Search result for "majlis-e-shuuraa" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "majlis-e-shuuraa"

Nazm MATCHES FOR "majlis-e-shuuraa"

Nazm

iblis ki majlis-e-shura

ibliis
ye anaasir kaa puraanaa khel ye duniyaa-e-duu.n
saakinaan-e-arsh-e-aazam kii tamannaa.o.n kaa KHuu.n
is kii barbaadii pe aaj aamaada hai vo kaarsaaz
jis ne is kaa naam rakhaa thaa jahaan-e-kaaf-o-nuu.n
mai.n ne dikhlaayaa fara.ngii ko muluukiyat kaa KHvaab
mai.n ne to.Daa masjid-o-dair-o-kaliisaa kaa fusuu.n
mai.n ne naadaaro.n ko sikhlaayaa sabaq taqdiir kaa
mai.n ne mun.im ko diyaa sarmaaya daarii kaa junuu.n
kaun kar saktaa hai is kii aatish-e-sozaa.n ko sard
jis ke ha.ngaamo.n me.n ho ibliis kaa soz-e-daruu.n
jis kii shaaKHe.n ho.n hamaarii aabiyaarii se buland
kaun kar saktaa hai is naKHl-e-kuhan ko sar-niguu.n
pahlaa mushiir
is me.n kyaa shak hai ki mohkam hai ye ibliisii nizaam
puKHta-tar is se hu.e KHuu-e-Gulaamii me.n avaam
hai azal se in Gariibo.n ke muqaddar me.n sujuud
in kii fitrat kaa taqaazaa hai namaaz-e-be-qayaam
aarzuu avval to paidaa ho nahii.n saktii kahii.n
ho kahii.n paidaa to mar jaatii hai yaa rahtii hai KHaam
ye hamaarii sa.ii-e-paiham kii karaamat hai ki aaj
suufii-o-mullaa muluukiyyat ke bande hai.n tamaam
tab-e-mashriq ke liye mauzuu.n yahii afyuun thii
varna qavvaalii se kuchh kam-tar nahii.n ilm-e-kalaam
hai tavaaf-o-haj kaa ha.ngaama agar baaqii to kyaa
kund ho kar rah ga.ii momin kii teG-e-be-niyaam
kis kii nau-miidii pe hujjat hai ye farmaan-e-jadiid
hai jihaad is daur me.n mard-e-musalmaa.n par haraam
duusraa mushiir
KHair hai sulataanii-e-jamhuur kaa GauGaa ki shar
tuu jahaa.n ke taaza fitno.n se nahii.n hai baa-KHabar
pahlaa mushiir
huu.n magar merii jahaa.n-biinii bataatii hai mujhe
jo muluukiyat kaa ik parda ho kyaa is se KHatar
ham ne KHud shaahii ko pahnaayaa hai jamhuurii libaas
jab zaraa aadam hu.aa hai KHud-shanaas-o-KHud-nigar
kaarobaar-e-shahryaarii kii haqiiqat aur hai
ye vajuud-e-miir-o-sultaa.n par nahii.n hai munhasir
majlis-e-millat ho yaa parvez kaa darbaar ho
hai vo sultaa.n Gair kii khetii pe ho jis kii nazar
tuu ne kyaa dekhaa nahii.n maGrib kaa jamhuurii nizaam
chehra raushan andaruu.n cha.ngez se taariik-tar
tiisraa mushiir
ruuh-e-sultaanii rahe baaqii to phir kyaa iztiraab
hai magar kyaa is yahuudii kii sharaarat kaa javaab
vo kaliim-e-be-tajallii vo masiih-e-be-saliib
niist paiGambar va-lekin dar baGal daarad kitaab
kyaa bataa.uu.n kyaa hai kaafir kii nigaah-e-parda-soz
mashriq-o-maGrib kii qaumo.n ke liye roz-e-hisaab
is se ba.Dh kar aur kyaa hogaa tabii.at kaa fasaad
to.D dii bando.n ne aaqaa.o.n ke KHemo.n kii tanaab
chauthaa mushiir
to.D is kaa ruumat-ul-kubraa ke aivaano.n me.n dekh
aal-e-ceaser ko dikhaayaa ham ne phir ceaser kaa KHvaab
kaun bahr-e-ruum kii maujo.n se hai lipTaa hu.aa
gaah baalad-chuu.n-sanobar gaah naalad-chuu.n-rubaab
tiisraa mushiir
mai.n to is kii aaqibat-biinii kaa kuchh qaa.il nahii.n
jis ne afra.ngii siyaasat ko kyaa yuu.n be-hijaab
paa.nchvaa.n mushiir ibliis ko muKHaatab kar ke
ai tire soz-e-nafas se kaar-e-aalam ustuvaar
tuu ne jab chaahaa kiyaa har pardagii ko aashkaar
aab-o-gil terii haraarat se jahaan-e-soz-o-saaz
ablah-e-jannat tirii ta.aliim se daanaa-e-kaar
tujh se ba.Dh kar fitrat-e-aadam kaa vo mahram nahii.n
saada-dil bando.n me.n jo mash.huur hai parvardigaar
kaam thaa jin kaa faqat taqdiis-o-tasbiih-o-tavaaf
terii Gairat se abad tak sar-niguu.n-o-sharmsaar
garche hai.n tere muriid afra.ng ke saahir tamaam
ab mujhe un kii faraasat par nahii.n hai e'tibaar
vo yahuudii fitna-gar vo ruuh-e-mazdak kaa buruuz
har qabaa hone ko hai is ke junuu.n se taar taar
zaaG dashtii ho rahaa hai ham-sar-e-shaahiin-o-charG
kitnii sur.at se badaltaa hai mizaaj-e-rozgaar
chhaa ga.ii aashufta ho kar vus.at-e-aflaak par
jis ko naadaanii se ham samjhe the ik musht-e-Gubaar
fitna-e-fardaa kii haibat kaa ye aalam hai ki aaj
kaa.npte hai.n kohsaar-o-murG-zaar-o-juu.ebaar
mere aaqaa vo jahaa.n zer-o-zabar hone ko hai
jis jahaa.n kaa hai faqat terii siyaadat par madaar

