
Nazm

pata nahin wo kaun tha

pata nahii.n vo kaun thaa
jo mere haath
muugre kii Daal pa.nkh mor kaa thamaa ke chal diyaa
pata nahii.n vo kaun thaa
havaa ke jho.nke kii tarah jo aayaa aur guzar gayaa
nazar ko rang dil ko nik.hato.n ke dukh se bhar gayaa
mai.n kaun huu.n
guzarne vaalaa kaun thaa
ye phuul pa.nkh kyaa hai.n kyuu.n mile
ye sochte hii sochte tamaam rang ek rang me.n utarte ga.e
......siyaah ra.ng
tamaam nik.hate.n idhar udhar bikhar ga.ii.n
.........KHalaao.n me.n
yaqiin hai...... nahii.n nahii.n gumaan hai
vo ko.ii meraa dushman-e-qadiim thaa
dikhaa ke jo saraab merii pyaas aur ba.Dhaa gayaa
mai.n be-hisaab aarzuu.o.n kaa shikaar
intihaa-e-shauq me.n fareb us kaa khaa gayaa
gumaan... nahii.n nahii.n yaqiin hai
vo ko.ii meraa dost thaa
jo do gha.Dii ke vaaste hii kyuu.n na ho
nazar ko rang dil ko nik.hato.n se bhar gayaa
pata nahii.n kidhar gayaa
mai.n is ko Dhuu.nDhtaa hu.aa
tamaam kaa.enaat me.n
udhar udhar bikhar gayaa

Bashar Nawaz
Nazm

doraha

jaag ai narm-nigaahii ke pur-asraar sukuut
aaj biimaar pe ye raat bahut bhaarii hai
jo KHud apne hii salaasil me.n giraftaar rahe
un KHudaa.o.n se mire Gam kii davaa kyaa hogii
sochte sochte thak jaa.e.nge niile saagar
jaagte jaagte so jaa.egaa maddham aakaash
is chhalaktii hu.ii shabnam kaa zaraa saa qatra
kisii ma.asuum se ruKHsaar pe jam jaa.egaa
ek taaraa nazar aa.egaa kisii chilman me.n
ek aa.nsuu kisii bistar pe bikhar jaa.egaa
haa.n magar teraa ye biimaar kidhar jaa.egaa
mai.n ne ik nazm me.n likkhaa thaa ki ai ruuh-e-vafaa
chaarasaazii tire naaKHun kii rahiin-e-minnat
Gam-gusaarii tirii palko.n kii rivaayaat me.n hai
ek chhoTii hii sii ummiid-e-tarab-zaar sahii
ek jugnuu kaa ujaalaa mirii barsaat me.n hai
lazzat-e-aariz-o-lab saa.at-e-takmiil-e-visaal
merii taqdiir me.n hai aur tirii baat me.n hai

Mustafa Zaidi
Nazm

sher bechaara

sher jangal me.n hai udaas bahut
jaanvar kam hai.n aur ghaas bahut
sochtaa hai ki kyaa kare.n ab ham
kar liyaa Gaur aur qayaas bahut
maa-badaulat kaa ho gayaa pa.Daa
thii kabhii apnii dho.ns-dhaa.ns bahut
sab re.aayaa chalii ga.ii zoo me.n
naukrii aa.ii sab ko raas bahut
sab ke jangal ko chho.D jaane se
ho gayaa hai hamaaraa loss bahut
khaane piine ke pa.D ga.e laale
chaahiye family ko maas bahut
bachche udham machaa.e rakhte hai.n
in ko lagtii hai bhuuk pyaas bahut
shernii ne bhii roz la.D la.D kar
kar diyaa hai hamaaraa naas bahut
vo samajhtii hai aaj bhii haigaa
maal-o-daulat hamaare paas bahut
roz make-up kaa chaahiye saamaa.n
aur darkaar hai.n libaas bahut
us se shikve shikaayate.n sun kar
ta.ane detii hai ham ko saas bahut
jii me.n aataa hai KHud-kushii kar le.n
zindagaanii se hai.n niraas bahut
par kabhii sochte hai.n shahr chale.n
suu.ngh lii ja.ngalo.n kii baas bahut
jaa ke circus me.n naukrii kar le.n
gar mile.n to hai.n sau pachaas bahut

