Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "lambe"

Nazm MATCHES FOR "lambe"

Nazm

ye baaten jhuTi baaten hain

vo la.Dkii achchhii la.Dkii hai tum naam na lo ham jaan ga.e
vo jis ke lambe gesuu hai.n pahchaan ga.e pahchaan ga.e
haa.n saath hamaare 'inshaa' bhii is ghar me.n the mehmaan ga.e
par us se to kuchh baat na kii anjaan rahe anjaan ga.e
ye baate.n jhuuTii baate.n hai.n ye logo.n ne phailaa.ii hai.n
tum 'inshaa'-jii kaa naam na lo kyaa 'inshaa'-jii saudaa.ii hai.n

Ibn۔e۔Insha
Nazm

ye baat samajh mein aai nahin

kyuu.n lambe baal hai.n bhaaluu ke
kyuu.n us kii Tu.nD karaa.ii nahii.n
kyaa vo bhii ganda bachcha hai
yaa us ke abbuu bhaa.ii nahii.n
ye us kaa hair style hai
yaa jangal me.n ko.ii naa.ii nahii.n

Ahmad Hatib Siddiqi
Nazm

roTiyan

jab aadmii ke peT me.n aatii hai.n roTiyaa.n
phuulii nahii.n badan me.n samaatii hai.n roTiyaa.n
aa.nkhe.n parii-ruKHo.n se la.Daatii hai.n roTiyaa.n
siine upar bhii haath chalaatii hai.n roTiyaa.n
jitne maze hai.n sab ye dikhaatii hai.n roTiyaa.n
roTii se jis kaa naak talak peT hai bharaa
kartaa pare hai kyaa vo uchhal kuud jaa-ba-jaa
diivaar phaa.nd kar ko.ii koThaa uchhal gayaa
ThaTThaa ha.nsii sharaab sanam saaqii is sivaa
sau sau tarah kii dhuum machaatii hai.n roTiyaa.n
jis jaa pe haa.nDii chuulhaa tavaa aur tanuur hai
KHaaliq kii qudrato.n kaa usii jaa zuhuur hai
chuulhe ke aage aa.nch jo chaltii huzuur hai
jitne hai.n nuur sab me.n yahii KHaas nuur hai
is nuur ke sabab nazar aatii hai.n roTiyaa.n
aave tave tanuur kaa jis jaa zabaa.n pe naam
yaa chakkii chuulhe ke jahaa.n gulzaar ho.n tamaam
vaa.n sar jhukaa ke kiije Da.nDvat aur salaam
is vaaste ki KHaas ye roTii ke hai.n maqaam
pahle inhii.n makaano.n me.n aatii hai.n roTiyaa.n
in roTiyo.n ke nuur se sab dil hai.n bor bor
aaTaa nahii.n hai chhalnii se chhan-chhan gire hai nuur
pe.Daa har ek us kaa hai barfii o motii chuur
hargiz kisii tarah na bujhe peT kaa tanuur
is aag ko magar ye bujhaatii hai.n roTiyaa.n
puuchhaa kasii ne ye kisii kaamil faqiir se
ye mehr-o-maah haq ne banaa.e hai.n kaahe ke
vo sun ke bolaa baabaa KHudaa tujh ko KHair de
ham to na chaa.nd samjhe.n na suuraj hai.n jaante
baabaa hame.n to ye nazar aatii hai.n roTiyaa.n
phir puuchhaa us ne kahiye ye hai dil kaa tuur kyaa
is ke mushaahide me.n hai khultaa zuhuur kyaa