Allama Iqbal

Nazm

iblis ki majlis-e-shura

Allama Iqbal

Nazm

dehli

hamaarii majlis-e-shuuraa ke uu.nche uu.nche mahal
nazar jhukaa.e jumuud-e-amal se sar bojhal

Wamiq Jaunpuri

Nazm

haweli

rahzano.n kaa qasr-e-shuuraa qaatilo.n kii KHvaab-gaah
khilkhilaate hai.n jaraa.em jagmagaate hai.n gunaah

Makhdoom Mohiuddin

Nazm

lahu nazr de rahi hai hayat

buland da.ava-e-jamhuuriyat ke parde me.n
faroG-e-majlis-o-zindaa.n hai.n taaziyaane hai.n

Sahir Ludhianvi

Nazm

KHizr-e-rah

aa bataa.uu.n tujh ko ramz-e-aaya-e-innal-muluuk
saltanat aqvaam-e-Gaalib kii hai ik jaaduugarii
KHvaab se be-daar hotaa hai zaraa mahkuum agar
phir sulaa detii hai us ko hukmaraa.n kii saahirii
jaaduu-e-mahmuud kii taasiir se chashm-e-ayaaz
dekhtii hai halqa-e-gardan me.n saaz-e-dil-barii
KHuun-e-israa.iil aa jaataa hai aaKHir josh me.n
to.D detaa hai ko.ii muusaa tilism-e-saamarii
sarvarii zebaa faqat us zaat-e-be-hamtaa ko hai
hukmaraa.n hai ik vahii baaqii butaan-e-aazarii
az Gulaamii fitrat-e-aazaad raa rusvaa makun
taa-taraashii KHvaaja-e-az-barahman kaafir tirii
hai vahii saaz-e-kuhan maGrib kaa jamhuurii nizaam
jis ke pardo.n me.n nahii.n Gair-az-navaa-e-qaisarii
dev-e-istibdaad jamhuurii qabaa me.n paa-e-kuub
tuu samajhtaa hai ye aazaadii kii hai niilam-parii
majlis-e-aa.iin-o-islaah-o-ri.aayaat-o-huquuq
tibb-e-maGrib me.n maze miiThe asar KHvaab-aavarii
garmii-e-guftaar aazaa-e-majaalis al-amaa.n
ye bhii ik sarmaaya-daaro.n kii hai ja.ng-e-zargarii
is saraab-e-ra.ng-o-buu ko gulistaa.n samjhaa hai tuu
aah ai naadaa.n qafas ko aashiyaa.n samjhaa hai tuu
sarmaaya-o-mehnat

