Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "suhaanaa"

Nazm MATCHES FOR "suhaanaa"

Nazm

raat sunsan hai

mez chup-chaap gha.Dii band kitaabe.n KHaamosh
apne kamre kii udaasii pe taras aataa hai
meraa kamra jo mire dil kii har ik dha.Dkan ko
saal-haa-saal se chup-chaap gine jaataa hai
johd-e-hastii kii ka.Dii dhuup me.n thak jaane par
jis kii aaGosh ne baKHshaa hai mujhe maa.n kaa KHuluus
jis kii KHaamosh inaayat kii suhaanii yaade.n
loriyaa.n ban ke mire dil me.n samaa jaatii hai.n
merii tanhaa.ii ke ehsaas ko zaa.il karne
jis kii diivaare.n mire paas chalii aatii hai.n

Mustafa Zaidi
Nazm

jatri

ek aayaa gayaa duusraa aa.egaa der se dekhtaa huu.n yuu.nhii raat us kii guzar jaa.egii
mai.n kha.Daa huu.n yahaa.n kis liye mujh ko kyaa kaam hai yaad aataa nahii.n yaad bhii TimTimaataa
hu.aa ik diyaa ban ga.ii jis kii ruktii hu.ii aur jhijaktii hu.ii har kiran be-sadaa qahqaha hai
magar mere kaano.n ne kaise use sun liyaa ek aa.ndhii chalii chal ke miT
bhii ga.ii aaj tak mere kaano.n me.n maujuud hai saa.e.n saa.e.n machaltii hu.ii aur
ubaltii hu.ii phailtii phailtii der se mai.n kha.Daa huu.n yahaa.n ek aayaa gayaa
duusraa aa.egaa raat us kii guzar jaa.egii ek ha.ngaama barpaa hai dekhe.n jidhar
aa rahe hai.n ka.ii log chalte hu.e aur Tahalte hu.e aur rukte hu.e phir se
ba.Dhte hu.e aur lapakte hu.e aa rahe jaa rahe hai.n idhar se udhar aur udhar se
idhar jaise dil me.n mire dhyaan kii lahar se ek tuufaan hai vaise aa.nkhe.n
mirii dekhtii hii chalii jaa rahii hai.n ki ik TimTimaate diye kii kiran zindagii ko phisalte
hu.e aur girte hu.e Dhab se zaahir kiye jaa rahii hai mujhe dhyaan
aataa hai ab tiirgii ik ujaalaa banii hai magar is ujaale se ristii chalii jaa rahii
hai.n vo amrit kii buu.nde.n jinhe.n mai.n hathelii pe apnii sambhaale rahaa huu.n hathelii
magar TimTimaataa hu.aa ik diyaa ban ga.ii thii lapak se ujaalaa hu.aa lau girii phir a.ndheraa saa
chhaane lagaa baiThtaa baiThtaa baiTh kar ek hii pal me.n uThtaa hu.aa jaise aa.ndhii ke
tiikhe thape.Do.n se darvaaze ke taaq khulte rahe.n band hote rahe.n
pha.D.pha.Daate hu.e taa.ir-e-zaKHm-KHurda kii maanind mai.n dekhtaa hii rahaa ek aayaa
gayaa duusraa aa.egaa soch aa.ii mujhe paa.nv ba.Dhne se inkaar karte
ga.e mai.n kha.Daa hii rahaa dil me.n ik buu.nd ne ye kahaa raat yuu.nhii guzar jaa.egii
dil kii ik buu.nd ko aa.nkh me.n le ke mai.n dekhtaa hii rahaa pha.D.pha.Daate hu.e taa.ir
zaKHm-KHurda kii maanind darvaaze ke taaq ik baar jab mil ga.e mujh ko aahista aahista
ehsaas hone lagaa ab ye zaKHmii parinda na ta.Dpegaa lekin mire dil ko har vaqt