vo bolaa sun ke teraa gayaa hai shu.uur kyaa
kashf-ul-quluub aur ye kashf-ul-qubuur kyaa
jitne hai.n kashf sab ye dikhaatii hai.n roTiyaa.n
roTii jab aa.ii peT me.n sau qand ghul ga.e
gulzaar phuule aa.nkho.n me.n aur aish tul ga.e
do tar nivaale peT me.n jab aa ke Dhul ga.e
chaudah tabaq ke jitne the sab bhed khul ga.e
ye kashf ye kamaal dikhaatii hai.n roTiyaa.n
roTii na peT me.n ho to phir kuchh jatan na ho
mele kii sair KHvaahish-e-baaG-o-chaman na ho
bhuuke Gariib dil kii KHudaa se lagan na ho
sach hai kahaa kasii ne ki bhuuke bhajan na ho
allaah kii bhii yaad dilaatii hai.n roTiyaa.n
ab aage jis ke maal-puu.e bhar ke thaal hai.n
puure bhagat unhe.n kaho saahab ke laal hai.n
aur jin ke aage roGnii aur shiir-maal hai.n
aarif vahii hai.n aur vahii saahab-kamaal hai.n
pakkii-pakaa.ii ab jinhe.n aatii hai.n roTiyaa.n
kap.De kisii ke laal hai.n roTii ke vaaste
lambe kisii ke baal hai.n roTii ke vaaste
baa.ndhe ko.ii rumaal hai.n roTii ke vaaste
sab kashf aur kamaal hai.n roTii ke vaaste
jitne hai.n ruup sab ye dikhaatii hai.n roTiyaa.n
roTii se naache pyaada qavaa.ed dikhaa dikhaa
asvaar naache gho.De ko kaava lagaa lagaa
ghu.nghruu ko baa.ndhe paik bhii phirtaa hai naachtaa
aur is sivaa jo Gaur se dekhaa to jaa-ba-jaa
sau sau tarah ke naach dikhaatii hai.n roTiyaa.n
roTii ke naach to hai.n sabhii KHalq me.n pa.De
kuchh bhaa.nD bhiigte ye nahii.n phirte naachte
ye ranDiyaa.n jo naache hai.n ghuu.nghaT ko mu.nh pe le
ghuu.nghaT na jaano dosto tum ziinhaar use
is parde me.n ye apne kamaatii hai.n roTiyaa.n
ashraafo.n ne jo apnii ye zaate.n chhupaa.ii hai.n
sach puuchhiye to apnii ye shaane.n ba.Dhaa.ii hai.n
kahiye unho.n kii roTiyaa.n kis kis ne khaa.ii hai.n
ashraaf sab me.n kahiye to ab naan-baa.ii hai.n
jin kii dukaa.n se har kahii.n jaatii hai.n roTiyaa.n
duniyaa me.n ab badii na kahii.n aur niko.ii hai
yaa dushmanii o dostii yaa tund-KHuu.ii hai
ko.ii kisii kaa aur kisii kaa na ko.ii hai
sab ko.ii hai usii kaa ki jis haath Do.ii hai
naukar nafar Gulaam banaatii hai.n roTiyaa.n
roTii kaa ab azal se hamaaraa to hai KHamiir
ruukhii hii roTii haq me.n hamaare hai shahd-o-shiir
yaa patlii hove moTii KHamiirii ho yaa fatiir
gehuu.n javaar baajre kii jaisii ho 'naziir'
ham ko to sab tarah kii KHush aatii hai.n roTiyaa.n

