Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "morid"

Nazm MATCHES FOR "morid"

Nazm

hubb-e-watan

ai sip.har-e-barii.n ke sayyaaro
ai fazaa-e-zamii.n ke gul-zaaro
ai pahaa.Do.n kii dil-fareb fazaa
ai lab-e-juu kii ThanDii ThanDii havaa
ai anaadil ke naGma-e-saharii
ai shab-e-maahtaab taaro.n bharii
ai nasiim-e-bahaar ke jho.nko
dahr-e-naa-paa.edaar ke dhoko
tum har ik haal me.n ho yuu.n to aziiz
the vatan me.n magar kuchh aur hii chiiz
jab vatan me.n hamaaraa thaa ramnaa
tum se dil baaG baaG thaa apnaa
tum mirii dil-lagii ke saamaa.n the
tum mire dard-e-dil ke darmaa.n the
tum se kaTtaa thaa ra.nj-e-tanhaa.ii
tum se paataa thaa dil shakebaa.ii
aan ik ik tumhaarii bhaatii thii
jo adaa thii vo jii lubhaatii thii
karte the jab tum apnii Gam-KHvaarii
dho.ii jaatii thii.n kulfate.n saarii
jab havaa khaane baaG jaate the
ho ke KHush-haal ghar me.n aate the
baiTh jaate the jab kabhii lab-e-aab
dho ke uThte the dil ke daaG shitaab
koh o sahraa o aasmaan o zamii.n
sab mirii dil-lagii kii shakle.n thii.n
par chhuTaa jis se apnaa mulk o dayaar
jii hu.aa tum se KHud-ba-KHud bezaar
na gulo.n kii adaa KHush aatii hai
na sadaa bulbulo.n kii bhaatii hai
sair-e-gulshan hai jii kaa ik janjaal
shab-e-mahtaab jaan ko hai vabaal
koh o sahraa se taa lab-e-dariyaa
jis taraf jaa.e.n jii nahii.n lagtaa
kyaa hu.e vo din aur vo raate.n
tum me.n aglii sii ab nahii.n baate.n
ham hii Gurbat me.n ho ga.e kuchh aur
yaa tumhaare badal ga.e kuchh taur
go vahii ham hai.n aur vahii duniyaa
par nahii.n ham ko lutf duniyaa kaa
ai vatan ai mire bahisht-e-barii.n
kyaa hu.e tere aasmaan o zamii.n
raat aur din kaa vo samaa.n na rahaa
vo zamii.n aur vo aasmaa.n na rahaa
terii duurii hai morid-e-aalaam
tere chhuTne se chhuT gayaa aaraam
kaaTe khaataa hai baaG bin tere
gul hai.n nazro.n me.n daaG bin tere
miT gayaa naqsh kaamraanii kaa
tujh se thaa lutf zindagaanii kaa
jo ki rahte hai.n tujh se duur sadaa
in ko kyaa hogaa zindagii kaa mazaa
ho gayaa yaa.n to do hii din me.n ye haal
tujh bin ek ek pal hai ik ik saal
sach bataa to sabhii ko bhaataa hai
yaa ki mujh se hii teraa naataa hai
mai.n hii kartaa huu.n tujh pe jaan nisaar
yaa ki duniyaa hai terii aashiq-e-zaar
kyaa zamaane ko tuu aziiz nahii.n
ai vatan tuu to aisii chiiz nahii.n
jin o insaan kii hayaat hai tuu
murG o maahii kii kaa.enaat hai tuu
hai nabaataat kaa numuu tujh se
ruukh tujh bin hare nahii.n hote
sab ko hotaa hai tujh se nashv-o-numaa
sab ko bhaatii hai terii aab-o-havaa
terii ik musht-e-KHaak ke badle
luu.n na hargiz agar bahisht mile
jaan jab tak na ho badan se judaa
ko.ii dushman na ho vatan se havaa

Altaf Hussain Hali
Nazm

zaban jis ko har ek bole usi ka nam hai urdu

zabaa.n jis ko har ik bole usii kaa naam hai urdu
zabaan-e-sher me.n fitrat kaa ik in.aam hai urdu
sabhii is ko samajhte hai.n sabhii me.n aam hai urdu
zabaa.n ko.ii bhii ho har ek kaa anjaam hai urdu
ga.e vo din ki jab kuchh log hii is ko samajhte the
zabaano.n me.n ubhar aa.ii hai tasht-az-baam hai urdu
kahii.n hai ibtidaa is kii kahii.n hai intihaa maz.har
kahii.n aaGaaz hai urdu kahii.n anjaam hai urdu
ye baa-aKHlaaq qaumo.n me.n sirishta hai uKHuvvat kaa
suluuk-e-Gair se bhii aaj KHush-anjaam hai urdu
muraqqa.a hai hasii.n tahriik-e-afsaanii ke KHaako.n kaa
mukammal ijtimaa-e-gauhar-ayyaam hai urdu
uruus-e-zindagii kii taab-o-ziinat jis zabaa.n se hai
usii KHush-kaam fitrat kaa achhuutaa naam hai urdu
dayaar-e-paak yaa hindostaa.n dono.n vatan is ke
zabaa.n har ek jis me.n qaid hai vo daam hai urdu
zaraa sii Thes se bhii shiisha-e-dil TuuT jaataa hai
bahut naazuk magar az-qism istihkaam hai urdu
ba-har-unvaa.n yahii ik peshvaa-e-husn-o-KHuubii hai
Galat hai asia me.n morid-e-ilzaam hai urdu
mamaalik-Gair me.n bhii aaj is ko sab samajhte hai.n
vatan vaalo.n me.n ek tasviir-e-sad-aqvaam hai urdu
kisii firqe kaa leader ho vo leader ban nahii.n saktaa
na samjhe jab talak jantaa me.n kitnii aam hai urdu
safaarat ho cinema ho ki T.v radio sab me.n
suro.n kaa nashsha hai fikr-o-nazar kaa jaam hai urdu
isii ko bolne me.n ruuh ko ab hai sukuu.n haasil
zamaane kii zabaano.n ke liye paiGaam hai urdu
musalsal irtaqaa-e-aadamiyat is se maz.har hai
ba-qaid-e-nutq-e-'maajid' rahbar-e-aqvaam hai urdu