ta.Dpaa.egaa mai.n hathelii pe apnii sambhaale rahuu.ngaa vo amrit kii buu.nde.n jinhe.n aa.nkh
se merii risnaa thaa lekin mirii zindagii TimTimaataa hu.aa ik diyaa ban ga.ii jis kii ruktii hu.ii
aur jhijaktii hu.ii har kiran be-sadaa qahqaha hai ki is tiirgii me.n ko.ii baat aisii nahii.n
jis ko pahle a.ndhere me.n dekhaa ho mai.n ne safar ye ujaale a.ndhere kaa chaltaa
rahaa hai to chaltaa rahegaa yahii rasm hai raah kii ek aayaa gayaa duusraa
aa.egaa raat aise guzar jaa.egii TimTimaate sitaare bataate the raste kii
naddii bahii jaa rahii hai bahe jaa is uljhan se aise nikal jaa ko.ii siidhaa manzil pe jaataa
thaa lekin ka.ii qaafile bhuul jaate the anjum ke daur-e-yagaanaa ke mub.ham ishaare magar vo
bhii chalte hu.e aur ba.Dhte hu.e shaam se pahle hii dekh lete the maqsuud kaa band
darvaaza khulne lagaa hai magar mai.n kha.Daa huu.n yahaa.n mujh ko kyaa kaam hai meraa darvaaza
khultaa nahii.n hai mujhe phaile sahraa kii so.ii hu.ii reg kaa zarra zarra yahii kah rahaa hai
ke aise KHaraabe me.n suukhii hathelii hai ik aisaa talvaa ke jis ko kisii KHaar kii nok chubhne pe bhii
kah nahii.n saktii mujh ko ko.ii buu.nd apne lahuu kii pilaa do magar mai.n kha.Daa huu.n yahaa.n kis liye
kaam ko.ii nahii.n hai to mai.n bhii in aate hu.e aur jaate hu.e ek do tiin
laakho.n baguulo.n me.n mil kar yuu.nhii chalte chalte kahii.n Duub jaataa ke jaise yahaa.n
bahtii lahro.n me.n kashtii har ek mauj ko thaam letii hai apnii hathelii ke phaile ka.nval
me.n mujhe dhyaan aataa nahii.n hai ki is raah me.n to har ik jaane vaale ke bas
me.n hai manzil mai.n chal duu.n chaluu.n aa.iye aa.iye aap kyuu.n is jagah
aise chup-chaap tanhaa kha.De hai.n agar aap kahiye to ham ik achhuutii sii Tahnii se
do phuul bas bas mujhe is kii ko.ii zaruurat nahii.n hai mai.n ik
dost kaa raasta dekhtaa huu.n magar vo chalaa bhii gayaa hai mujhe phir bhii
taskiin aatii nahii.n hai ki mai.n ek sahraa kaa baashinda maaluum hone lagaa huu.n KHud
apnii nazar me.n mujhe ab ko.ii band darvaaza khultaa nazar aa.e ye baat mumkin nahii.n hai
mai.n ik aur aa.ndhii kaa mushtaaq huu.n jo mujhe apne parde me.n yaksar chhupaa le
mujhe ab ye mahsuus hone lagaa hai suhaanaa samaa.n jitnaa bas me.n thaa mere
vo sab ek bahtaa saa jho.nkaa banaa hai jise haath mere nahii.n rok sakte
ki merii hathelii me.n amrit kii buu.nde.n to baaqii nahii.n hai.n faqat ek phailaa hu.aa
KHushk be-barg be-ra.ng sahraa hai jis me.n ye mumkin nahii.n mai.n kahuu.n
ek aayaa gayaa duusraa aa.egaa raat merii guzar jaa.egii