Nazeer Akbarabadi
Nazm

jaane kyun aisa hun main

lambe vaqt se soch rahaa huu.n
jaane kyuu.n aisaa huu.n mai.n
milne se ghabraataa huu.n mai.n jhuuT nahii.n kah paataa huu.n
us ke shikve us kii shikaayat jhag.De se Dar jaataa huu.n
idhar-udhar kii baate.n mujh ko zaraa na KHush kar paatii hai.n
jaane kyuu.n aisaa huu.n mai.n
dost nahii.n ban paate mere
rishte nahii.n sambhalte hai.n
bejaa mohabbat bejaa takalluf
dono.n ochhe lagte hai.n
auro.n kii kamiyo.n ko bilkul
achchhaa nahii.n kah paataa huu.n
jaane kyuu.n aisaa huu.n mai.n
achchhe bhale kaamo.n me.n aksar
der bahut kar detaa huu.n
ammii se baate.n karnii huu.n beTii ke school ho jaanaa
ko.ii nayaa novel pa.Dhnaa ho ko.ii kahaanii likhnii ho
sab ko Taaltaa rahtaa huu.n
jaane kyuu.n aisaa huu.n mai.n
bhii.D bhare shahro.n se mujh ko
vahshat sii ho jaatii hai
gaa.nv jangal sunsaan jag.he.n
aksar KHush aa jaatii hai.n
ko.ii alha.D chehra dekhuu.n man ko vo bhaa jaataa hai
jaane kyuu.n aisaa huu.n mai.n
pe.Do.n ke pairaahan dekhuu.n phuulo.n kii KHushbuu ko suu.nghuu.n
ra.ng-bira.ngii titliyaa.n pak.Duu.n halkii halkii buu.nde.n bhii
ThanDii naram havaa.e.n jab jab chupke se chhuu jaatii hai.n
yaa koyal kii bolii sun luu.n man byaakul ho jaataa hai
jaane kyuu.n aisaa huu.n mai.n
naT banjaaran sanyaasii aur khel-tamaashe vaale log
kha.nDar viiraana jaltii dhuup phuulii sarso.n dhaan ke khet
laal pata.ng aur piilii mainaa indr-dhanush aur nadii kii dhaar
aate hai.n jab KHvaab me.n mere diivaana ho jaataa huu.n
jaane kyuu.n aisaa huu.n mai.n
bahut mujhe achchhaa kahte hai.n buraa bhii ko.ii kahtaa hai
saamne merii mad.h-saraa.ii piichhe gaalii detaa hai
hamdardii hai ko.ii dikhaataa ko.ii saazish kartaa hai
phir bhii chup chup saa rahtaa huu.n jaise bahut anjaan huu.n mai.n
jaane kyuu.n aisaa huu.n mai.n
tho.Dii sii aazaadii mujh ko tho.Daa bahut vaqt kaa ziyaa.n
kabhii kabhaar kii achchhii baate.n kisii kisii kaa sachchaa pyaar
chhoTii-moTii ko.ii sharaarat khilkhilaa kar ha.nsnaa bhii
ye sab KHush kar jaate hai.n jab to
lagtaa hai ki zinda huu.n
jaane kyuu.n aisaa huu.n mai.n

Abu Bakr Abbad
Nazm

ek aurat ki hansi

pathriile kohsaar ke gaate chashmo.n me.n
guu.nj rahii hai ek aurat kii narm ha.nsii
daulat taaqat aur shohrat sab kuchh bhii nahii.n
us ke badan me.n chhupii hai us kii aazaadii
duniyaa ke ma.abad ke na.e but kuchh kar le.n
sun nahii.n sakte us kii lazzat kii siskii
is baazaar me.n go har maal bikaa.uu hai
ko.ii KHariid ke laa.e zaraa taskiin us kii
ik sarshaarii jis se vo hii vaaqif hai
chaahe bhii to us ko bech nahii.n saktii
vaadii kii aavaara havaa.o aa jaa.o
aa.o aur us ke chehre par bose do
apne lambe lambe baal u.Daatii jaa.e
havaa kii beTii saath havaa ke gaatii jaa.e

Fahmida Riaz
Nazm

kandhe jhuk jate hain

ka.ndhe jhuk jaate hai.n jab bojh se is lambe safar ke
haa.np jaataa huu.n mai.n jab cha.Dhte hu.e tez cha.Dhaane.n
saa.nse.n rah jaatii hai.n jab siine me.n ik guchchaa saa ho kar
aur lagtaa hai ki dam TuuT hii jaa.egaa yahii.n par

Gulzar
Nazm

mere KHwab

mai.n asiir huu.n lekin
tum ko ko.ii bhii qaanuun
qaid kar nahii.n saktaa
sar-buland aur aazaad
yuu.n hii muskuraa.e jaa.o
mere dil kii duniyaa me.n
yuu.n hii jagmagaa.e jaa.o
qaid-o-band ke jallaad
tum ko paa nahii.n sakte
lambe lambe zaalim haath
tum ko chhuu nahii.n sakte
ai mire hasii.n-KHvaabo

Ali Sardar Jafri
Nazm

chaar musafir

nikle safar ko paidal vo chaar ham-safar the
sab apne raaste aur manzil se baa-KHabar the
ik falsafii thaa un me.n duusraa thaa naa.ii
phir tiisraa sipaahii ganjaa thaa jis kaa bhaa.ii
ja.ngal me.n raat aa.ii laazim thaa un ko sonaa
le kar chale the apne vo o.Dhnaa bichhaunaa
so.e kuchh is tarah vo us me.n hoshiyaarii
har ek kaa thaa pahraa do ghanTe baarii baarii
pahle sipaahii jaagaa phir aadhii raat aa.ii
vo so gayaa to pahraa dene lagaa thaa naa.ii
lambe the aur ghane the jo baal us ke sar par
naa.ii ne muu.nD Daale tez usturaa pher kar
bedaar falsafii ko kar ke ye bolaa naa.ii
baarii ab aap kii hai uTh jaa.o mere bhaa.ii
jab haath falsafii ne cha.ndiyaa pe apnii pheraa
aape se ho ke baahar naa.ii ko us ne gheraa
ye kyaa Gazab kiyaa hai naahaq use uThaayaa
baarii thii falsafii kii ganje ko kyo.n jagaayaa

