ٹاپ 5 اردو شاعری| ریختہ

شدت تشنگی میں بھی غیرت مے کشی رہی

اس نے جو پھیر لی نظر میں نے بھی جام رکھ دیا

احمد فراز

اس جشن چراغاں سے تو بہتر تھے اندھیرے

ان جھوٹے چراغوں کو بجھا کیوں نہیں دیتے

اقبال عظیم

وہ اگر برا نہ مانیں تو جہان رنگ و بو میں

میں سکون دل کی خاطر کوئی ڈھونڈ لوں سہارا

شکیل بدایونی

اس غیرت ناہید کی ہر تان ہے دیپک

شعلہ سا لپک جائے ہے آواز تو دیکھو

مومن خاں مومن

دیکھ زنداں سے پرے رنگ چمن جوش بہار

رقص کرنا ہے تو پھر پاؤں کی زنجیر نہ دیکھ

مجروح سلطانپوری

آج کے منتخب ۵ شعر