حیران کرنے والے شعر

میں تو منیرؔ آئینے میں خود کو تک کر حیران ہوا

یہ چہرہ کچھ اور طرح تھا پہلے کسی زمانے میں

کبھو رونا کبھو ہنسنا کبھو حیران ہو جانا

محبت کیا بھلے چنگے کو دیوانہ بناتی ہے

ہر نئے حادثے پہ حیرانی

پہلے ہوتی تھی اب نہیں ہوتی

رفتہ رفتہ آنکھوں کو حیرانی دے کر جائے گا

خوابوں کا یہ شوق ہمیں ویرانی دے کر جائے گا

اپنی تائید پہ خود عقل بھی حیران ہوئی

دل نے ایسے مرے خوابوں کی حمایت کی ہے

کب وہ ظاہر ہوگا اور حیران کر دے گا مجھے

جتنی بھی مشکل میں ہوں آسان کر دے گا مجھے

دل پریشاں ہو مگر آنکھ میں حیرانی نہ ہو

خواب دیکھو کہ حقیقت سے پشیمانی نہ ہو

حیرانی میں ہوں آخر کس کی پرچھائیں ہوں

وہ بھی دھیان میں آیا جس کا سایہ کوئی نہ تھا

بارہا خود پہ میں حیران بہت ہوتا ہوں

کوئی ہے مجھ میں جو بالکل ہی جدا ہے مجھ سے

شاید کوئی دیکھنے والا ہو جائے حیران

کمرے کی دیواروں پر کوئی نقش بنا کر دیکھ

پھرتے ہیں کئی قیس سے حیران و پریشان

اس عشق کی سرکار میں بہبود نہیں ہے

ذات کا آئینہ جب دیکھا تو حیرانی ہوئی

میں نہ تھا گویا کوئی مجھ سا تھا میرے روبرو

حیران ہوں کہ پیر مغاں کے لباس میں

آئے کہاں سے جامۂ احرام کے خواص

حیران ہیں اب جائیں کہاں ڈھونڈنے تم کو

آئینۂ ادراک میں بھی تم نہیں رہتے

آمادہ رکھیں چشم و دل سامان حیرانی کریں

کیا جانیے کس وقت وہ نظارہ فرمانی کریں

نہ ہے اب خاک افشانی نہ حیرانی نہ عریانی

جنوں گر آ گیا تو لے کے سب سامان آوے گا

کس کی خاطر کو مقدم رکھوں میں حیران ہوں

گبر کی جانب ہوں یارب یا مسلماں کی طرف