Aafaque Siddiqui
Nazm

ek nazm man ke liye

pahlii baar mai.n kab takiye par sar rakh kar so.ii thii
un ke badan ko Dhuu.nDaa thaa
aur ro.ii thii
do haatho.n ne bhe.nch liyaa thaa
garm aaGosh kii raahat me.n
kaisii gahrii nii.nd mujhe tab aa.ii thii
kab duur hu.ii thii pahlii baar
apne pairo.n par chal kar
bistar se alag phir ghar se alag
ik lambe safar par niklii thii
dhiire dhiire duur hu.ii kab
narm badan kii garmii se
is miiThii nii.nd kii raahat se
ab sochtii huu.n
aur rotii huu.n

Fatima Hasan
Nazm

chaar fitne

ek lambe hai.n aalim bhii faazil bhii hai.n
sach to ye hai ki tho.De se kaahil bhii hai.n

Aale Ahmad Suroor
Nazm

tumhaari aankhen

tumhaarii aa.nkhe.n
tumhaarii kaalii chamaktii aa.nkhe.n
zamaane ke saagar me.n
do aabnuusii kashtiyaa.n
jin kii tah me.n
taare ja.De hu.e hai.n
palko.n ke mastuul thartharaate hai.n
har gha.Dii har dam
hiltii Doltii bahtii chalii jaa rahii hai.n
mat roko in ko
inhe.n lambe duur-daraaz safar karne do
dukh kii tilmilaatii lahro.n
aa.nsuu.o.n ke bha.nvar me.n
pha.nsne do in ko
aur inhe.n phir
nit-na.ii anjaanii aashaa.o.n ke
sunahre saahilo.n se
Takraane do
aise vaiso.n ke paas inhe.n le jaa.o
jahaa.n KHushiyo.n ke hiire
patthar ke saath mile-jule
chatiyal maidaano.n me.n
bikhre pa.De hu.e hai.n
aur jahaa.n uu.nchii nokiilii saKHt
chaTaano.n ke siine
chiir kar
naazuk naayaab mahakte phuul nikal aa.e hai.n
guzarne do
in maTiyaale bhuure saayo.n ke
niiche se un ko
jo dil ko Thahraa dete hai.n
aur un aasmaanii niilii
raushniyo.n kii halkii maddham zau
pa.Dne do in par
jin se
man ke sab a.ndhiyaare
dhul jaate hai.n
aazaad rakho
apnii in achchhii aa.nkho.n ko aazaad
barkhaa me.n baadal
sahraa me.n aahuu
ban me.n jaise mor papiihe ho.n
phir ye tumhaarii
kaalii aa.nkhe.n
aabnuus kii do mahaktii bahaktii kashtiyaa.n
indr-dhanush ke
saato.n ra.ngo.n se bhar jaa.e.ngii
aur ham tum se puuchhe.nge
bataa.o
ye do aa.nkhe.n tumhaarii
hame.n kyo.n itnii achchhii lagtii hai.n

