Search result for "zarf-e-nigaah" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "zarf-e-nigaah"

Nazm MATCHES FOR "zarf-e-nigaah"

Nazm

subh-e-shab-e-intizar

nigaah ko thii magar miir-e-kaarvaa.n kii talaash
nazar jo uTThii to dekhaa ki ek mard-e-faqiir
kha.Daa hai hausla-e-amn-o-aashatii le kar
na ko.ii KHod badan par na haath me.n shamshiir

Syeda Shan-e-Meraj

Nazm

alaw

ham ajnabii the musaafir the KHaana-viiraa.n the
aur is alaav ke raqsaa.n hinaa.ii baato.n ne
bulaa liyaa hame.n apne hasii.n ishaaro.n se
to is kii raushnii-e-ahmarii.n kii taabish me.n
KHud apne aap ko ik duusre se pahchaanaa
ki ham vo KHaana-badoshaan-e-ziist hai.n jin ko
azal se apne hii jaise musaafiro.n kii talaash
kiye hu.e hai inhii dasht-o-dar me.n sar-gardaa.n
hamaarii apnii sadaa ajnabii thii apne liye
dilo.n ne pahle-pahal zer-e-lab kahaa ham se
ki ahl-e-zarf-o-Gariibaan-e-shahr-e-ehsaasaat
taras rahe hai.n suKHan-haa-e-guftanii ke liye
aur is alaav ke sho.alo.n ne ham se baate.n kii.n
hamaarii gu.ng zabaano.n ko phir zabaane.n dii.n
aur apnii apnii sunaa.ii.n kahaaniyaa.n ham ne
kahaaniyaa.n jo haqiiqat me.n ek jaisii thii.n

Sahar Ansari

Nazm

zarf

jaam haazir hai ki mai.n aur miraa mashrab-e-KHaas
buKHl se ek bhii pahluu se nahii.n hai mansuub
haa.n magar jaam uThaanaa hai to tuu soch zaruur
zarf-e-mai-KHvaar se qaa.em hai vaqaar-e-mai-KHvaar

Nazm

bahut qarib ho tum

vafaa bhii jis pe hai naazaa.n vo bevafaa tum ho
jo kho ga.ii hai mire dil kii vo sadaa tum ho
bahut qariib ho tum phir bhii mujh se kitnii duur
hijaab-e-jism abhii hai hijaab-e-ruuh abhii
abhii to manzil-e-sad-mehr-o-maah baaqii hai
hijaab-e-faasla-haa-e-nigaah baaqii hai
visaal-e-yaar abhii tak hai aarzuu kaa fareb

Ali Sardar Jafri

Nazm

KHwabon ki rakh

merii firdaus-e-tasavvur tirii ulfat kii qasam
markaz-e-nazm-o-Gazal tujh ko banaayaa mai.n ne
merii taKH.iil me.n ai gulshan-e-naira.ng-e-nigaah
apne naGmo.n se shabistaan sajaayaa mai.n ne

Nazm

mawara

aur vo rabb-e-jahaa.n raahat-e-jaa.n
maavaraa-e-nigah-e-kaun-o-makaa.n

Waheed Akhtar

Nazm

naqsh-e-pa

hai markaz-e-nigaah par chaTaan sii kha.Dii hu.ii
udhar chaTaan se pare vasii.a-tar hai tiirgii

Akhtarul Iman

Nazm

sal-e-nau

puraane dil me.n na.ii dha.Dkano.n kii aahaT ho
ruKH-o-nigaah safed aa.ino.n ke saath aa.e

Zubair Ahmad Saani

Nazm

sauraj

daamaan-e-nigah jis kii fazaa ke liye thaa ta.ng
vo baaG hu.aa dekhte hii dekhte taaraaj

Zafar Ali Khan

Nazm

pesh-ahang

ziyaa-e-ishq se qalb-o-nigaah raushan ho
to KHud-baKHud nikhar aatii hai daastaan-e-hayaat

Mansha ur Rahman Khan Mansha

Nazm

siraj aurang-abaadi

nazar nazar me.n bahaar-e-nigaah naGma-e-ba-dosh
nafas nafas me.n ik ehsaa-e-dard naGma-taraaz

