mere kap.Do.n me.n Ta.ngaa hai teraa KHush-ra.ng libaas! ghar pe dhotaa huu.n har baar use aur sukhaa ke phir se apne haatho.n se use istrii kartaa huu.n magar istrii karne se jaatii nahii.n shikne.n us kii aur dhone se gile-shikvo.n ke chikte nahii.n miTte! zindagii kis qadar aasaa.n hotii rishte gar hote libaas aur badal lete qamiizo.n kii tarah!

KHaamoshii kaa haasil bhii ik lambii sii KHaamoshii thii un kii baat sunii bhii ham ne apnii baat sunaa.ii bhii

har ek Gam nicho.D ke har ik baras jiye do din kii zindagii me.n hazaaro.n baras jiye sadiyo.n pe iKHtiyaar nahii.n thaa hamaaraa dost do chaar lamhe bas me.n the do chaar bas jiye sahraa ke us taraf se ga.e saare kaarvaa.n sun sun ke ham to sirf sadaa-e-jaras jiye ho.nTo.n me.n le ke raat ke aa.nchal kaa ik siraa aa.nkho.n pe rakh ke chaa.nd ke ho.nTo.n kaa mas jiye mahduud hai.n du.aa.e.n mire iKHtiyaar me.n har saa.ns pur-sukuun ho tuu sau baras jiye

aap ne auro.n se kahaa sab kuchh ham se bhii kuchh kabhii kahii.n kahte

der se guu.njte hai.n sannaaTe jaise ham ko pukaartaa hai ko.ii

KHushbuu jaise log mile afsaane me.n ek puraanaa KHat kholaa anjaane me.n

phuulo.n kii tarah lab khol kabhii KHushbuu kii zabaa.n me.n bol kabhii alfaaz parakhtaa rahtaa hai aavaaz hamaarii tol kabhii anmol nahii.n lekin phir bhii puuchh to muft kaa mol kabhii khi.Dkii me.n kaTii hai.n sab raate.n kuchh chauras thii.n kuchh gol kabhii ye dil bhii dost zamii.n kii tarah ho jaataa hai Daa.nvaa-Dol kabhii

vaqt rahtaa nahii.n kahii.n Tik kar aadat is kii bhii aadmii sii hai

jis kii aa.nkho.n me.n kaTii thii.n sadiyaa.n us ne sadiyo.n kii judaa.ii dii hai

ham ne aksar tumhaarii raaho.n me.n ruk kar apnaa hii intizaar kiyaa