Sajjad Zaheer
Nazm

bichhDe ghar ka saya

sub.h-savere
vo bistar se saa.e jaisii uThtii hai
phir chuulhe me.n raat kii ThanDii aag ko
raushan kartii hai
itne me.n din cha.Dh jaataa hai
jaldii jaldii chaa.e banaa kar shauhar ko ruKHsat kartii hai
sayyaare gardish karte hai.n
shahr me.n sahraa sahraa.o.n me.n chaTyal maidaa.n
kohsaaro.n ke nasheb-o-faraaz banaa karte hai.n
saare ghar ko dhotii hai
kap.De tauliye tooth-brush bistar kii chaadar
ko.ii kitaab uThaatii hai rakh detii hai
radio on kiyaa phir rokaa on kiyaa
phir ko.ii puraanaa KHat pa.Dhtii hai
(ghanTii bajii)
''maryam! aa jaa.o''
''tum kaisii ho? vo kaise hai.n''
''kyaa us kaa ko.ii KHat aayaa?''
(tho.Dii KHaamoshii kaa vaqfa)
''tum kaisii ho''
''tum se matlab? sach kah duu.n to kyaa kar logii''
dekho sab kii sab baiThii ho.n
''achchhaa''
''achchhaa''
(darvaaza phir band ho gayaa)
''ab kyaa karnaa!
ghar to bilkul saaf pa.Daa hai
ko.ii shikan bistar pe nahii.n hai
diivaar-o-dar dhule-dhulaa.e
ko.ii dhabba yaa mak.Dii kaa jaalaa tinkaa
kahii.n kuchh nahii.n
kyaa karnaa hai!
uf! vo calendar
kitne baras ho ga.e phir bhii
aa.e.n to un se kahtii huu.n
bilkul nayaa calendar laa.e.n
kuchh bhuuk nahii.n
ab kyaa karnaa hai
leT rahuu.n? lekin kyaa leTuu.n
jaane kitnaa leT chukii huu.n
kha.Dii rahuu.n
haa.n kha.Dii rahuu.n
par mai.n to kab se kha.Dii hu.ii huu.n
khi.Dkii kaa parda hii kholuu.n
dhuup kahaa.n tak aa pahu.nchii hai
laa.o apnaa album dekhuu.n
nayyar shabnam shafaq subuuhii aKHtar juuhii
kaise ho.nge
aa.n! ye mai.n huu.n
ittii pyaarii pyaarii thii mai.n
mai.n bilkul hii bhuul ga.ii thii
sab kitnaa achchhaa lagtaa thaa
abbaa, ammaa.n, bhayyaa, appii
sab zinda the
saaya naanii gulshan aapaa
haa.n aur vo gaurayyaa baabaa
aa.nsuu naGme shor Thahaake saare ik sur me.n hote the
saarii duniyaa ghar lagtii thii
amaa.n udhar bulaayaa kartii.n
abbaa udhar pukaaraa karte
bhayyaa Daa.nTte
appii Dhero.n pyaar jataatii.n
khaanaa, piinaa, sonaa, jaagnaa, ha.nsnaa, ruuThnaa, man.naa
Dor ba.ndhii thii
ek me.n ek piroyaa hu.aa thaa
kal nammuu ke ghar shaadii hai
paas hii ko.ii maut hu.ii hai
college kii chhaTii kab hogii
iid phir ab kii tiis kii hogii
ham bhii lail-e-qadr jaage.nge
shahlaa kii ma.ngnii kyuu.n TuuTii?
kyaa iqbaal ko.ii shaa.er thaa?
chup ba.Dke abbaa sun le.nge
saa.e dau.D rahe hai.n ghar me.n
har goshe me.n uupar niiche andar baahar dau.D rahe hai.n
lambe chhoTe sabz o zard hazaaro.n saa.e
baahar shahr me.n ko.ii nahii.n hai
dhuup siyah pa.Dtii jaatii hai
qadd-e-aadam aa.iine me.n
us kaa na.ngaa jism kha.Daa hai
jism ke andar suuraj kaa Guncha mahkaa hai
sayyaare gardish karte hai.n
sab anjaane sayyaaro.n me.n bhuule-bisre ghar raushan hai.n
kis lamhe kaa hai ye tamaasha
hast-o-buud ke sannaaTe me.n
laa-maujuud kii taariikii me.n
sirf yahii aa.iina raushan
sirf ik aks-e-guzishta raushan
bichh.De ghar kaa saaya raushan

Farhat Ehsas
Nazm

tum kis se milne aae ho

tum kis se milne aa.e ho
us lambe gore chehre se
jis par aag ke phuul khile hai.n
jo ik siidhe qadam ko sambhaale
dil me.n saik.Do.n zaKHm chhupaa.e
apnii anaa kii laash uThaa.e
kam-zarfo.n kii is duniyaa me.n
kitne yugo.n se sargardaa.n hai