Majid-ul-Baqri
Nazm

ek husn-farosh laDki ke nam

mirii jaa.n go tujhe dil se bhulaayaa jaa nahii.n saktaa
magar ye baat mai.n apnii zabaa.n par laa nahii.n saktaa
mai.n tujh ko chaahtaa huu.n vaalihaana pyaar kartaa huu.n
mai.n gaataa rahtaa huu.n par ye naGma gaa nahii.n saktaa
tujhe apnaa banaanaa maujib-e-raahat samajh kar bhii
tujhe apnaa banaa luu.n ye samajh me.n aa nahii.n saktaa
banaa saktaa huu.n shab ko apne bistar kii tujhe ziinat
magar din me.n tire qasr-e-hasii.n tak jaa nahii.n saktaa
hu.aa hai baar-haa ehsaas mujh ko is haqiiqat kaa
tire nazdiik rah kar bhii mai.n tujh ko paa nahii.n saktaa
mire dast-e-havas kii dastaras hai jism tak tere
mai.n terii ruuh kii gahraa.iyo.n tak jaa nahii.n saktaa
mai.n tere ras-bhare ho.nTo.n ko pyaarii chuum saktaa huu.n
magar mai.n tere dil par aah qabza paa nahii.n saktaa
tire dil kii tamannaa bhii karuu.n to kis bharose par
mai.n KHud dargaah me.n tere ye tohfa laa nahii.n saktaa
mirii majbuuriyo.n ko bhii bahut kuchh daKHl hai is me.n
tujhii ko morid-e-ilzaam mai.n Thahraa nahii.n saktaa
mai.n tujh se ba.Dh ke apnii aabruu ko pyaar kartaa huu.n
mai.n apnii izzat-o-naamuus ko Thukraa nahii.n saktaa
tire maahaul kii pastii kaa ta.ana duu.n tujhe kyuu.n-kar
mai.n KHud maahaul se apne rihaa.ii paa nahii.n saktaa

Gopal Mittal
Nazm

aurat ki haisiyat

mai.n aurat huu.n taKHliiq-e-jahaa.n kaa ik sabab bhii huu.n
mai.n bilkul be-talab huu.n aur zamaane kii talab bhii huu.n
mai.n devii pyaar kii huu.n husn hii meraa vasiila hai
KHuluus-o-saadgii zevar vafaa meraa qabiila hai
hunar jiine kaa baKHshaa ilm kaa parcham bhii lahraayaa
pale hai.n god me.n merii jinho.n ne martaba paayaa
vafaadaarii mohabbat hii faqat meraa havaala hai
mirii aqdaar kaa ham-sar faqat koh-e-himaala hai
pa.Dhaa hai 'miir'-o-'Gaalib' 'ismat'-o-'manto' ko bhii mai.n ne
ye rango.n me.n basii har daastaa.n goyaa likhii mai.n ne
bahut farsuuda rasmo.n par jalaa.ii bhii ga.ii huu.n mai.n
qadaamat ke tariiqo.n se sataa.ii bhii ga.ii huu.n mai.n
tijaarat bhii mirii hotii rahii tohmat sahii mai.n ne
guzaarii hai bahut marmar ke goyaa zindagii mai.n ne
anaa kii bhe.nT cha.Dh kar aag ke sho.alo.n me.n jaltii huu.n
zamii.n me.n dafn ho jaatii huu.n aur be-maut martii huu.n
byaahii jaatii huu.n qur.aan se bhii mai.n yahaa.n ab tak
ki zinda hai yahaa.n par kaarobaarii kaa jahaa.n ab tak
bahut hii past huu.n aur laa.eq-e-dushnaam huu.n mai.n hii
zinaa bil-jabr me.n bhii morid-e-ilzaam huu.n mai.n hii
mai.n insaa.n huu.n farishta aur valii mai.n bhii nahii.n ko.ii
KHataa kartii huu.n gangaa kii dhulii mai.n bhii nahii.n ko.ii
ki sabr-o-shukr se maamuur hai iisaar se bhii dil
magar aaKHir ko thak jaataa hai yuu.n aazaar se bhii dil
nahii.n darkaar ko.ii martaba daulat na zar mujh ko
KHudaavandaa mirii qurbaaniyo.n kaa de ajr mujh ko

