Search result for "paziiraa.ii" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "paziiraa.ii"

Nazm MATCHES FOR "paziiraa.ii"

Nazm

pazirai

abhii mai.n ne dahliiz par paa.nv rakkhaa hii thaa ki
kisii ne mire sar pe phuulo.n bharaa thaal ulTaa diyaa
mere baalo.n pe aa.nkho.n pe palko.n pe, ho.nTo.n pe
maathe pe, ruKHsaar par
phuul hii phuul the
do bahut muskuraate hu.e ho.nT
mere badan par mohabbat kii gulnaar mohro.n ko yuu.n sabt karte
chale jaa rahe the
ki jaise abad tak
mirii ek ik por kaa intisaab
apnii zebaa.ii ke naam le kar rahe.nge
mujhe apne andar samo kar rahe.nge!

Parveen Shakir

Nazm

muslim umma ka America se shikwa

''aiD'' me.n terii ajab ma.arka-aaraa.ii hai
maut ke saaz me.n lipTii hu.ii shahnaa.ii hai
aslaha de ke jo dushman kii paziiraa.ii hai
ham vafaadaar nahii.n tuu bhii to harjaa.ii hai

Khalid Irfan

Nazm

mere pas kya kuchh nahin

mere paas raato.n kii taariikii me.n
khilne vaale phuul hai.n
aur be-KHvaabii
dino.n kii murjhaa.ii hu.ii raushnii hai
aur biinaa.ii
mere paas lauT jaane ko ek maazii hai
aur yaad...
mere paas masruufiyat kii tamaam tar ra.ngaa-ra.ngii hai
aur be-ma.anaviyat
aur in sab se pare khulne vaalii aa.nkh
mai.n aasmaa.n ko o.Dh kar chaltaa
aur zamiin ko bichhaunaa kartaa huu.n
jahaa.n mai.n huu.n
vahaa.n abdiyat apnii girhe.n kholtii hai
ja.ngal jhuumte hai.n
baadal baraste hai.n
mor naachte hai.n
mere siine me.n ek samundar ne panaah le rakkhii hai
mai.n apnii aag me.n jaltaa
apnii baarisho.n me.n nahaataa huu.n
merii aavaaz me.n
bahut sii aavaazo.n ne ghar kar rakkhaa hai
aur meraa libaas
bahut sii dhajjiyo.n ko jo.D kar tayyaar kiyaa gayaa hai
merii aa.nkho.n me.n
ek girte hu.e shahr kaa saaraa malba hai
aur ek mustaqil intizaar
aur aa.nsuu
aur in aa.nsu.o.n se phuul khilte hai.n
taalaab bante hai.n
jin me.n parinde nahaate hai.n
ha.nste aur KHvaab dekhte hai.n
mere paas
duniyaa ko sunaane ke liye kuchh giit hai.n
aur bataane ke liye kuchh baate.n
mai.n rad kiye jaane kii lazzat se aashnaa huu.n
aur paziiraa.ii kii dil-nashii.n muskuraahaT se
bharaa rahtaa huu.n
mere paas
ek aashiq kii vaaraftagii
dar-guzar aur be-niyaazii hai
tumhaarii is duniyaa me.n
mere paas kyaa kuchh nahii.n hai
vaqt aur tum par iKHtiyaar ke sivaa?

Abrar Ahmad

Nazm

shikwa-e-muKHtasar

mujhe shikva nahii.n duniyaa kii un zohra-jabiino.n se
hu.ii jin se na mere shauq-e-rusvaa kii paziiraa.ii

Asrarul Haq Majaz

Nazm

urdu

miir-o-Gaalib hu.e hai.n urdu ke
aur nasiim-o-firaaq shaidaa.ii
zauq-o-momin ne bhii sa.nvaaraa hai
saarii qaumo.n ne kii paziiraa.ii

Subhan Anjum

Nazm

ye KHala pur na hua

zehan KHaalii hai
KHalaa nuur se yaa naGme se
yaa nik.hat-e-gum-raah se bhii
pur na hu.aa
zehan KHaalii hii rahaa
ye KHalaa harf-e-tasallii se
tabassum se
kisii aah se pur na hu.aa
ik nafii larzish-e-paiham me.n sahii
johd-e-be-kaar ke maatam me.n sahii
ham jo naaras bhii hai.n Gam-diida bhii hai.n
is KHalaa ko
(isii dahliiz pe so.e hu.e
sarmast gadaa ke maanind)
kasii miinaar kii tasviir se
yaa rang kii jhankaar se
yaa KHvaabo.n kii KHushbu.o.n se
pur kyuu.n na kare.n?
ki ajal ham se bahut duur
bahut duur rahe?
nahii.n ham jaante hai.n
ham jo naaras bhii hai.n Gam-diida bhii hai.n
jaante hai.n ki KHalaa hai vo jise maut nahii.n
kas liye nuur se yaa naGme se
yaa harf-e-tasallii se ise ''jism'' banaa.e.n
aur phir maut kii vaarafta paziiraa.ii kare.n?
na.e ha.ngaamo.n kii tajliil kaa dar baaz kare.n
sub.h-e-takmiil kaa aaGaaz kare.n?