Sulaiman Areeb Haidarabadi
Nazm

main nafi mein

nahii.n mai.n nahii.n huu.n
kisii duusre ne mujhe ''mai.n'' kahaa hai
to me.n ho gayaa huu.n
nafas khii.nchtaa huu.n
magar zindagii merii KHvaahish nahii.n hai
mujhe zindagii ne chunaa hai
lihaaza mire faisle zindagii kar rahii
mai.n rotaa nahii.n huu.n
mirii aa.nkh se os ke phuul
Gam kii havaa.e.n giraatii hai.n
kaliyaa.n ha.nsii kii
mire lab pe khiltii nahii.n hai.n
KHushii kii bahaare.n khilaatii hai.n
KHud aatii jaatii hai.n dil me.n tamannaa.e.n
mai.n kab bulaataa huu.n
(merii kamaa.ii
faqat naa-rasaa.ii hai)
mai.n ne mohabbat bhii kab muntaKHab kii hai
us ne mujhe apnii fahrist me.n likh liyaa hai
mujhe KHvaab aate nahii.n hai.n
so KHvaabo.n ne tai kar liyaa hai
ki aa.inda vo merii aa.nkho.n ke boso.n se
koso.n ke lambe safar par chale.nge

Daniyal Tareer
Nazm

mohabbat ko kabhi yaad na banne dena

kabhii mohabbat ko yaad na ban.ne denaa
tumhe.n ma.aluum nahii.n hai
mohabbat yaad ban jaa.e to
lambe ghane daraKHto.n kii shaaKHo.n kii maanind
badan ke gird
yuu.n lipaT jaatii hai.n ki saa.nse.n
ruk ruk kar aatii hai.n
ek lamhe ko
yuu.n lagtaa hai jaise
zindagii aur maut ke beach KHaana-ja.ngii me.n
zindagii haar jaa.egii
magar mohabbat kii siskiyaa.n
kuchh der saham kar
chup o.Dh letii hai.n
aur phir us ek lamhe kii maut
ka.ii sadiyo.n par bhaarii ho jaatii hai
suno
bas us ek lamhe kii syaahii
rago.n me.n ghulne se pahle
ye jaan lo
mohabbat ko kabhii yaad na ban.ne denaa

Najma Mansoor
Nazm

TuT baTuT ke bhai

lambe lambe baal hai.n un ke
gore gore gaal hai.n un ke
aa.nkhe.n un kii kaalii kaalii
suurat un kii bholii-bhaalii
ko.ii kahe ye do bahne.n hai.n
ko.ii kahe ye do hai.n bhaa.ii
TuuT baTuuT kii shaamat aa.ii
TuuT baTuuT ke chaar hai.n bhaa.ii

Sufi Ghulam Mustafa Tabassum
Nazm

chahat ki pahli barish

vo jiine kii pahlii KHvaahish
vo chaahat kii pahlii baarish
jis me.n ham dono.n bhiige the
aa.nkho.n se dil tak giile the
rone me.n maza aataa thaa bahut
khone me.n maza aataa thaa bahut
qisse lambe the raato.n se
jii bhartaa kab thaa baato.n se
mausam pe javaanii hotii thii
har shaam suhaanii hotii thii
ham thaam ke baa.nhe.n baa.nho.n me.n
nikle the vafaa kii raaho.n me.n
ik mo.D pe dono.n bichh.De the
armaan bhare dil uj.De the
dil lekin yaad to kartaa hai
ro kar fariyaad to kartaa hai
ai miit puraane aa jaa.o
vo din duhraane aa jaa.o

Shakeel Azmi
Nazm

yaaden

raat ke gahre sannaaTe me.n
mai.n ghar ke aa.ngan me.n tanhaa
chaa.nd ko kab se dekh rahaa huu.n
dil kii diivaaro.n ko kab se
Gam kii diimak chaaT rahii hai
zehn ke lambe se kamre me.n
mere maazii kii almaarii
jis ke dono.n hii dar vaa hai.n
Gaur se mujh ko dekh rahii hai
jii me.n ye aataa hai mere
maazii kii is almaarii se
jis me.n burii bhalii sab yaade.n
uupar niiche chunii hu.ii hai.n
chand suhaanii yaade.n le luu.n
aur sajaa luu.n dil me.n apne
lekin soch ke ye Dartaa huu.n
Gam kii diimak un yaado.n ko
do hii pal me.n chaaT na jaa.e
yaado.n kii ye pyaarii shakle.n
phir mai.n kaise dekh sakuu.ngaa!