Allama Iqbal

Nazm

bebasi

ek ik jumbish-e-lab aah-o-fuGaa.n kaa paiGaam
ye saraabo.n ke pujaarii ye Gulaamo.n ke Gulaam
majlis-e-jaur-o-jafaa kaargah-e-daana-o-daam
haa.e ye terii KHudaa.ii kaa jahaa.n-soz nizaam
hai.n yahaa.n kitne ujaalo.n pe dhu.ndalko.n ke Gilaaf
dahr hai yaa ko.ii tasviir siyah-KHaane kii

Afsar Seemabi Ahmad Nagari

Nazm

KHun phir KHun hai

zulm kii qismat-e-naakaara-o-rusvaa se kaho
jabr kii hikmat-e-parkaar ke iimaa se kaho
mahmil-e-majlis-e-aqvaam kii lailaa se kaho
KHuun diivaana hai daaman pe lapak saktaa hai
sho.ala-e-tund hai KHirman pe lapak saktaa hai

Sahir Ludhianvi

Nazm

kalkatta

majlis-e-ittihaad-e-millat ko
likhiye habl-ul-matiin-e-kalkatta
saare hindostaa.n kii daulat ko
kahiye milk-e-yamiin-e-kalkatta
kufr hoogli me.n jaa ke Duub gayaa
dii.n hu.aa hai makiin-e-kalkatta
asar-e-sajda-haa-e-paiham se
hu.ii raushan jabiin-e-kalkatta
har taraf phir rahe hai.n niilii posh
aasmaa.n hai zamiin-e-kalkatta

Zafar Ali Khan

Nazm

daraKHt-e-zard

tumhe.n mujh se jo nafrat hai vahii to merii raahat hai
mirii jo bhii aziyyat hai vahii to merii lazzat hai
ki aaKHir is jahaa.n kaa ek nizaam-e-kaar hai aaKHir
jazaa kaa aur sazaa kaa ko.ii to hanjaar hai aaKHir
mai.n KHud me.n jhe.nktaa huu.n aur siine me.n bha.Daktaa huu.n
mire andar jo hai ik shaKHs mai.n us me.n pha.Daktaa huu.n
hai merii zindagii ab roz-o-shab yak-majlis-e-Gam-haa
azaa-haa marsiya-haa girya-haa aashob-e-maatam-haa

Jaun Eliya

Nazm

jaane kyon dil udas rahta hai

KHanda-e-gul me.n ashk-e-shabnam me.n
jashn-e-shaadii me.n majlis-e-Gam me.n
dars-e-qur.aan me.n aur namaazo.n me.n
masjido.n aur KHaanqaaho.n me.n
jo shikasta dilo.n ke marja’ hai.n
hai sukuun-baKHsh haazirii jin kii
jaane kyo.n dil udaas rahtaa hai
aur giraftaar-e-yaas rahtaa hai

Maqsood Ahmad Maqsood

Nazm

na-shanas

kitne lahjo.n kii kaTaare.n mirii gardan pe chalii.n
kitne alfaaz kaa siisa mire kaano.n me.n ghulaa
jis me.n ik samt dhu.ndalkaa thaa aur ik samt Gubaar
us taraazuu pe mire dard kaa saamaan tulaa
kam-nigaahii ne basiirat pe uThaa.e neze
vahm kii nahr me.n pairaahan-e-afkaar dhulaa
qaht aisaa thaa ki barpaa na hu.ii majlis-e-ishq
habs aisaa thaa ki tahqiiq kaa parcham na khulaa