Zebunnisaa Zaibii
Nazm

yas o umid

yaas
morid-e-zulm huu.n aamaaj-gah-e-tiir huu.n mai.n
taKHta-e-mashq-e-sitam qaidi-e-zanjiir huu.n mai.n
saik.Do.n dushman-e-saffaak lage hai.n piichhe
kitne hii naavak-e-bedaad kaa naKHchiir huu.n mai.n
shaukat-e-rafta kii taKH.iil bhii ab mushkil hai
mahfil-e-dosh kii miTtii hu.ii tasviir huu.n mai.n
kis qadar apnii tabaahii pe karuu.n nauha-zanii
muKHtasar ye hai ki phuuTii hu.ii taqdiir huu.n mai.n
ham-nashii.n sail-e-havaadis me.n bahaa jaataa huu.n
sarhad-e-maut se nazdiik hu.aa jaataa huu.n

Urooj Qadri
Nazm

saqi

bataa.uu.n kyaa jo rang-e-gardish-e-ayyaam hai saaqii
jahaa.n kaa zarra-zarra kushta-e-aalaam hai saaqii
ma.aaz-allaah ab har har qadam par daam hai saaqii
gulistaa.n me.n ye aazaadii kaa faiz-e-aam hai saaqii
samajh saktaa hai kaun is raaz ko juz ahl-e-mai-KHaana
libaas-e-sub.h me.n kitnii bhayaanak shaam hai saaqii
qafas kaisaa nasheman kyaa ye sab kahne kii baate.n hai.n
na jab aaraam thaa saaqii na ab aaraam hai saaqii
ajam be-bahra-e-iimaa.n arab be-bahra-e-daanish
ba-ii.n-aaGaaz dono.n kaa buraa anjaam hai saaqii
sitam ye hai ko.ii shiisha-garo.n ko kuchh nahii.n kahtaa
mirii KHaaraa-shigaafii morid-e-ilzaam hai saaqii
hijaabaat-e-tasavvur me.n abhii hai millat-e-aadam
abhii insaa.n shikaar-e-la.anat-e-aqvaam hai saaqii
abhii marduud-e-dargaah-e-KHirad hai taabish-e-iimaa.n
abhii maqbuul-e-aalam zulmat-e-auhaam hai saaqii
abhii pyaaso.n ne paa.ii hii nahii.n hai raah-e-mai-KHaana
KHirad kii koshish-e-paiham abhii naakaam hai saaqii
ulajh kar rah ga.e hai.n mudda.iyaan-e-rubuubiyyat
KHayaal-e-KHaam bil-aaKHir KHayaal-e-KHaam hai saaqii
charaaG-e-raah ban kar rahbarii kii jis sahiife ne
vo juzdaano.n ke shiishe me.n charaaG-e-baam hai saaqii
tiraa ye rind-e-sar-gashta jise 'faaruuq' kahte hai.n
isii tanqiid ke chalte bahut badnaam hai saaqii
KHat-e-paimaana arq-e-mauj-e-sahbaa hotaa jaataa hai
ijaazat ho ki ab aage KHudaa kaa naam hai saaqii

Shameem Farooq Banspari
Nazm

ki dar guftan nami aayad

mirii jaa.n go tujhe dil se bhulaayaa jaa nahii.n saktaa
magar ye baat mai.n apnii zabaa.n par laa nahii.n saktaa
tujhe apnaa banaanaa mojib-e-raahat samajh kar bhii
tujhe apnaa banaa luu.n ye tasavvur laa nahii.n saktaa
hu.aa hai baar-haa ehsaas mujh ko is haqiiqat kaa
tire nazdiik rah kar bhii mai.n tujh ko paa nahii.n saktaa
mire dast-e-havas kii dastaras hai jism tak tere
samajhtaa huu.n ki tere dil pe qabza paa nahii.n saktaa
tire dil kii tamannaa bhii karuu.n to kis bharose par
mai.n KHud dargaah me.n terii ye tohfa laa nahii.n saktaa
mirii majbuuriyo.n ko bhii bahut kuchh daKHl hai is me.n
tujhii ko morid-e-ilzaam mai.n Thahraa nahii.n saktaa
mai.n tujh se ba.Dh ke apnii aabruu ko pyaar kartaa huu.n
mai.n apne izzat-o-naamuus ko Thukraa nahii.n saktaa
tire maahaul kii pastii kaa ta.ana duu.n tujhe kyuu.n kar
mai.n KHud maahaul se apne rihaa.ii paa nahii.n saktaa