Meeraji
Nazm

bachpan ka wo zamana

aataa hai yaad mujh ko bachpan kaa vo zamaana
rahtaa thaa saath mere KHushiyo.n kaa jab KHazaana
har roz ghar me.n milte umda laziiz khaane
be-mehnat-o-mashaqqat haasil thaa aab-o-daana
bachcho.n ke saath rahnaa KHushiyo.n ke giit gaanaa
dil me.n na thii kuduurat thaa sab se dostaana
meh.ndii ke patte laanaa aur piis kar lagaanaa
phir surKH haath apne har ek ko dikhaanaa
aavaaz DugDugii kii juu.n hii sunaa.ii detii
us kii taraf lapaknaa bachcho.n kaa vaalihaana
har saal pyaare abbuu laate the ek bakraa
chaara use khilaanaa maidaan me.n ghumaanaa
vo duur jaa chukaa hai aataa nahii.n palaT kar
bachpan kaa vo zamaana lagtaa hai ik fasaana
daadii ko mai.n ne ik din ye mashvara diyaa thaa
chehre kii jhurriyo.n ko aasaan hai miTaanaa
chehre pe aap ke hai.n jo be-shumaar shikne.n
aayaa mirii samajh me.n un se najaat paanaa
kap.De kii saarii shikne.n miTtii hai.n istirii se
aasaan saa amal hai ye istirii chalaanaa
ik garm istirii ko chehre pe aap phere.n
umda hai meraa nusKHa hai shart aazmaanaa
ik roz vaalida se jaa kar kahaa kitchen me.n
ab chho.Diyegaa ammii ye roTiyaa.n pakaanaa
ik pe.D roTiyo.n kaa daalaan me.n lagaa.e.n
us pe.D ko kahe.nge roTii kaa kaarKHaana
shaaKHo.n se taaza taaza phir roTiyaa.n mile.ngii
to.De.nge roTiyaa.n ham khaa.e.nge ghar me.n khaanaa
kaisii ajiib baate.n aatii thii.n mere lab par
aaj un ko kah rahaa huu.n baate.n hai.n ahmaqaana
vo pyaarii pyaarii baate.n ab yaad aa rahii hai.n
bachpan kaa vo zamaana kyaa KHvaab thaa suhaanaa

Abdul Qadir
Nazm

ujala

merii hamdam, mire KHvaabo.n kii sunahrii ta.abiir
muskuraa de ki mire ghar me.n ujaalaa ho jaa.e
aa.nkh malte hu.e uTh jaa.e kiran bistar se
sub.h kaa vaqt zaraa aur suhaanaa ho jaa.e

Mustafa Zaidi
Nazm

sawan

har vaqt suhaanaa kyaa kahnaa har raat suhaanii kyaa kahnaa
barsaat ke bhiige lamho.n me.n shaadaab javaanii kyaa kahnaa

Nushur Wahidi
Nazm

watan ka rag

bhaarat pyaaraa desh hamaaraa sab desho.n se nyaaraa hai
har rut har ik mausam is kaa kaisaa pyaaraa pyaaraa hai
kaisaa suhaanaa kaisaa sundar pyaaraa des hamaaraa hai
dukh me.n sukh me.n har haalat me.n bhaarat dil kaa sahaaraa hai
bhaarat pyaaraa desh hamaaraa sab desho.n se nyaaraa hai

Hamidullah Afsar
Nazm

ek sitara aadarsh ka

vo suhaanaa saa ujaalaa
jhuumtaa saagar ke paar
gul-badaamaa.n ek aa.ngan shaam ke taare kaa hai
meraa nahii.n
vo ghanaa ban bhii puraanaa aashram hai
jhilmilaatii os kaa
meraa nahii.n
mai.n to guu.nge KHaak-daa.n kii
an-kahii
ai ajnabii
an-kahii se kahnii sun.nii tak pahu.nchnaa
sahal kab hai
darmiyaan haa.il milegaa
ik KHalaa-e-be-karaa.n

Shafiq Fatima Shera
Nazm

ummid meri shahzadi thi

bachpan kaa zamaana tujh me.n hai
har lamha suhaanaa tujh me.n hai
jo KHvaabo.n ko dastak detaa thaa
vo ahd puraanaa tujh me.n hai

Shamim Shahzad
Nazm

subh ka tarana

azaa.n par azaa.n murG dene lagaa hai
KHushii se har ik jaanvar boltaa hai
daraKHto.n ke uupar ajab chahchahaa hai
suhaanaa hai vaqt aur ThanDii havaa hai
uTho sone vaalo ki mai.n aa rahii huu.n