Mustafa Zaidi

Nazm

KHwab ke sannaTe

phir vahii umr-e-gurezaa.n kaa malaal
phir vahii kashmakash-e-maazii-o-haal
anginat KHvaab
la.Dakpan ke javaanii ke sulagte hu.e jazbo.n ke mah-o-saal ke KHvaab
ek ik lamha
bikhartaa saa simaTtaa saa
KHad-o-KHaal ke sau rang liye
qahqahe majlis-e-ahbaab shagufta chehre
ek aasuuda tamannaa kaa dayaar
jaise nau-KHez shaguufo.n kii bahaar

Sahba lakhnavi

Nazm

kitab ka kiDa

diq tujh se kitaabe.n hai.n bahut karam kitaabii
tuu dushman-e-duzdiida hai KHaakii ho ki aabii
alfaaz kii khetii hai faqat terii charaa-gaah
ma.anii kii zamii.n tere sab saayo.n ne daabii
hone ko tirii asl hai sayyaad makii.n-gaah
kahne ko faqat terii haqiiqat hai saraabii
tuu ne to har ik samt lagaa.ii hai.n sura.nge.n
paariina ho farmaan kitaabe.n huu.n nisaabii
baadaamii ho kaaGaz to mazaa aur hii kuchh hai
luqma hu.aa tahriir kaa har maGz shitaabii
ghun saath hii gehuu.n ke hai pista hu.aa dekhaa
bargashta varaq laa na sakaa tujh pe KHaraabii
kyaa KHuub hai ye majlis-e-auraaq-e-kuhan bhii
viiraan kutub-KHaano.n kii diimak tirii loby
firdausii-o-KHulduu.n kii kitaabe.n hai.n hiraasaa.n
vo qil.a-e-ma.anii teraa hamla hai javaabii
parda hai KHamoshii tirii aaha.ng-e-fanaa kii
bhau.nraa hai faqat kunj-e-gulistaa.n kaa rabaabii
tuu chaaT gayaa daanish-e-kohna kii fasiile.n
buniyaad-e-imaarat ko hai Dhaanaa tirii hobby
a.adaad ke qaalib me.n hai to sifr kii taaqat
safhaat ke suuraaKH kaa be-naam hisaabii
taariiKH ke is cell me.n insaan ne paa.ii
ek aadh ko.ii mauj-e-nafs vo bhii habaabii
bikte sar-e-baazaar hai.n maanind-e-zaGaal aaj
jo taaza-nafas KHvaab-e-taGayyur the shahaabii
khaa jaatii hai ik din use sab gard-e-zamaana
miTTii kii vo sahnak ho ki chiinii kii rakaabii
badlii hu.ii duniyaa me.n taGayyur kaa amal hai
tuu kirm-e-kitaabii nahii.n ik kirm-e-KHalal hai

Aziz Hamid Madni

Nazm

chup na raho

shab kii taariikii me.n ik aur sitaara TuuTaa
tauq to.De ga.e TuuTii zanjiir
jagmagaane lagaa tarshe hu.e hiire kii tarah
aadamiyyat kaa zamiir
phir a.ndhere me.n kisii haath me.n KHanjar chamkaa
shab ke sannaaTe me.n phir KHuun ke dariyaa chamke
sub.h-dam jab mire darvaaze se guzrii hai sabaa
apne chehre pe male KHuun-e-sahar guzrii hai
KHair ho majlis-e-aqvaam kii sultaanii kii
KHair ho haq kii sadaaqat kii jahaa.nbaanii kii
aur uu.nchii hu.ii sahraa me.n umiido.n kii saliib
aur ik qatra-e-KHuu.n chashm-e-sahar se Tapkaa
jab talak dahr me.n qaatil kaa nishaa.n baaqii hai
tum miTaate hii chale jaa.o nishaa.n qaatil ke
roz ho jashn-e-shahiidaan-e-vafaa chup na raho
baar baar aatii hai maqtal se sadaa chup na raho
chup na raho!