Gopal Mittal
Nazm

iblis ki majlis-e-shura

ibliis
ye anaasir kaa puraanaa khel ye duniyaa-e-duu.n
saakinaan-e-arsh-e-aazam kii tamannaa.o.n kaa KHuu.n
is kii barbaadii pe aaj aamaada hai vo kaarsaaz
jis ne is kaa naam rakhaa thaa jahaan-e-kaaf-o-nuu.n
mai.n ne dikhlaayaa fara.ngii ko muluukiyat kaa KHvaab
mai.n ne to.Daa masjid-o-dair-o-kaliisaa kaa fusuu.n
mai.n ne naadaaro.n ko sikhlaayaa sabaq taqdiir kaa
mai.n ne mun.im ko diyaa sarmaaya daarii kaa junuu.n
kaun kar saktaa hai is kii aatish-e-sozaa.n ko sard
jis ke ha.ngaamo.n me.n ho ibliis kaa soz-e-daruu.n
jis kii shaaKHe.n ho.n hamaarii aabiyaarii se buland
kaun kar saktaa hai is naKHl-e-kuhan ko sar-niguu.n
pahlaa mushiir
is me.n kyaa shak hai ki mohkam hai ye ibliisii nizaam
puKHta-tar is se hu.e KHuu-e-Gulaamii me.n avaam
hai azal se in Gariibo.n ke muqaddar me.n sujuud
in kii fitrat kaa taqaazaa hai namaaz-e-be-qayaam
aarzuu avval to paidaa ho nahii.n saktii kahii.n
ho kahii.n paidaa to mar jaatii hai yaa rahtii hai KHaam
ye hamaarii sa.ii-e-paiham kii karaamat hai ki aaj
suufii-o-mullaa muluukiyyat ke bande hai.n tamaam
tab-e-mashriq ke liye mauzuu.n yahii afyuun thii
varna qavvaalii se kuchh kam-tar nahii.n ilm-e-kalaam
hai tavaaf-o-haj kaa ha.ngaama agar baaqii to kyaa
kund ho kar rah ga.ii momin kii teG-e-be-niyaam
kis kii nau-miidii pe hujjat hai ye farmaan-e-jadiid
hai jihaad is daur me.n mard-e-musalmaa.n par haraam
duusraa mushiir
KHair hai sulataanii-e-jamhuur kaa GauGaa ki shar
tuu jahaa.n ke taaza fitno.n se nahii.n hai baa-KHabar
pahlaa mushiir
huu.n magar merii jahaa.n-biinii bataatii hai mujhe
jo muluukiyat kaa ik parda ho kyaa is se KHatar
ham ne KHud shaahii ko pahnaayaa hai jamhuurii libaas
jab zaraa aadam hu.aa hai KHud-shanaas-o-KHud-nigar
kaarobaar-e-shahryaarii kii haqiiqat aur hai
ye vajuud-e-miir-o-sultaa.n par nahii.n hai munhasir
majlis-e-millat ho yaa parvez kaa darbaar ho
hai vo sultaa.n Gair kii khetii pe ho jis kii nazar
tuu ne kyaa dekhaa nahii.n maGrib kaa jamhuurii nizaam
chehra raushan andaruu.n cha.ngez se taariik-tar
tiisraa mushiir
ruuh-e-sultaanii rahe baaqii to phir kyaa iztiraab
hai magar kyaa is yahuudii kii sharaarat kaa javaab
vo kaliim-e-be-tajallii vo masiih-e-be-saliib
niist paiGambar va-lekin dar baGal daarad kitaab
kyaa bataa.uu.n kyaa hai kaafir kii nigaah-e-parda-soz
mashriq-o-maGrib kii qaumo.n ke liye roz-e-hisaab
is se ba.Dh kar aur kyaa hogaa tabii.at kaa fasaad
to.D dii bando.n ne aaqaa.o.n ke KHemo.n kii tanaab
chauthaa mushiir
to.D is kaa ruumat-ul-kubraa ke aivaano.n me.n dekh
aal-e-ceaser ko dikhaayaa ham ne phir ceaser kaa KHvaab
kaun bahr-e-ruum kii maujo.n se hai lipTaa hu.aa
gaah baalad-chuu.n-sanobar gaah naalad-chuu.n-rubaab
tiisraa mushiir
mai.n to is kii aaqibat-biinii kaa kuchh qaa.il nahii.n
jis ne afra.ngii siyaasat ko kyaa yuu.n be-hijaab
paa.nchvaa.n mushiir ibliis ko muKHaatab kar ke
ai tire soz-e-nafas se kaar-e-aalam ustuvaar
tuu ne jab chaahaa kiyaa har pardagii ko aashkaar
aab-o-gil terii haraarat se jahaan-e-soz-o-saaz
ablah-e-jannat tirii ta.aliim se daanaa-e-kaar
tujh se ba.Dh kar fitrat-e-aadam kaa vo mahram nahii.n
saada-dil bando.n me.n jo mash.huur hai parvardigaar
kaam thaa jin kaa faqat taqdiis-o-tasbiih-o-tavaaf
terii Gairat se abad tak sar-niguu.n-o-sharmsaar
garche hai.n tere muriid afra.ng ke saahir tamaam
ab mujhe un kii faraasat par nahii.n hai e'tibaar
vo yahuudii fitna-gar vo ruuh-e-mazdak kaa buruuz
har qabaa hone ko hai is ke junuu.n se taar taar
zaaG dashtii ho rahaa hai ham-sar-e-shaahiin-o-charG
kitnii sur.at se badaltaa hai mizaaj-e-rozgaar
chhaa ga.ii aashufta ho kar vus.at-e-aflaak par
jis ko naadaanii se ham samjhe the ik musht-e-Gubaar
fitna-e-fardaa kii haibat kaa ye aalam hai ki aaj
kaa.npte hai.n kohsaar-o-murG-zaar-o-juu.ebaar
mere aaqaa vo jahaa.n zer-o-zabar hone ko hai
jis jahaa.n kaa hai faqat terii siyaadat par madaar