Aftab Shamsi
Nazm

aaKHiri faisla

kaa.nTo.n kii chaTTaan pe kha.Dii
mai.n aa.nkho.n kii suu.iyaa.n nikaal rahii huu.n
ye ilaaqa kis saltanat me.n shaamil hai
muluukiyat merii zabaan pe kaa.nTe
halq me.n phandaa
aa.nkhe.n baahar
shaah-baluut ke lambe daraKHto.n jaise
lambe puut bahut ho ga.e hai.n
ja.ngal me.n daraKHt ziyaada ho jaa.e.n
to aag lagaa kar daraKHt kam kar diye jaate hai.n
baahar niklii hu.ii aa.nkh se za.afraan kaa khet
aur kaTe hu.e baazu.o.n se ganne kii poriyaa.n ban ga.ii hai.n
ham ne ek jhuuT bolaa thaa naa
ab saarii umr us ko sach saabit karne me.n guzaar de.nge
ham ki jo zindagii bhar
apne hisse kii roTii kamaane kii koshish karte hai.n
aur bhuuke rahte hai.n
jhuuTii aas kii chhatrii tale
bulbule jaise aa.nsuu
bataasho.n kii tarah thaal me.n sajaa.e
kab tak batlaatii rahogii
ki vo tumhaaraa qaatil nahii.n hai
qatl mahz saaniye me.n
zindagii kaa rishta KHatm karne kaa naam nahii.n
maujuud se inkaar bhii
to qatl ke mutaraadif hotaa hai
meraa jii kartaa hai
vo jo sab mere qaatil hai.n
mai.n unhe.n havaa kii tarah nigal jaa.uu.n

Kishwar Naheed
Nazm

chiDiya ghar

chi.Diyaa ghar me.n basne vaalii
kaisaa mizaaj-e-aalii hai
munnuu bhayyaa puuchh rahe hai.n
kyaa ko.ii pi.njra KHaalii hai
dau.D me.n sab se avval chiitaa
ja.ngal kii har race me.n jiitaa
jaldii jaldii bol re saathii
kachchaa papiitaa pakkaa papiitaa
ja.ngal ke sultaan ko dekho
sher-e-babar kii shaan ko dekho
aisaa bahaadur ko.ii nahii.n hai
dil vaale mehmaan ko dekho
bhaag rahaa hai haa.np rahaa hai
Dar ke maare kaa.np rahaa hai
buzdil giida.D naam hai us kaa
dekho kaisaa bhaa.np rahaa hai
haathii suu.nD hilaane vaale
lambe daa.nt dikhaane vaale
dariyaa dariyaa jangal ja.ngal
bhaarii bojh uThaane vaale
baato.n me.n bebaak bahut hai
sab par is kii dhaak bahut hai
bachcho is kaa naam bataa.o
ye biibii chaalaak bahut hai
ban-maanus ke khel ajab hai.n
circus jaise saare Dhab hai.n
aise khel kahaa.n se siikhe
dekhne vaale hairaa.n sab hai.n
naach dikhaane vaale bhaaluu
tuu kaalaa teraa naam hai kaaluu
kis se hai tirii rishta-daarii
tuu aaKHir hai kis kaa KHaaluu
Dug Dug Dug Dug bandar aa.e
KHushii KHushii sasuraal ko jaa.e
chhan-chhan chhan-chhan naache bandariyaa
jaise madaarii chaahe nachaa.e
zebra dekho dhaariyo.n vaalaa
paayaa jis ne ruup niraalaa
sub.h bhii is kii shaam bhii is kii
aadhaa goraa aadhaa kaalaa
ye kachhve se haarne vaalaa
jhuuTii sheKHii baghaarne vaalaa
aaKHir mu.nh kii khaa jaataa hai
auro.n ko lalkaarne vaalaa
saa.np jo pal pal bal khaate hai.n
biin baje to lahraate hai.n
lahraa.e.n to jaage so.e
laakho.n rang nazar aate hai.n
kanThii pahne tote aa.e
hare hare se par phailaa.e
miTThuu beTaa pa.Dh lete hai.n
ko.ii in ko agar pa.Dhaaye
saaras dekho kitnaa ba.Daa hai
baadal jaise aan pa.Daa hai
machhlii aa.e aur paka.D luu.n
paanii me.n chup-chaap kha.Daa hai
vo dekho vo aayaa zaraafa
jaise ko.ii bearing lifaafa
ham dete hai.n us ko du.aa.e.n
gardan me.n ho aur izaafa

Rais Farogh
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now