Ismail Merathi
Nazm

nae sal ki aamad par

phir na.e saal kii aamad hai nayaa jaam chale
phir barahman ne kahaa hai ki ye saal achchhaa hai
mere kamre me.n calender jo na.e saal kaa aavezaa.n hai
nazar aataa hai guzishta kii tarah
vahii uljhe hu.e haalaat vahii mah.ngaa.ii
hai vahii tishna-labii aur vahii tanhaa.ii
na mohabbat na muravvat na vafaa ke aasaar
aadamiyyat ke taqaaze na sadaaqat kii phaban
jis tarah aatish-e-imroz me.n jaltii tasviir
jaise kajlaa.ii hu.ii dast-e-hinaa.ii kii lakiir
mere kamre me.n calender jo na.e saal kaa aavezaa.n hai
nazar aataa hai guzishta kii tarah
ek manzar jo suhaanaa hai vo phaile to sahii
raaj KHushiyo.n kaa ho chehro.n pe masarrat chamke
ghar ke aa.ngan me.n mohabbat kaa ko.ii gul mahke
aur shaa.ir kaa qalam ek qasiida likkhe
jis kaa har lafz ho aaGaaz-e-masarrat kii naved
Thiik hai ham bhii na.e saal kaa naqsha dekhe.n
baab-dar-baab ko.ii KHvaab-e-tamannaa dekhe.n
mere kamre me.n calender jo na.e saal kaa aavezaa.n hai
KHud tamaasha hai tamaashaa.ii bhii

Momin Khan Shauq
Nazm

kash main hota ek parinda

kaash mai.n hotaa ek parinda
kaash mai.n hotaa ek parinda
jagah jagah kii sair ko jaataa
sab mulko.n kii KHabar bhii laataa
jab thak jaataa tab mai.n gaataa
gaate gaate mai.n so jaataa
kaash mai.n hotaa ek parinda
kaale baadal jab chhaa jaate
ga.D ga.D ga.D karte aate
paanii kaa paiGaam sunaate
tab mai.n miiThii taan u.Daataa
kaash mai.n hotaa ek parinda
apne ko aazaad mai.n paa kar
daana dunkaa sab kuchh khaa kar
niile se aakaash me.n jaa kar
dhiire dhiire mai.n ma.nDlaataa
kaash mai.n hotaa ek parinda
ga.D ga.D ga.D ga.D baadal aate
rim-jhim rim-jhim barsaa laate
umda saa ik saaz milaate
tab mai.n giit suhaanaa gaataa
kaash mai.n hotaa ek parinda
raam dhanak yaa qaus-e-quzah me.n
prithvii se aakaash kii raah me.n
jhuulaa jo hai ek fazaa me.n
'kaukab' us me.n jhuulne jaataa
kaash mai.n hotaa ek parinda

Kaukab Dehlvi
Nazm

aa ja ri chiDiya

aa jaa rii chi.Diyaa
aa jaa rii chi.Diyaa
mu.nDer par kyo.n
kartii hai chuu.n chuu.n
aa jaa tujhe mai.n
daana KHilaa.u.n
roTii ke bhuure
chhat par bikheruu.n
le apnaa khaajaa
khaa jaa rii chi.Diyaa
sun le rii chi.Diyaa
sun le rii chi.Diyaa
kyaa nanhe nanhe
bachche hai.n tere
karte hai.n chii.n chii.n
itne savere
le mai.n ne gehuu.n
chhat par bikhere
ye daane dunke
chun le rii chi.Diyaa
sun le rii chi.Diyaa
sun le rii chi.Diyaa
aa pyaarii chi.Diyaa
aa pyaarii chi.Diyaa
u.D-u.D ke aanaa
mu.D mu.D ke jaanaa
bachcho.n ko apne
daana khilaanaa
lagtaa hai jii ko
kaisaa suhaanaa
kyaa pyaaraa pyaaraa
hai teraa gaanaa
gaa KHuub din bhar
gaa pyaarii chi.Diyaa
aa pyaarii chi.Diyaa
aa pyaarii chi.Diyaa
u.D jaa rii chi.Diyaa
u.D jaa rii chi.Diyaa
vo maano billii
baiThii hai dubkii
tujh ko paka.D kar
bas khaa hii legii
miTTii ke uupar
jaa baiTh uu.nchii
niiche na aanaa
mu.D jaa rii chi.Diyaa
u.D jaa rii chi.Diyaa
u.D jaa rii chi.Diyaa