Ahmad Hatib Siddiqi
Nazm

ek shaer ek nazm

apne shahsavaaro.n ko
qatl karne vaalo.n se
KHuu.n-bahaa talab karnaa
vaariso.n pe vaajib thaa
qaatilo.n pe vaajib thaa
KHuu.n-bahaa adaa karnaa
vaajibaat kii takmiil
munsifo.n pe vaajib thii
munsifo.n kii nigraanii
qudsiyo.n pe vaajib thii
vaqt kii adaalat me.n
ek samt masnad thii
ek samt KHanjar thaa
taaj-e-zar-nigaar ik samt
ek samt lashkar thaa
ik taraf muqaddar thaa
taa.ife pukaar uTThe
taaj-o-taKHt zindaabaad
saaz-o-raKHt zindaabaad
saaz-o-raKHt zindaabaad
KHalq ham se kahtii hai
saaraa maajraa likkhe.n
kis ne kis tarah paayaa
apnaa KHuu.n-bahaa likkhe.n
chashm-e-nam se sharminda
ham qalam se sharminda
sochte hai.n
kyaa likkhe.n

Iftikhar Arif
Nazm

hum to shair hain hum sach nahin bolte

fasl aatii hai jab hifz-e-pindaar kii
sach ke iz.haar kii
ham haqaa.eq se nazre.n churaa.e hu.e
maslahat ke janaaze uThaa.e hu.e
sar jhukaa.e hu.e
lauT jaate hai.n maazii ke sahraa.o.n me.n
baiTh kar phir Gam-e-zaat kii chhaa.nv me.n
sochte bhii nahii.n bolte bhii nahii.n
sahme sahme hu.e log milte ho.n jab
har taraf zaKHm ke phuul khilte ho.n jab
jaan-e-jaa.n kam se kam aise mausam me.n ham
harf-e-haq to kujaa lab nahii.n kholte
ham to shaa.ir hai.n ham sach nahii.n bolte

Suroor Barabankvi
Nazm

ek umr hoti hai

ek umr hotii hai
jis me.n ko.ii la.Dkaa ho
yaa vo ko.ii la.Dkii ho
sochte hai.n dono.n hii
ham hii harf-e-avval hai.n
is jahaan-e-kohna ko
apnii fikr-e-nau se ham
ik lagan kii lau se ham
jis tarah kaa chaahe.nge
vaisaa hii banaa le.nge
pattharo.n ko mar-mar ke
paikaro.n me.n Dhaale.nge

Ahmad Rahi
Nazm

zinda pani sachcha

ek qamiis chalii aatii hai jaane kahaa.n se bahtii hu.ii
jis me.n naaKHun gaa.D diye hai.n ab ik aabii jhaa.Dii ne
is kaa maalik bichha.D gayaa hai ye bhii us ke paas chalii
ik bahte darvaaze par ik bhiigii billii baiThii hai
jo aane vaale lamho.n kii baabat sochtii jaatii hai
sochte sochte us kii aa.nkhe.n ho jaa.e.ngii sehr-zada
aur us ke baalo.n kaa resham paanii me.n mil jaa.egaa
lahar kii ik diivaar girii aur bulbule dab kar TuuT ga.e
jin kii phuuTtii aa.nkho.n se kuchh KHvaab nikal kar bhaag chale
ye KHvaabo.n ke dekhne vaale aaKHir kyuu.n nahii.n sochte hai.n
sab afsaane jhuuTe hai.n, sab KHvaab bikharne vaale hai.n
is laa-faanii jhuuT ke piichhe sach hai agar to itnaa hai
ye sab kuchh hotaa rahtaa hai paanii bahtaa rahtaa hai

Saqi Faruqi
Nazm

irtiqa

qadam qadam par janaaze rakkhe hu.e hai.n in ko uThaa.o jaa.o
ye dekhte kyaa ho kaam meraa nahii.n tumhaaraa ye kaam hai aaj aur kal kaa
tum aaj me.n mahv ho ke shaayad ye sochte ho
na biitaa kal aur na aane vaalaa tumhaaraa kal hai
magar yuu.nhii soch me.n jo Duube to kuchh na hogaa
janaaze rakkhe hu.e hai.n in ko uThaa.o jaa.o
chalo janaazo.n ko ab uThaa.o
ye bahte aa.nsuu bahe.nge kab tak uTho aur ab in ko po.nchh Daalo

Meeraji
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now