Allama Iqbal
Nazm

aadmi-nama

duniyaa me.n paadshah hai so hai vo bhii aadmii
aur muflis-o-gadaa hai so hai vo bhii aadmii
zardaar-e-be-navaa hai so hai vo bhii aadmii
nemat jo khaa rahaa hai so hai vo bhii aadmii
Tuk.De chabaa rahaa hai so hai vo bhii aadmii
abdaal, qutub o Gaus valii-aadmii hu.e
munkir bhii aadmii hu.e aur kufr ke bhare
kyaa kyaa karishme kashf-o-karaamaat ke liye
hattaa ki apne zohd-o-riyaazat ke zor se
KHaaliq se jaa milaa hai so hai vo bhii aadmii
fir.aun ne kiyaa thaa jo da.avaa KHudaa.ii kaa
shaddaad bhii bahisht banaa kar hu.aa KHudaa
namruud bhii KHudaa hii kahaataa thaa barmalaa
ye baat hai samajhne kii aage kahuu.n mai.n kyaa
yaa.n tak jo ho chukaa hai so hai vo bhii aadmii
kul aadmii kaa husn o qubah me.n hai yaa.n zuhuur
shaitaa.n bhii aadmii hai jo kartaa hai makr-o-zor
aur haadii rahnumaa hai so hai vo bhii aadmii
masjid bhii aadmii ne banaa.ii hai yaa.n miyaa.n
bante hai.n aadmii hii imaam aur KHutba-KHvaa.n
pa.Dhte hai.n aadmii hii qur.aan aur namaaziyaa.n
aur aadmii hii un kii churaate hai.n juutiyaa.n
jo un ko taa.Dtaa hai so hai vo bhii aadmii
yaa.n aadmii pe jaan ko vaare hai aadmii
aur aadmii pe teG ko maare hai aadmii
pag.Dii bhii aadmii kii utaare hai aadmii
chillaa ke aadmii ko pukaare hai aadmii
aur sun ke dau.Dtaa hai so hai vo bhii aadmii
chaltaa hai aadmii hii musaafir ho le ke maal
aur aadmii hii maare hai phaa.nsii gale me.n Daal
yaa.n aadmii hii said hai aur aadmii hii jaal
sachchaa bhii aadmii hii nikaltaa hai mere laal
aur jhuuT kaa bharaa hai so hai vo bhii aadmii
yaa.n aadmii hii shaadii hai aur aadmii biyaah
qaazii vakiil aadmii aur aadmii gavaah
taashe bajaate aadmii chalte hai.n KHvaah-maKHvaah
dau.De hai.n aadmii hii to mash.al jalaa ke raah
aur byaahane cha.Dhaa hai so hai vo bhii aadmii
yaa.n aadmii naqiib ho bole hai baar baar
aur aadmii hii pyaade hai.n aur aadmii savaar
huqqa suraahii juutiyaa.n dau.De.n baGal me.n maar
kaa.ndhe pe rakh ke paalkii hai.n dau.Dte kahaar
aur us me.n jo pa.Daa hai so hai vo bhii aadmii
baiThe hai.n aadmii hii dukaane.n lagaa lagaa
aur aadmii hii phirte hai.n rakh sar pe khuunchaa
kahtaa hai ko.ii lo ko.ii kahtaa hai laa re laa
kis kis tarah kii beche.n hai.n chiize.n banaa banaa
aur mol le rahaa hai so hai vo aadmii
table majiire daa.ere saara.ngiyaa.n bajaa
gaate hai.n aadmii hii har ik tarah jaa-ba-jaa
ranDii bhii aadmii hii nachaate hai.n gat lagaa
aur aadmii hii naache hai.n aur dekh phir mazaa
jo naach dekhtaa hai so hai vo bhii aadmii
yaa.n aadmii hii la.al-o-javaahar me.n be-bahaa
aur aadmii hii KHaak se bad-tar hai ho gayaa
kaalaa bhii aadmii hai ki ulTaa hai juu.n tavaa
goraa bhii aadmii hai ki Tuk.Daa hai chaa.nd-saa
bad-shakl bad-numaa hai so hai vo bhii aadmii
ik aadmii hai.n jin ke ye kuchh zarq-barq hai.n
ruupe ke jin ke paa.nv hai.n sone ke farq hai.n
jhamke tamaam Garb se le taa-ba-sharq hai.n
kam-KHvaab taash shaal do-shaalo.n me.n Garq hai.n
aur chiitha.Do.n lagaa hai so hai vo bhii aadmii
hairaa.n huu.n yaaro dekho to kyaa ye svaa.ng hai
aur aadmii hii chor hai aur aapii thaang hai
hai chhiinaa jhapTii aur baa.ng taa.ng hai
dekhaa to aadmii hii yahaa.n misl-e-raa.ng hai
faulaad se ga.Dhaa hai so hai vo bhii aadmii
marne me.n aadmii hii kafan karte hai.n tayaar
nahlaa-dhulaa uThaate hai.n kaa.ndhe pe kar savaar
kalma bhii pa.Dhte jaate hai.n rote hai.n zaar-zaar
sab aadmii hii karte hai.n murde ke kaarobaar
aur vo jo mar gayaa hai so hai vo bhii aadmii
ashraaf aur kamiine se le shaah-taa-vaziir
ye aadmii hii karte hai.n sab kaar-e-dil-paziir
yaa.n aadmii muriid hai aur aadmii hii piir
achchhaa bhii aadmii hii kahaataa hai ai 'naziir'
aur sab me.n jo buraa hai so hai vo bhii aadmii