Hafeez Jalandhari
Nazm

uphaar-e-raksha-bandhan

prem jagat ke rahne vaalo prem se rishta jo.Do
hirdai hai parbhuu kaa Deraa use kabhii na to.Do
ulTii gangaa bahtii hai bahne do us ko chho.Do
apne jiivan dhaaraa ko tum siidhe ruKH par mo.Do
karam karegaa jo achchhaa achchhaa.ii pe vo maregaa
aur buraa ko.ii jo karegaa vaisaa hii vo bharegaa
pun kyaa hai jo bhii kisii ne us ko to vo milegaa
baaG me.n us ke jiivan ke vo ban kar phuul khulegaa
hinduu muslim sikh iisaa.ii sab hai.n bhaa.ii bhaa.ii
bhaa nahii.n saktii kabhii kisii ko ik-duuje kii judaa.ii
aaj hai rakshaa-bandhan kaa din hai ye kitnaa suhaanaa
bhaa.ii-bahan ke prem kaa ye din sab ko sunaa.e fasaana
shiilaa ne arshad kii le lii jaa ke haath me.n kalaa.ii
phir ye bolii rakshaa-bandhan aaj hii hai mire bhaa.ii
pyaar bharaa ye haath jo rakh do sar par aaj hamaare
har dukh har Gam duur ho jaa.e KHushiyaa.n aa.e dvaare
pyaar hii puujaa pyaar ibaadat pyaar se rishta jo.Do
har dukh har Gam duur ho jaa.e KHushiyaa.n aa.e dvaare
zainab bhii raahul ke haath me.n baa.ndh ke bolii raakhii
dukh-sa.nkaT ke saagar kii nayyaa kaa tuu hai maajhii
pavitra prem kaa jag me.n dekho kaisaa ye uphaar hai
isii pyaar aur prem se bhayyaa sukh-may ye sansaar hai
kabhii kisii bhii bahan pe bhayyaa sankaT aa nahii.n paa.e
phuul na hargiz kabhii kisii kii KHushiyo.n ke murjhaa.e
siitaa giitaa shabnam shaahii.n me.n hai bhed na bhaav
chaaro.n kaa hai ek charitra aur sab kaa ek subhaav
buu.nd lahuu kii ek rago.n me.n tan bhii ek samaan
prem paaTh pa.Dhaayaa sab ne giitaa ho yaa puraan
ho har din rakshaa-bandhan kaa sab prem kii jot jalaa.e.n
prem kii KHushbuu se mahke ghar aa.ngan chaaro.n dishaa.e.n