Makhdoom Mohiuddin

Nazm

aatish-e-KHamosh

sar-chashma-e-aKHlaaq vafaa-kesh-o-vafaa-kosh
ai mashriq-e-ishraaq-e-safaa abr-e-KHataa-posh
yuu.n tere dil-e-saaf me.n ishraaq-e-mohabbat
jis tarah ki lau sub.h ko de durr-e-nayaa-gosh
mai.n kaun huu.n ik dil huu.n jise zabt ne maaraa
kar degii fanaa mujh ko mirii koshish-e-KHaamosh
vo dil huu.n ibaarat jo hai nazm-e-abadii se
ik KHuun kaa nuqta huu.n mai.n pur-ma.anii-o-pur-josh
jibriil mire saath rahe roz-e-azal se
mai-KHaan-e-irfaa.n me.n shab-o-roz qadah-nosh
kuchh mu.nh se nikal jaa.e.n na samjhii hu.ii baate.n
rahne do mujhe majlis-e-mai me.n yuu.nhii mad.hosh
sarsabz huu.n zaahir me.n magar ai dil-e-KHuu.n-garm
jis tarah hinaa me.n hai nihaa.n aatish-e-KHaamosh
dil par ye sitam kyuu.n na ho ham-jins pe taasiir
ka.aba isii Gam me.n nazar aataa hai siyah-posh
ayyuub nahii.n huu.n ko.ii ma.asuum nahii.n huu.n
taa-chand mazaalim pe rahuu.n saakit-o-KHamosh
hai.n jitne aqaarib vo aqaarib se hai.n bad-tar
ahbaab hai.n vo KHud-Garaz-o-zuud-faraamosh
dil saaf nahii.n sab hai.n suKHan-saaz-o-suKHan-chii.n
ye mehr to hai zahr agar niish me.n ho nosh
kahte hai.n jise dost vo is daur me.n anqaa
samjhe hai.n jise mehr vo is ahd me.n ruu-posh
kis daur me.n aa.e hai.n ham ai majlis-e-saaqii
jab ri.nd-e-KHaraabaat-nashii.n ho ga.e mad.hosh
dil kyaa mirii aa.nkho.n kaa hai TuuTaa hu.aa sotaa
tuufaan uThaa de.nge yahii chashma-e-KHas-posh
Thokar se jilaataa huu.n mazaamiin-e-kuhan ko
hai fitna-e-mahshar mirii utrii hu.ii paa-posh
ham-sa.ng javaahir kabhii patthar nahii.n hotaa
har chand taraashe ko.ii sannaa-e-safaa-kosh
go mujh ko KHudaa-daad tabii.at ne sa.nvaaraa
mujrim huu.n agar huu.n kabhii ehsaan-faraamosh
tarkash me.n mire tiir bahut kam hai.n magar hai.n
aise ki u.Daa de.n qadar-andaaz ke jo hosh
pindaar-e-KHudii hai aziiz un ko to hame.n kiyaa
ham ishq ke bande hai.n vafaa-kesh-o-vafaa-kosh