Noon Meem Rashid

Nazm

afsana-e-shahr

shahr ke shahr kaa afsaana vahii aarzuu-e-KHasta ke la.ng.Daate hu.e pair
ki hai.n aaj bhii afsaane kii duzdiida o zhuuliida lakiiro.n pe ravaa.n
un asiiro.n kii tarah jin ke rag-o-reshe kii zanjiir kii jhankaar
bhii tham jaa.e to kah uTThe.n kahaa.n
''ab kahaa.n jaa.e.nge ham
jaa.e.n ab taaza o naadiida nigaaho.n ke zamistaa.n me.n kahaa.n?''
un asiiro.n kii tarah jin ke liye vaqt kii be-sarfa salaaKHe.n
na kabhii sard na garm aur na kabhii saKHt na narm
na rihaa.ii kii paziiraa.ii na asiirii hii kii sharm

Noon Meem Rashid

Nazm

taqrib-e-ru-numai

sajii thii bazm-e-paziiraa.ii ek hotel me.n
jahaa.n gulaab se chehre to the gulaab nahii.n

Khalid Irfan

Nazm

pazirai

dil ba.Dhaa us kii paziiraa.ii ko
haatho.n me.n uThaa.e
sabz jugnuu
nuqra.ii gul
surKH naaranjii sunahrii kaa.nptii lau kaa charaaG

Sameena Raja

Nazm

pas-e-taqrib-e-mulaqat

be-niyaazaana taKHaatub me.n pareshaa.n saa tire
gosha-e-lab pe ko.ii harf shanaasaa.ii kaa
tamkanat vaalii adaa.o.n me.n anokhaa saa niyaaz
mujtanib aa.nkho.n me.n ik aks paziiraa.ii kaa
aam mauzuu-e-suKHan me.n bhii ayaa.n lahja-e-KHaas
zehn kii baat me.n bhii dil kii dhamak kaa ehsaas
ik taahum saa kisii Gamza-e-Galtiida me.n
ek maanuus saa KHam kaakul-e-paichiida me.n

Abdul Ahad Saaz

Nazm

pahle sal ka tohfa

mai.n aksar sochtii thii ye akelaa ghar kabhii aabaad bhii hogaa
mai.n us an-dekhe mehmaa.n kii paziiraa.ii me.n kyaa kyaa KHvaab bhejuu.ngii
mai.n taaq-e-jaa.n me.n kaise kaise gul-buuTe sajaa.uu.ngii
mai.n us kii ek ik jumbish pe iz.haar-o-bayaa.n ke sab dariiche khol kar
saavan ke baadal kii tarah
har rang me.n paagal havaa ke saath har suu phail jaa.uu.ngii

Ishrat Afreen

Nazm

pahla patthar

isii ummiid pe shaayad ki ko.ii pahchaane
justujuu ek baguule ke anaasir chhaane
shauq-e-rusvaa kii paziiraa.ii ke huu.n afsaane

Musavvir Sabzwari

Nazm

9

ik umr dil ke paas rahaa vo magar kahii.n
jab bhii milaa to jaise ki kuchh jaantaa nahii.n
aa.nkho.n me.n ik ajiib shanaasaa.ii thii magar
gahraa.iyo.n me.n dil kii paziiraa.ii thii magar
dekhaa kuchh is tarah se ki pahchaantaa nahii.n
kuchh ham se aashnaa.ii hai ye maantaa nahii.n

Zeeshan Sahil

Nazm

shaffafiyan(2)

abhii ham naaqidaana faasle se
ajnabii saahil ke tevar dekhte hai.n
khujuuro.n ke daraKHto.n me.n chhupii sargoshiyaa.n sun.ne kii KHaatir
ham ne apne kaan zinda kar diye hai.n
pahaa.Dii me.n sarakte
tiir-andaazo.n ke kaarobaar pe aa.nkhe.n lagaa dii hai.n
hame.n
tum apne saahil par
paziiraa.ii ke kis andaaz ke qaabil samajhte ho
ye tum par hai