Nazeer Akbarabadi
Nazm

barsat ki bahaaren

muddat se ho rahaa hai jin kaa makaa.n puraanaa
uTh ke hai un ko me.nh me.n har aan chhat pe jaanaa
ko.ii pukaartaa hai Tuk morii khol aanaa
ko.ii kahe hai chal bhii kyuu.n ho gayaa divaanaa
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

mori arj suno

morii arj suno dast-giir piir
maa.ii rii kahuu.n kaase mai.n
apne jiyaa kii piir
nayyaa baa.ndho re
baa.ndho re kanaar-e-dariyaa
more mandir ab kyuu.n nahii.n aa.e

Faiz Ahmad Faiz
Nazm

muslim uniwersity aligarh se KHitab

ai aligarh ai javaa.n-qismat dabistaan-e-kuhan
aql ke faanuus se raushan hai terii anjuman
hashr ke din tak phalaa-phuulaa rahe teraa chaman
tere paimaano.n me.n larzaa.n hai sharaab-e-ilm-o-fan
ruuh-e-'sir-sayyad' se raushan teraa mai-KHaana rahe
rahtii duniyaa tak tiraa gardish me.n paimaana rahe
ek din ham bhii tirii aa.nkho.n ke biimaaro.n me.n the
terii zulf-e-KHam najam ke nau-giraftaaro.n me.n the
terii jins-e-ilm-parvar ke KHariidaaro.n me.n the
jaan-o-dil se tere jalvo.n ke parastaaro.n me.n the
mauj-e-kausar thaa tiraa sail-e-adaa apne liye
aab-e-haivaa.n thii terii aab-o-havaa apne liye
ilm kaa pahlaa sabaq tuu ne pa.Dhaayaa thaa hame.n
kis tarah jiite hai.n tuu ne hii bataayaa thaa hame.n
KHvaab se tiflii ke tuu ne hii jagaayaa thaa hame.n
naaz se parvaan tuu ne hii cha.Dhaayaa thaa hame.n
mausam-e-gul keii KHabar terii zabaanii aa.ii thii
tere baaGo.n me.n havaa khaa kar javaanii aa.ii thii
lekin ai ilm-o-jasaarat ke daraKHshaa.n aaftaab
kuchh ba-alfaaz-e-digar bhii tujh se karnaa hai KHitaab
go ye dha.Dkaa hai ki huu.ngaa murid-e-qahr-o-itaab
kah bhii duu.n jo kuchh hai dil me.n taa-kujaa ye pech-o-taab
ban pa.De jo sa.ii apne se vo karnaa chaahiye
mard ko kahne ke mauqa pe na Darnaa chaahiye
ai aligarh ai halaak-e-taabish-e-vaz.a-e-fara.ng
'thames' hai aaGosh me.n tere bajaa.e mauj-e-ga.ng
vaadii-e-maGrib me.n gum hai tere dil keii har uma.ng
valvalo.n me.n tere shaayad arsa-e-mashriq hai ta.ng
kab hai maGrib ka.aba-e-haajat-ravaa tere liye
aa ki hai bechain ruuh-e-asia tere liye
kushta-e-maGrib nigaar-e-sharq ke abruu bhii dekh
saaz-e-be-ra.ngii ke juuyaa soz-e-rang-o-buu bhii dekh
nargis-e-arzaq ke shaidaa diida-e-aahuu bhii dekh
ai sunahrii zulf ke qaidii siyah gesuu bhii dekh
kar chukaa sair asl markaz par to aanaa chaahiye
apne ghar keii samt bhii aa.nkhe.n uThaanaa chaahiye
puKHta-kaarii siikh ye aa.iin-e-KHaamii taa-kujaa
jaada-e-afrang par yuu.n tez-gaamii taa-kujaa
soch tuu jii me.n ye jhuuTii nek-naamii taa-kujaa
maGribii tahziib kaa tauq-e-Gulaamii taa-kujaa
mard agar hai Gair keii taqliid karnaa chho.D de
chho.D de lillaah bil-aqsaat marnaa chho.D de

Josh Malihabadi
Nazm

nazr-e-collage

ma.asuumiyo.n ke jurm me.n badnaam bhii hu.e
tere tufail muurid-e-ilzaam bhii hu.e
is sar-zamii.n pe aaj ham ik baar hii sahii
duniyaa hamaare naam se bezaar hii sahii