Maikash Akbarabadi

Nazm

dil

kyaa Dhuu.nDhtii hai siina me.n ab o nigaah-e-naaz
muddat hu.ii ki sarf-e-vafaa ho gayaa hai dil

Jaleel Qidwai

Nazm

gladiola

ye ek saa.at kaa rang jis me.n suruur bhii hai vuquuf bhii hai
yahii faraaz-e-abad ke rasto.n kaa raazdaa.n hai
ye rang aa.nkho.n ko KHiira kar de to kaun dekhe
varaa-e-had-e-nigaah kyaa hai

Ameen Rahat Chugtai

Nazm

ek pur-asrar sada

us ke ha.nsne aur rone kii sadaa
ho ga.ii thii
kuchh dino.n se ek sii
ab vo aksar din me.n sotaa
aur shab-bhar jaagtaa
ghuumtaa thaa shahr kii sa.Dko.n pe tanhaa sub.h tak
ik sadaa
suunii fazaa.o.n me.n lagaataa
guu.nj suntaa
phir lagaataa
chaltaa jaataa
be-takaa.n
log ab sote the raato.n ko na shaayad jaagte
ik ajab aalam thaa
sunte the juu.nhii aavaaz us kii duur se
vo jo masruuf-e-fuGaa.n the sochte
hai ko.ii bad-baKHt un jaisaa
kisii Te.Dhe safar me.n
be-amaa.n
aur jo sarshaar the mauj-e-ziyaa kii raah me.n
vo bhii zarf-e-sar-KHushii kii daad dete the use

Balraj Komal

Nazm

nala-e-firaq

jaa basaa maGrib me.n aaKHir ai makaa.n teraa makii.n
aah! mashriq kii pasand aa.ii na us ko sarzamii.n
aa gayaa aaj is sadaaqat kaa mire dil ko yaqii.n
zulmat-e-shab se ziyaa-e-roz-e-furqat kam nahii.n
''taaz aaGosh-e-vidaa'ish daaG-e-hairat chiida ast
ham-chuu sham-e-kushta dar-chashm-e-nigah KHvaabiida ast''

Allama Iqbal

Nazm

sarapa

shero.n me.n us ke husn kii tahdaariyo.n kaa aks
har gosha-e-nigaah dhanak-rang ik jahaa.n
jaise shafaq fazaa-e-suKHan par muhiit ho
jaise kiran ubharte hu.e maahtaab kii

Muslim Shameem

Nazm

parwaz

ek pal
had-e-nigaah
chiknii kaalii sa.Dak
daa.e.n
aasmaa.n se baate.n kartii.n imaarate.n
baa.e.n
zamiin kii qadam-bosii kartii jho.npa.Diyaa.n
uupar
niilguu.n be-karaa.n aasmaa.n
aur is par
giddho.n kii baaraat

Anwari Begum

Nazm

ujala

mere nikhre hu.e giito.n me.n tiraa jaaduu hai
mai.n ne meyaar-e-tasavvur se banaayaa hai tujhe
merii parviin-e-taKHayyul, mirii nasriin-e-nigaah
mai.n ne taqdiis ke phuulo.n se sajaayaa hai tujhe

Mustafa Zaidi

Nazm

kyon jalwon ke mahtab bujhe

mahruum-e-nigaah-e-shauq hu.ii kyo.n shoKH adaa.o.n kii puu.njii
barbaad-e-KHizaa.n hai.n ab kaise rangiin tabassum kii galiyaa.n
vo ek nazar afsurda kyo.n vo ek nazar hai hairaa.n kyo.n

Mohammad Ahsan Wahidi

Nazm

parinde fikrmand hain

zaraa sii aab-juu nadii
ki laa-huduud bahr ho
tamaam ek sail-e-surKH maujzan
tamaam aab-zaar hai.n lahuu-lahuu
had-e-nigaah tak samaa.n
dhu.aa.n dhu.aa.n
havaa me.n hai rachii-basii
'ajab sii buu

Shadab Razi

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now