Mirza Mohammad Hadi Aziz Lakhnavi

Nazm

insan ka dil

dil bhii kyaa shai hai ki bholaa bhii hai 'ayyaar bhii hai
KHaaksaarii kaa bhii rang is me.n hai pindaar bhii hai
mutaharrik hai kabhii aur kabhii saakin hai
yaa'nii KHaamosh bhii hai maa.il-e-guftaar bhii hai
kufr-o-islaam kaa is ke nahii.n khultaa 'uqda
haath me.n sub.ha bhii hai dosh pe zunnaar bhii hai
majlis-e-‘ishq me.n paataa huu.n ise mai.n mad.hosh
mahfil-e-'aql me.n dekhaa to ye hushiyaar bhii hai
taazgii chehre pe is ke hai udaasii hai kabhii
is ke aaGosh me.n sahraa bhii hai gulzaar bhii hai
hai badii par kabhii maa.il kabhii nekii pe fidaa
is kii fitrat me.n nihaa.n nuur bhii hai naar bhii hai
dard-o-darmaa.n se banaa.ii hai baham is kii sarisht
aap ye apnaa masiihaa bhii hai biimaar bhii hai
kaa'be me.n is ko haqiiqat kaa shanaasaa paayaa
sanamistaa.n me.n ye baatil kaa parastaar bhii hai
is kii fitrat vo samundar hai ki jis me.n pinhaa.n
mauj-e-iqbaal bhii hai varta-e-adbaar bhii hai
zaahidii kaa asar sajda hai peshaanii par
'aashiqii ke liye gul-rang se sarshaar bhii hai
hai kabhii ahl-e-tahakkum ke chaman kaa gulchii.n
kabhii ahraar kaa ye turra-e-dastaar bhii hai
kabhii 'isyaa.n se gurezaa.n kabhii taa'at se nufuur
mustahiq KHuld kaa dozaKH kaa sazaa-vaar bhii hai
naaz par hai kabhii aamaada kabhii garm-e-niyaaz
be-KHabar apnii KHudii se hai KHabar-daar bhii hai
aa.nkh zaahir kii jo hai nii.nd me.n rahtii hai magan
is ke andar magar ik diida-e-bedaar bhii hai
mudda'ii 'ishq-e-haqiiqii kaa ye rahtaa hai magar
daulat-e-husn-e-majaazii kaa KHariidaar bhii hai
maa'bad-e-amn me.n kartaa hai ye sajde paiham
saa'at-e-jang me.n aamaada-e-paikaar bhii hai

Syed Wahidudeen Salim

Nazm

intizar

bazm-e-KHaamosh me.n chhi.Dne ko hai phir saaz-e-hayaat
muntazir baiThe hai.n sab gosh-bar-aavaaz-e-hayaat
qaabil-e-diid hai tuufaan se pahle kaa sukuu.n
josh-o-hangaama-o-haijaan se pahle kaa sukuu.n
yaas-o-ummiid me.n tafriiq hai mushkil is dam
hama-tan saakit-o-mabhuut hai mahfil is dam
TikTikii baa.ndhe ba-yak-taur hazaaro.n aa.nkhe.n
ik kaf-e-piir-e-muGaa.n aur hazaaro.n aa.nkhe.n
ko.ii aagaah nahii.n daur kidhar aa.egaa
kis ke haatho.n me.n KHat-e-jaam nazar aa.egaa
har gha.Dii siino.n me.n hai kashmakash-e-shakk-o-yaaqii.n
majlis-e-aish me.n bhii suurat-e-aaraam nahii.n
kis ne aaGaaz kiyaa zamzama-e-bazm-e-tarab
lab-e-jaa.n-baKHsh kii tho.Dii sii bhii jumbish hai Gazab
muzhda-e-amn-o-amaa.n sulh kaa paiGaam hai kyaa
jang-e-aazaadii-e-insaa.n kaa sar-anjaam hai kyaa
saaz-e-ulfat kii navaa soz-e-mohabbat to nahii.n
naGma-e-adl-o-musaavaat-o-uKHuvvat to nahii.n
matlab-e-ziist kii tafhiim me.n kyaa der hai ab
ne.amat-e-aam kii taqsiim me.n kyaa der hai ab
taalib-e-saaGar-e-nau bazm-e-kuhan hai saaqii
intizaar aaKHir-e-shab sabr-shikan hai saaqii

Fazlurrahman

Nazm

do-aba bast jalandhar

kitne mardaan-e-jarii kitne javaanaan-e-Gayuur
kitne saaheb-e-aql kitne maalik-e-fahm-o-shu.uur

Arsh Malsiyani

Nazm

nazhad-e-nau

barahna-sar hai.n barhana tan hai.n barhana-paa hai.n
shariir ruuhe.n
zamiir-e-hastii kii aarzuu.e.n
chaTaktii kaliyaa.n
ki jin se buu.Dhii udaas galiyaa.n
mahak rahii hai.n
Gariib bachche ki jo shu.aa-e-sahar-gahii hai.n
hamaarii qabro.n pe girte ashko.n kaa silsila hai.n

Majeed Amjad

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now