Nasir Kazmi's Photo'

Nasir Kazmi

1923 - 1972 | Lahore, Pakistan

One of the founders of modern ghazal.Born at Ambala in India, he migrated to Pakistan and wrote extensively on the pain and sufferings of partition.

One of the founders of modern ghazal.Born at Ambala in India, he migrated to Pakistan and wrote extensively on the pain and sufferings of partition.

aaj dekhā hai tujh ko der ke ba.ad

aaj din guzar na jaa.e kahīñ

aaj dekha hai tujh ko der ke baad

aaj ka din guzar na jae kahin

dil dhaḌakne sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

ai dost ham ne tark-e-mohabbat ke bāvajūd

mahsūs hai terī zarūrat kabhī kabhī

ai dost hum ne tark-e-mohabbat ke bawajud

mahsus ki hai teri zarurat kabhi kabhi

aarzū hai ki yahāñ aa.e

aur phir umr bhar na jaa.e kahīñ

aarzu hai ki tu yahan aae

aur phir umr bhar na jae kahin

vo koī dost thā achchhe dinoñ

jo pichhlī raat se yaad aa rahā hai

wo koi dost tha achchhe dinon ka

jo pichhli raat se yaad aa raha hai

terī majbūriyāñ durust magar

ne va.ada kiyā thā yaad to kar

teri majburiyan durust magar

tu ne wada kiya tha yaad to kar

kaun achchhā hai is zamāne meñ

kyuuñ kisī ko burā kahe koī

kaun achchha hai is zamane mein

kyun kisi ko bura kahe koi

hamāre ghar dīvāroñ pe 'nāsir'

udāsī baal khole so rahī hai

hamare ghar ki diwaron pe 'nasir'

udasi baal khole so rahi hai

zarā baat sahī terā yaad aa jaanā

zarā baat bahut der tak rulātī thī

zara si baat sahi tera yaad aa jaana

zara si baat bahut der tak rulati thi

bharī duniyā meñ nahīñ lagtā

jaane kis chiiz kamī hai abhī

bhari duniya mein ji nahin lagta

jaane kis chiz ki kami hai abhi

mujhe ye Dar hai tirī aarzū na miT jaa.e

bahut dinoñ se tabī.at mirī udaas nahīñ

mujhe ye Dar hai teri aarzu na miT jae

bahut dinon se tabiat meri udas nahin

daa.em ābād rahegī duniyā

ham na hoñge koī ham hogā

daem aabaad rahegi duniya

hum na honge koi hum sa hoga

na.e kapḌe badal kar jā.ūñ kahāñ aur baal banā.ūñ kis ke liye

vo shaḳhs to shahr chhoḌ gayā maiñ bāhar jā.ūñ kis ke liye

nae kapDe badal kar jaun kahan aur baal banaun kis ke liye

wo shaKHs to shahr hi chhoD gaya main bahar jaun kis ke liye

yaad hai ab tak tujh se bichhaḌne vo añdherī shaam mujhe

ḳhāmosh khaḌā thā lekin bāteñ kartā thā kājal

yaad hai ab tak tujh se bichhaDne ki wo andheri sham mujhe

tu KHamosh khaDa tha lekin baaten karta tha kajal

is qadar royā huuñ terī yaad meñ

ā.īne āñkhoñ ke dhundle ho ga.e

is qadar roya hun teri yaad mein

aaine aankhon ke dhundle ho gae

judā.iyoñ ke zaḳhm dard-e-zindagī ne bhar diye

tujhe bhī niiñd aa ga.ī mujhe bhī sabr aa gayā

judaiyon ke zaKHm dard-e-zindagi ne bhar diye

tujhe bhi nind aa gai mujhe bhi sabr aa gaya

aaj to be-sabab udaas hai

ishq hotā to koī baat bhī thī

aaj to be-sabab udas hai ji

ishq hota to koi baat bhi thi

din guzārā thā baḌī mushkil se

phir tirā va.ada-e-shab yaad aayā

din guzara tha baDi mushkil se

phir tera wada-e-shab yaad aaya

kuchh yādgār-e-shahr-e-sitamgar le chaleñ

aa.e haiñ is galī meñ to patthar le chaleñ

kuchh yaadgar-e-shahr-e-sitamgar hi le chalen

aae hain is gali mein to patthar hi le chalen

dil to merā udaas hai 'nāsir'

shahr kyuuñ saa.eñ saa.eñ kartā hai

dil to mera udas hai 'nasir'

shahr kyun saen saen karta hai

vaqt achchhā bhī aa.egā 'nāsir'

ġham na kar zindagī paḌī hai abhī

waqt achchha bhi aaega 'nasir'

gham na kar zindagi paDi hai abhi

bulā.ūñgā na milūñgā na ḳhat likhūñgā tujhe

tirī ḳhushī ke liye ḳhud ko ye sazā dūñgā

bulaunga na milunga na KHat likhunga tujhe

teri KHushi ke liye KHud ko ye saza dunga

is shahr-e-be-charāġh meñ jā.egī kahāñ

aa ai shab-e-firāq tujhe ghar le chaleñ

is shahr-e-be-charagh mein jaegi tu kahan

aa ai shab-e-firaq tujhe ghar hi le chalen

o mere masrūf ḳhudā

apnī duniyā dekh zarā

o mere masruf KHuda

apni duniya dekh zara

ye haqīqat hai ki ahbāb ko ham

yaad kab the jo ab yaad nahīñ

ye haqiqat hai ki ahbab ko hum

yaad hi kab the jo ab yaad nahin

yaad aa.ī vo pahlī bārish

jab tujhe ek nazar dekhā thā

yaad aai wo pahli barish

jab tujhe ek nazar dekha tha

din bhar to maiñ duniyā ke dhandoñ meñ khoyā rahā

jab dīvāroñ se dhuup Dhalī tum yaad aa.e

din bhar to main duniya ke dhandon mein khoya raha

jab diwaron se dhup Dhali tum yaad aae

apnī dhun meñ rahtā huuñ

maiñ bhī tere jaisā huuñ

apni dhun mein rahta hun

main bhi tere jaisa hun

chup chup kyuuñ rahte ho 'nāsir'