Mohammad Hazim Hassan
Nazm

taaqub apne ham-zad ka

chho.D aayaa huu.n mai.n apnaa chhoTaa saa ghar
ta.aaqub kartaa hai vo ab meraa umr bhar
ja.ngal kinaare parbato.n ke tale
harii-bharii vaadiyo.n me.n
jahaa.n bahte the barsaatii parnaale
chho.D aayaa huu.n mai.n apnaa chhoTaa saa ghar
had-e-nigaah tak vo KHushnumaa manzar
baadalo.n kii oT se pahaa.Dii nazaare
bijlii kii chamak baadal kii garaj
kabhii chhat Tapaktii thii to kabhii hiltii thii.n diivaare.n
kitaab copiyo.n ko siine me.n chhupaanaa
sard havaa ke jho.nko.n se charaaG kaa TimTimaanaa
vo teraa ma.asuum chehra
vo teraa bhiigii palko.n se muskuraanaa
vo aazmaa.ish kii kaalii raate.n vo imtihaano.n kaa Dar
chho.D aayaa huu.n mai.n apnaa chhoTaa saa ghar
haafize me.n dafn hai jis kaa ab bhii vo manzar
maTmailii sii thii.n jis kii diivaare.n
surKH thaa jis kaa chhappar
ja.ngle kii kamzor salaaKHo.n se
aa.nkho.n me.n aa.nsuu liye
ek la.Dkaa dekhaa kartaa thaa
qaumii shaah-raah kaa manzar
jahaa.n se diivaana-vaar baso.n aur trako.n kaa kaarvaa.n
bhaagtaa dau.Dtaa rahtaa thaa ba.De shahro.n kii samt
haa.n ba.De shahro.n kii samt
jin kii KHud laapata thii.n samte.n!!
aaj chaaliis saal baa'd vo la.Dkaa sochtaa hai
ba.Daa shahr saraab hai sunahrii hiran kaa KHvaab hai
ba.De shahr kii chaah me.n dau.Dte dau.Dte
vo be-samt be-manzar be-ghar ho gayaa hai
lekin phir kabhii kabhii use ehsaas hotaa hai
us kii bhii apnii asaas hai
us kaa suhaana manzar is ke paas hai
us kaa bhii apnaa ghar hai
vo chhoTaa saa ghar vo maTmailii diivaare.n
vo surKH chhappar
jahaa.n aashnaa nigaahe.n
jahaa.n mohabbat-aamez baahe.n
aaj bhii us kaa intizaar kar rahii hai.n

Perwaiz Shaharyar
Nazm

picnic

samaa.n suhaanaa thaa ThanDii hu.aa ke jho.nko.n se
badan ko taazgii miltii thii ruuh me.n jaise
izaafa hotaa saa mahsuus ho rahaa thaa mujhe
fazaa me.n u.Dte hu.e mast abr ke Tuk.De
ye lag rahaa thaa bahaaro.n ke hai.n faristaade
KHayaal aayaa ki mausam kaa lutf le.n sab dost
mare to jaate hai.n jiine ko aaj khul ke ji.e.n
aziim shahr kii aaluuda is fazaa se pare
kahii.n bhii mil ke chale.n saath baiThe.n khaa.e.n piye.n
miraa pa.Dosii ba.Daa pyaaraa aadmii thaa use
galii me.n aan ke aavaaz dii Gulaam-rasuul
ma.an mujhe ye KHayaal aayaa meraa ham-saaya
ab is jahaa.n me.n nahii.n ban chukaa hai vaqt kii dhuul
jo pichhle saal achaanak bha.Dak uThe the yahaa.n
vo firqa-vaarii fasaadaat khaa ga.e us ko

Akhtarul Iman
Nazm

watan ka rag

bhaarat pyaaraa desh hamaaraa sab desho.n se nyaaraa hai
har rut har mausam is kaa kaisaa pyaaraa pyaaraa hai
kaisaa suhaanaa kaisaa sundar pyaaraa desh hamaaraa hai
dukh me.n sukh me.n har haalat me.n bhaarat dil kaa sahaaraa hai