Sahir Ludhianvi
Nazm

pir-o-murid

مريد ہندي
چشم بينا سے ہے جاري جوئے خوں
علم حاضر سے ہے ديں زار و زبوں!
پيررومي
علم را بر تن زني مارے بود
علم را بر دل زني يارے بود
مريدہندي
اے امام عاشقان دردمند!
ياد ہے مجھ کو ترا حرف بلند
خشک مغز و خشک تار و خشک پوست
از کجا مي آيد ايں آواز دوست،
دور حاضر مست چنگ و بے سرور
بے ثبات و بے يقين و بے حضور
کيا خبر اس کو کہ ہے يہ راز کيا
دوست کيا ہے ، دوست کي آواز کيا
آہ ، يورپ با فروغ و تاب ناک
نغمہ اس کو کھينچتا ہے سوئے خاک
پير رومي
بر سماع راست ہر کس چير نيست
طعمہء ہر مرغکے انجير نيست
مريد ہندي
پڑھ ليے ميں نے علوم شرق و غرب
روح ميں باقي ہے اب تک درد و کرب
پير رومي
دست ہر نا اہل بيمارت کند
سوئے مادر آکہ تيمارت کند
مريدہندي
اے نگہ تيري مرے دل کي کشاد
کھول مجھ پر نکتہء حکم جہاد
پيررومي
نقش حق را ہم بہ امر حق شکن
بر زجاج دوست سنگ دوست زن
مريد ہندي
ہے نگاہ خاوراں مسحور غرب
حور جنت سے ہے خوشتر حور غرب
پيررومي
ظاہر نقرہ گر اسپيد است و نو
دست و جامہ ہم سيہ گردو ازو!
مريد ہندي
آہ مکتب کا جوان گرم خوں!
ساحر افرنگ کا صيد زبوں!
پيررومي
مرغ پر نارستہ چوں پراں شود
طعمہء ہر گربہء دراں شود
مريد ہندي
تا کجا آويزش دين و وطن
جوہر جاں پر مقدم ہے بدن!
پيررومي
قلب پہلو مي زندہ با زر بشب
انتظار روز مي دارد ذہب
مريدہندي
سر آدم سے مجھے آگاہ کر
خاک کے ذرے کو مہر و ماہ کر!
پيررومي
ظاہرش را پشہء آرد بچرخ
باطنش آمد محيط ہفت چرخ
مريد ہندي
خاک تيرے نور سے روشن بصر
غايت آدم خبر ہے يا نظر؟
پيررومي
آدمي ديد است ، باقي پوست است
ديد آں باشد کہ ديد دوست است
مريد ہندي
زندہ ہے مشرق تري گفتار سے
امتےں مرتي ہيں کس آزار سے؟
پير رومي
ہر ہلاک امت پيشيں کہ بود
زانکہ بر جندل گماں بردند عود
مريد ہندي
اب مسلماں ميں نہيں وہ رنگ و بو
سرد کيونکر ہو گيا اس کا لہو؟
پيررومي
تا دل صاحبدلے نامد بہ درد
ہيچ قومے را خدا رسوا نہ کرد
مريد ہندي
گرچہ بے رونق ہے بازار وجود
کون سے سودے ميں ہے مردوں کا سود؟
پيررومي
زيرکي بفروش و حيراني بخر
زيرکي ظن است و حيراني نظر
مريد ہندي
ہم نفس ميرے سلاطيں کے نديم
ميں فقير بے کلاہ و بے گليم!
پير رومي
بندئہ يک مرد روشن دل شوي
بہ کہ بر فرق سر شاہاں روي
مريد ہندي
اے شريک مستي خاصان بدر
ميں نہيں سمجھا حديث جبر و قدر!
پيررومي
بال بازاں را سوے سلطاں برد
بال زاغاں را بگورستاں برد
مريد ہندي
کاروبار خسروي يا راہبي
کيا ہے آخر غايت دين نبي ؟
پيررومي
مصلحت در دين ما جنگ و شکوہ
مصلحت در دين عيسي غار و کوہ
مريد ہندي
کس طرح قابو ميں آئے آب و گل
کس طرح بيدار ہو سينے ميں دل ؟
پيررومي
بندہ باش و بر زميں رو چوں سمند
چوں جنازہ نے کہ بر گردن برند
مريد ہندي
سر ديں ادراک ميں آتا نہيں
کس طرح آئے قيامت کا يقيں؟
پير رومي
پس قيامت شو قيامت را ببيں
ديدن ہر چيز را شرط است ايں
مريد ہندي
آسماں ميں راہ کرتي ہے خودي
صيد مہر و ماہ کرتي ہے خودي
بے حضور و با فروغ و بے فراغ
اپنے نخچيروں کے ہاتھوں داغ داغ!
پيررومي
آں کہ ارزد صيد را عشق است و بس
ليکن او کے گنجد اندر دام کس!
مريد ہندي
تجھ پہ روشن ہے ضمير کائنات
کس طرح محکم ہو ملت کي حيات؟
پير رومي
دانہ باشي مرغکانت برچنند
غنچہ باشي کود کانت برکنند
دانہ پنہاں کن سراپا دام شو
غنچہ پنہاں کن گياہ بام شو
مريد ہندي
تو يہ کہتا ہے کہ دل کي کر تلاش
طالب دل باش و در پيکار باش
جو مرا دل ہے ، مرے سينے ميں ہے
ميرا جوہر ميرے آئينے ميں ہے
پيررومي
تو ہمي گوئي مرا دل نيز ہست
دل فراز عرش باشد نے بہ پست
تو دل خود را دلے پنداشتي
جستجوے اہل دل بگذاشتي
مريد ہندي
آسمانوں پر مرا فکر بلند
ميں زميں پر خوار و زار و دردمند
کار دنيا ميں رہا جاتا ہوں ميں
ٹھوکريں اس راہ ميں کھاتا ہوں ميں
کيوں مرے بس کا نہيں کار زميں
ابلہ دنيا ہے کيوں دانائے ديں؟
پيررومي
آں کہ بر افلاک رفتارش بود
بر زميں رفتن چہ دشوارش بود
مريد ہندي
علم و حکمت کا ملے کيونکر سراغ
کس طرح ہاتھ آئے سوز و درد و داغ
پيررومي
علم و حکمت زايد نان حلال
عشق و رقت آيد از نان حلال
مريد ہندي
ہے زمانے کا تقاضا انجمن
اور بے خلوت نہيں سوز سخن!
پير رومي
خلوت از اغيار بايد ، نے ز يار
پوستيں بہر دے آمد ، نے بہار
مريد ہندي
ہند ميں اب نور ہے باقي نہ سوز
اہل دل اس ديس ميں ہيں تيرہ روز!
پير رومي
کار مرداں روشني و گرمي است
کار دوناں حيلہ و بے شرمي است

Allama Iqbal
Nazm

kuchh de ise ruKHsat kar

kis diin kaa murshid hai, kis kesh kaa mojid hai
kis shahr kaa shahna hai kis des kaa vaalii hai?

