Mustafa Zaidi's Photo'

Mustafa Zaidi

1929 - 1970 | Karachi, Pakistan

Also known as Tegh Allahabadi, was a C.S.P officer in Pakistan, assassinated in mysterious circumstances.

Also known as Tegh Allahabadi, was a C.S.P officer in Pakistan, assassinated in mysterious circumstances.

inhīñ pattharoñ pe chal kar agar aa sako to aao

mire ghar ke rāste meñ koī kahkashāñ nahīñ hai

inhin pattharon pe chal kar agar aa sako to aao

mere ghar ke raste mein koi kahkashan nahin hai

mirī ruuh haqīqat mire āñsuoñ se pūchho

mirā majlisī tabassum mirā tarjumāñ nahīñ hai

meri ruh ki haqiqat mere aansuon se puchho

mera majlisi tabassum mera tarjuman nahin hai

maiñ kis ke haath pe apnā lahū talāsh karūñ

tamām shahr ne pahne hue haiñ dastāne

main kis ke hath pe apna lahu talash karun

tamam shahr ne pahne hue hain dastane

dil ke rishte ajiib rishte haiñ

saañs lene se TuuT jaate haiñ

dil ke rishte ajib rishte hain

sans lene se TuT jate hain

is tarah hosh gañvānā bhī koī baat nahīñ

aur yuuñ hosh se rahne meñ bhī nādānī hai

is tarah hosh ganwana bhi koi baat nahin

aur yun hosh se rahne mein bhi nadani hai

ishq in zālimoñ duniyā meñ

kitnī mazlūm zaat hai ai dil

ishq in zalimon ki duniya mein

kitni mazlum zat hai ai dil

ruuh ke is vīrāne meñ terī yaad sab kuchh thī

aaj to vo bhī yuuñ guzrī jaise ġharīboñ tyauhār

ruh ke is virane mein teri yaad hi sab kuchh thi

aaj to wo bhi yun guzri jaise gharibon ka tyauhaar

ḳhud apne shab-o-roz guzar jā.eñge lekin

shāmil hai mire ġham meñ tirī dar-badarī bhī

KHud apne shab-o-roz guzar jaenge lekin

shamil hai mere gham mein teri dar-badari bhi

utrā thā jis pe bāb-e-hayā varaq varaq

bistar ke ek ek shikan sharīk thī

utra tha jis pe bab-e-haya ka waraq waraq

bistar ke ek ek shikan ki sharik thi

titliyāñ uḌtī haiñ aur un ko pakaḌne vaale

sa.ī-e-nākām meñ apnoñ se bichhaḌ jaate haiñ

titliyan uDti hain aur un ko pakaDne wale

sai-e-nakaam mein apnon se bichhaD jate hain

jis din se apnā tarz-e-faqīrāna chhuT gayā

shāhī to mil ga.ī dil-e-shāhāna chhuT gayā

jis din se apna tarz-e-faqirana chhuT gaya

shahi to mil gai dil-e-shahana chhuT gaya

ġham-e-daurāñ ne bhī sīkhe ġham-e-jānāñ ke chalan

vahī sochī huī chāleñ vahī be-sāḳhta-pan

gham-e-dauran ne bhi sikhe gham-e-jaanan ke chalan

wahi sochi hui chaalen wahi be-saKHta-pan

aañkh jhuk jaatī hai jab band-e-qabā khulte haiñ

tujh meñ uThte hue ḳhurshīd uryānī hai

aankh jhuk jati hai jab band-e-qaba khulte hain

tujh mein uThte hue KHurshid ki uryani hai

ik mauj-e-ḳhūn-e-ḳhalq thī kis jabīñ pe thī

ik tauq-e-fard-e-jurm thā kis ke gale meñ thā

ek mauj-e-KHun-e-KHalq thi kis ki jabin pe thi

ek tauq-e-fard-e-jurm tha kis ke gale mein tha

nāvak-e-zulm uThā dashna-e-andoh sambhāl

lutf ke ḳhanjar-e-be-nām se mat maar mujhe

nawak-e-zulm uTha dashna-e-andoh sambhaal

lutf ke KHanjar-e-be-nam se mat mar mujhe

Added to your favorites

Removed from your favorites