Hamidullah Afsar
Nazm

subh ka sawera

sub.h hu.ii ab uTTho bachchii
nii.nd abhii tak kyo.n hai kachchii
raat ga.ii vo suuraj niklaa
vo phailaa ghar bhar me.n ujaalaa
uTTho uTTho mu.nh dho Daalo
sustii ho to jaa ke nahaa lo
aapaa jaagii.n bhayyaa jaage
uThte hii bistar se bhaage
abbaa uTThe daadii uTThii.n
aur namaaze.n sab ne pa.Dh lii.n
jaag uThaa hai ghar bhar saaraa
ye kaisaa sonaa hai tumhaaraa
sub.h savere sustii kaisii
aadat kuchh achchhii nahii.n aisii
sub.h kaa manzar hai kyaa achchhaa
kitnaa suhaanaa kaisaa pyaaraa
uTh baiTho a.ng.Daa.ii le kar
aur lapeTo apnaa bistar
apne kaam karo tum KHud hii
baat yahii hai sab se achchhii
naashta kar lo jaldii aa kar
phir pa.Dh aa.o jhaT jhaT jaa kar
aaj nayaa lenaa hai sabaq phir
jaldii ulTe taaki varaq phir
ustaanii ke ghar hai jaanaa
kal kaa sabaq un ko hai sunaanaa
pa.Dhne likhne hii me.n mazaa hai
kaam isii se sab kaa banaa hai
hai yahii har la.Dkii kaa gahnaa
hargiz tum be-kaar na rahnaa
siikhnaa hai phir khaanaa pakaanaa
rang apnaa ghar bhar me.n jamaanaa
dekho apnii zid pe na u.Dnaa
sab ko tum se kaam hai pa.Dnaa
dekho vaqt na apnaa khonaa
pa.Dhnaa likhnaa sapnaa pironaa
kaam se hargiz jii na churaa.o
taaki jahaa.n me.n izzat paa.o
adab tamiiz aur hunar saliiqa
siikho ghar me.n beTii rafiiqa
siikh lo jaldii khaanaa pakaanaa
apnii maa.n kaa haath baTaanaa
ye sab tum jab siikh chukogii
ghar aur baahar izzat hogii
sab ye kahe.nge vaah rii la.Dkii
tuu hai kitnii achchhii beTii
tujh se kyaa KHush jii hai hamaaraa
kitnii sugha.D kyaa kaam hai pyaaraa
jitnaa pyaaraa kaam hai teraa
duniyaa bhar me.n naam hai teraa

Mahwi Siddiqi
Nazm

dipawali

jab se aa.ii hai diipaavalii
har taraf chhaa.ii hai raushnii
har jagah chaahato.n ke diye
shaam hote hii jalne lage
phul-jha.Diyo.n kaa baazaar hai
ye paTaaKHo.n kaa tehvaar hai
diipo.n kaa hai suhaanaa samaa.n
jin se dhartii banii kahkashaa.n
jitne rocket paTaaKHe chale
aasmaa.n par lage hai.n bhale
ho ga.ii.n duur taariikiyaa.n
ab hai.n raushan zamii.n aasmaa.n
jab se aa.ii hai.n diipaavalii
har taraf chhaa.ii hai raushnii
ek mauqa hai pahchaan kaa
dil milaatii hai insaan kaa
chaahato.n kii ye tasviir hai
ik na.e yug kii ta.abiir hai

Adil Hayat
Nazm

zindagi

zindagii KHvaab ik suhaanaa hai
zindagii dard kaa fasaana hai
zindagii ranj-o-Gam kaa lamha bhii
zindagii hai nashaat-o-naGma bhii
zindagii sher-o-naGmagii kaa KHumaar
zindagii kaif-o-sarKHushii kii bahaar
zindagii naqsh-e-naa-muraadii bhii
zindagii raqs bhii hai shaadii bhii
zindagii phuul hai kabhii hai KHaar
taKHt-e-shaahii hai aur kabhii hai daar
saat rango.n kaa ye nagiina hai
zindagii be-bahaa KHaziina hai
qadr jo ranj-o-Gam kii jaanegaa
'shauq' vo zindagii ko maanegaa

Momin Khan Shauq
Nazm

tum aur main

tum vo baadal ho ki aakaash pe jab jhuum ke aa.e
chale purvaa.ii bhii mausam bhii suhaanaa ho jaa.e
kabhii ghanghor ghaTaa surma.ii uudii kaalii
kabhii ik ruu.ii kaa gaalaa ki bas u.Dtaa jaa.e
kabhii bijlii kii ka.Dak ban ke jalaa.e KHirman
ga.Dga.Daataa kahii.n bin barse hii guzraa jaa.e
paanii tham tham ke pa.De rang dhanak ke bikhre.n
hijr kii shaam Dhale vasl kii raat aa jaa.e

Kaneez Fatima Kiran
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now