Ibn۔e۔Insha
Nazm

baghi murid

ہم کو تو ميسر نہيں مٹي کا ديا بھي
گھر پير کا بجلي کے چراغوں سے ہے روشن
شہري ہو، دہاتي ہو، مسلمان ہے سادہ
مانند بتاں پجتے ہيں کعبے کے برہمن
نذرانہ نہيں ، سود ہے پيران حرم کا
ہر خرقہء سالوس کے اندر ہے مہاجن
ميراث ميں آئي ہے انھيں مسند ارشاد
زاغوں کے تصرف ميں عقابوں کے نشيمن!

Allama Iqbal
Nazm

murgha banne ke fawaed

nusKHa dono.n ke liye hai piir ho vo yaa muriid
murGaa khaane se ziyaada murGaa ban.naa hai mufiid

Ahmad Alvi
Nazm

tera sahaara shah mujhe hai

biptaa morii kaun sunegaa
teraa sahaaraa shaah mujhe hai
berii tore pyaar me.n kamlii
haar ga.ii dil vaar ga.ii
bikhar rahii hai tanhaa.ii me.n
mujh ko baa.nho.n me.n bhar le
kar tuu mujh ko pyaar piyaa
jiivan tujh par vaar diyaa
tore bin mai.n huu.n adhuurii huu.n
tuu chhuu le to puurii huu.n
vasl kiyaa to Darnaa kyaa
hijr na mujh me.n bharnaa piyaa
pyaar nibhaanaa hogaa mujh se rabt ba.Dhaanaa hogaa mujh se
tuu dariyaa hai mai.n huu.n pyaasii
ban ke rahuu.ngii terii daasii
dil me.n mere aan base ho
nainaa.n me.n bhii tuu hii jache ho
sar se paa taa chuumo mujh ko
vaadii vaadii parbat parbat qarya qarya gulshan gulshan
saath me.n le ke ghuumo mujh ko
terii huu.n mai.n terii rahuu.ngii
tujh bin mai.n to jii na sakuu.ngii

Dua Ali
Nazm

machchhar aur machchraniyan

TuuTii phuuTii morii me.n ik machchhar saahab rahte hai.n
shaayad vo ghar me.n bhii apne machchhar hii kahlaate hai.n
biiviyaa.n un kii chaar adad hai.n machchraanii kahlaatii hai.n
morii vaale ghar me.n hii jii chaaro.n se bahlaate hai.n
ik din vo ghar se nikle to vaapas aanaa bhuul ga.e
mai.n to jaanuu.n isii tarah se roz kahii.n u.D jaate hai.n
biiviyaa.n un kii chup baiThii thii.n lekin fikr thii sab ko hii
chaaro.n aapas me.n kahtii thii.n ab aate ab aate hai.n
pahlii bolii sach kahtii huu.n mai.n aadat se vaaqif huu.n
aa.De tirchhe u.Dte vo ab biin bajaate aate hai.n
duusrii bolii sach kahtii huu.n mai.n aadat se vaaqif huu.n
laal khaTolaa hare bhare takiye un par loT lagaate hai.n
tiisrii bolii sach kahtii huu.n mai.n aadat se vaaqif huu.n
kuu.Daa ghar ke KHamiir ke uupar rah rah kar ma.nDlaate hai.n
chauthii bolii sach kahtii huu.n mai.n aadat se vaaqif huu.n
baasii baasii phalo.n ke ras me.n KHush ho ho ke nahaate hai.n

Hamidullah Afsar
Nazm

nazm

aaj bahut se lafz jo rah ga.e the
aur vo ThiThurte hu.e harf
jin ko yakjaa karnaa ba-mushkil thaa
kuchh jazbaat jo dil ke
daaman se lag kar sisak rahe the
socho.n kaa be-ha.ngam hujuum
jo dimaaG kii huduud se musalsal Takraa rahaa thaa
ehsaasaat jin kii kokh me.n
udaasii bechaargii past KHaalii ne janm liyaa thaa
un me.n ka.ii jazbe bhii the
jin kii dauraan-e-hamal hii maut ho ga.ii
kuchh Tuk.De bhii the siyaah-baKHtii ke
kuchh rahzan bhii jo KHayaalaat kii aabruu
luuT liyaa karte the
aaj un rahzano.n ko suulii par cha.Dhaa diyaa gayaa
insaaf hu.aa aur insaaf ye hu.aa ki
tum duur baiThe dekh rahii thii bahut KHaamoshii
aur dilchaspii kaa mojid banaa khel khel ke liye
aaj in sab lafzo.n haruufo.n ehsaasaat
jazbaat aur socho.n ko
tere KHayaal se Gusl diyaa
araq-e-gulaab jo terii suujii aa.nkho.n
se bah rahaa thaa
is araq ko laashe par chhi.Dakte hu.e
aaj unhe.n dafnaa diyaa gayaa

Zeef Zia
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now