aarzuu hai ki tuu yahaa.n aa.e aur phir umr bhar na jaa.e kahii.n

vo ko.ii dost thaa achchhe dino.n kaa jo pichhlii raat se yaad aa rahaa hai

is shahr-e-be-charaaG me.n jaa.egii tuu kahaa.n aa ai shab-e-firaaq tujhe ghar hii le chale.n

ai dost ham ne tark-e-mohabbat ke baavajuud mahsuus kii hai terii zaruurat kabhii kabhii

raat kitnii guzar ga.ii lekin itnii himmat nahii.n ki ghar jaa.e.n

us ne manzil pe laa ke chho.D diyaa umr bhar jis kaa raastaa dekhaa

vo ko.ii dost thaa achchhe dino.n kaa jo pichhlii raat se yaad aa rahaa hai

kaun achchhaa hai is zamaane me.n kyuu.n kisii ko buraa kahe ko.ii

sar me.n jab ishq kaa saudaa na rahaa kyaa kahe.n ziist me.n kyaa kyaa na rahaa ab to duniyaa bhii vo duniyaa na rahii ab tiraa dhyaan bhii utnaa na rahaa qissa-e-shauq sunaa.uu.n kis ko raazdaarii kaa zamaanaa na rahaa zindagii jis kii tamannaa me.n kaTii vo mire haal se begaana rahaa Dere Daale hai.n KHizaa.n ne chau-des gul to gul baaG me.n kaa.nTaa na rahaa din dahaa.De ye lahuu kii holii KHalq ko KHauf KHudaa kaa na rahaa ab to so jaa.o sitam ke maaro aasmaa.n par ko.ii taaraa na rahaa

'naasir' kyaa kahtaa phirtaa hai kuchh na suno to behtar hai diivaana hai diivaane ke mu.nh na lago to behtar hai kal jo thaa vo aaj nahii.n jo aaj hai kal miT jaa.egaa ruukhii-suukhii jo mil jaa.e shukr karo to behtar hai kal ye taab-o-tavaa.n na rahegii ThanDaa ho jaa.egaa lahuu naam-e-KHudaa ho javaan abhii kuchh kar guzro to behtar hai kyaa jaane kyaa rut badle haalaat kaa ko.ii Thiik nahii.n ab ke safar me.n tum bhii hamaare saath chalo to behtar hai kap.De badal kar baal banaa kar kahaa.n chale ho kis ke liye raat bahut kaalii hai 'naasir' ghar me.n raho to behtar hai