ye kyā rog lagā rakkhā hai

chup chup kyun rahte ho 'nasir'

ye kya rog laga rakkha hai

na.ī duniyā ke hañgāmoñ meñ 'nāsir'

dabī jaatī haiñ āvāzeñ purānī

nai duniya ke hangamon mein 'nasir'

dabi jati hain aawazen purani

us ne manzil pe ke chhoḌ diyā

umr bhar jis rāstā dekhā

us ne manzil pe la ke chhoD diya

umr bhar jis ka rasta dekha

ga.e dinoñ surāġh le kar kidhar se aayā kidhar gayā vo

ajiib mānūs ajnabī thā mujhe to hairān kar gayā vo

gae dinon ka suragh le kar kidhar se aaya kidhar gaya wo

ajib manus ajnabi tha mujhe to hairan kar gaya wo

jinheñ ham dekh kar jiite the 'nāsir'

vo log āñkhoñ se ojhal ho ga.e haiñ

jinhen hum dekh kar jite the 'nasir'

wo log aankhon se ojhal ho gae hain

raat kitnī guzar ga.ī lekin

itnī himmat nahīñ ki ghar jaa.eñ

raat kitni guzar gai lekin

itni himmat nahin ki ghar jaen

ek dam us ke hoñT chuum liye

ye mujhe baiThe baiThe kyā sūjhī

ek dam us ke honT chum liye

ye mujhe baiThe baiThe kya sujhi

tujh bin saarī umr guzārī

log kaheñge merā thā

tujh bin sari umr guzari

log kahenge tu mera tha

hāl-e-dil ham bhī sunāte lekin

jab vo ruḳhsat huā tab yaad aayā

haal-e-dil hum bhi sunate lekin

jab wo ruKHsat hua tab yaad aaya

maiñ to biite dinoñ khoj meñ huuñ

kahāñ tak chalegā mere saath

main to bite dinon ki khoj mein hun

tu kahan tak chalega mere sath

aañch aatī hai tire jism uryānī se

pairahan hai ki sulagtī huī shab hai koī

aanch aati hai tere jism ki uryani se

pairahan hai ki sulagti hui shab hai koi

unheñ sadiyoñ na bhūlegā zamāna

yahāñ jo hādse kal ho ga.e haiñ

unhen sadiyon na bhulega zamana

yahan jo hadse kal ho gae hain

niiñd aatī nahīñ to subah talak

gard-e-mahtāb safar dekho

nind aati nahin to subah talak

gard-e-mahtab ka safar dekho

tire aane dhokā rahā hai

diyā raat bhar jaltā rahā hai

tere aane ka dhoka sa raha hai

diya sa raat bhar jalta raha hai

yuuñ kis tarah kaTegā kaḌī dhuup safar

sar par ḳhayāl-e-yār chādar le chaleñ

yun kis tarah kaTega kaDi dhup ka safar

sar par KHayal-e-yar ki chadar hi le chalen

jurm-e-ummīd sazā de

mere haq meñ bhī kuchh sunā de

jurm-e-ummid ki saza hi de

mere haq mein bhi kuchh suna hi de

vo dil-navāz hai lekin nazar-shanās nahīñ

mirā ilaaj mire chāra-gar ke paas nahīñ

wo dil-nawaz hai lekin nazar-shanas nahin

mera ilaj mere chaara-gar ke pas nahin

vo shahr meñ thā to us ke liye auroñ se bhī milnā paḌtā thā

ab aise-vaise logoñ ke maiñ naaz uThā.ūñ kis ke liye

wo shahr mein tha to us ke liye auron se bhi milna paDta tha

ab aise-waise logon ke main naz uThaun kis ke liye

akele ghar se pūchhtī hai be-kasī

tirā diyā jalāne vaale kyā hue

akele ghar se puchhti hai be-kasi

tera diya jalane wale kya hue

niyyat-e-shauq bhar na jaa.e kahīñ

bhī dil se utar na jaa.e kahīñ

niyyat-e-shauq bhar na jae kahin

tu bhi dil se utar na jae kahin

ye sub.h safediyāñ ye dopahar zardiyāñ

ab ā.īne meñ dekhtā huuñ maiñ kahāñ chalā gayā

ye subh ki safediyan ye dopahar ki zardiyan

ab aaine mein dekhta hun main kahan chala gaya

kal jo thā vo aaj nahīñ jo aaj hai kal miT jā.egā

rūkhī-sūkhī jo mil jaa.e shukr karo to behtar hai

kal jo tha wo aaj nahin jo aaj hai kal miT jaega

rukhi-sukhi jo mil jae shukr karo to behtar hai

Added to your favorites

Removed from your favorites