Waheed Ahmad

Nazm

ai ruKH-e-yar idhar dekh zara

ham ki vaamaandagi-e-shauq kaa lamha le kar
aa ga.e hai.n tire paikar ke ujaalo.n ke qariib
kitnii sadiyo.n kii masaafat le kar
ek darmaa.nda tahii-dast musaafir kii tarah
aa ke Thahre hai.n tire pyaar ke bargad niiche
ham ki mas.huur tilismaat-kade hai.n tere
terii aa.nkho.n tere ho.nTo.n terii zulfo.n ke asiir
terii tamannaa ke faqiir
muntazir hai.n ki tire jism kaa partav ubhre
aur raushan ho.n taKHayyul kii vo raahe.n jin par
kab se phailii hu.ii gumnaam sii taariikii hai
yuu.n simaT jaa.e mire baKHt pe utrii hu.ii raat
nuur chhan kar tire paikar kii tunuk-taabii se
merii be-nuur sii duniyaa ko munavvar kar de
mere KHvaabo.n ko haqiiqat kar de
ai ruKH-e-yaar idhar dekh zaraa
mere dil-daar idhar dekh zaraa
jis kaa ik umr tamannaa.ii rahaa
apne gul-rang se jalvo.n ke tufail
mujh ko vo kaif vo ra.anaa.ii de
ek be-naam se rishte ko paziiraa.ii de
ab to ik lams-e-masiihaa.ii de
ham ko ai jaan-e-jahaa.n itnii ijaazat de de
jis gha.Dii shaam Dhale
terii gesuu kii tarah shab kii hasii.n zulf khule
tere aa.nchal kaa kinaara le kar
ek be-naam sahaaraa le kar
apnii betaab tamannaa.o.n kii girhe.n khole.n
tere zaanuu pe ye sar rakh ke
do aa.nsuu ro le.n

Salman Basit

Nazm

etiraf

jal bujhe aa.nkho.n me.n KHvaabo.n ke mahakte paikar
ab kahii.n ko.ii sharaara hai na sho.ala na dhu.aa.n
kho ga.e vaqt kii pathriilii guzargaaho.n par
chand be-naam tamannaa.o.n ke qadmo.n ke nishaa.n
ek parchhaa.ii.n huu.n jis me.n na ko.ii rang na ruup
sirf ehsaas ho tum jis kaa ko.ii naam nahii.n
mai.n bhii paa-basta huu.n haalaat kii zanjiiro.n me.n
tum pe bhii ahd-e-faraamoshii kaa ilzaam nahii.n
mere ehsaas pe bhii barf jamii hai jaise
aa.nch detaa nahii.n jazbaat ko ko.ii mausam
dha.Dkane.n aaj tumhaarii bhii hai.n be-lafz-o-bayaa.n
ab barastii nahii.n dildaar nazar se shabnam
mai.n bhii kuchh suurat-e-haalaat se bargashta huu.n
tum bhii ho apne KHayaalaat pe pachhtaa.ii hu.ii
mai.n ne bhii jaan liyaa hai ki haqiiqat kyaa hai
tum bhii KHvaabo.n se nazar aatii ho uktaa.ii hu.ii
jab na mai.n mai.n huu.n na tum tum ho to phir aa.nkho.n me.n
ye giraa.nbaar-e-ehsaas-e-shanaasaa.ii kyuu.n
baar ho jaa.n pe to paimaan-e-rifaaqat kaisaa
bojh huu.n dil pe to jazbo.n kii paziiraa.ii kyuu.n
mujh ko yuu.n pyaar kii rusvaa.iyaa.n manzuur nahii.n
tum bhii is rishte pe ilzaam na aane denaa
merii saa.nso.n me.n na mahkegii tumhaarii KHushbuu
tum bhii ho.nTo.n pe miraa naam na aane denaa

Shahid Akhtar

Nazm

suKHan darmanda hai

KHunuk-mausam nahii.n guzraa
safar suuraj kare to abr us ke saath chaltaa hai
abhii naddii ke paanii par havaa ke taaziyaane se nishaa.n paidaa nahii.n hotaa
tabar kii zarb-kaarii se, shaaKHo.n se zamii.n par
pattaa pattaa harf girte hai.n
ko.ii fiqara shajar ke zaKHm-e-mohmal kii paziiraa.ii nahii.n kartaa
lahuu ma.anii nahii.n detaa
to phir qirtaas-e-ahmar ho ki abyaz ra.ng-e-pairaahan se
KHushbuu-e-suKHan nikle to jii bahle
mahaktaa hai kahii.n sayyaad ke fitraak me.n naafaa

Akhtar Husain Jafri

Nazm

hijr ki andhi raaten

ek ye vaqt hai bas aalam-e-tanhaa.ii hai
gulshan-e-dil pe faqat Gam kii ghaTaa chhaa.ii hai
haa.e jazbaat kii mayyat pe paziiraa.ii hai
kyaa yahii mai.n ne vafaa.o.n kii jazaa paa.ii hai
kuchh bhii suntii hii nahii.n haa.e ye berii raate.n
tum pe utrii hai.n kabhii hijr kii andhii raate.n
tum pe utrii hii nahii.n hijr kii andhii raate.n

Ejazulhaq Shahab

Nazm

may yaum-ul-hisab

mujhe be-rahm hastii ke ziyaa.n-KHaane me.n kyuu.n bhejaa gayaa
kyuu.n halqa-e-zanjiir me.n rakh dii ga.ii.n be-taabiyaa.n merii
har ik manzar mirii nazro.n kaa juuyaa thaa
farozaa.n shaaKH-saaro.n par hujuum-e-ra.ng-o-buu
u.Dtaa hu.aa bar-ravaa.n
siimaab-paa mauje.n
sabaa kaa raqs-e-be-parvaa
shab-e-mahtaab kaa afsuu.n
mah-o-anjum ke raqsaa.n daa.ere
ruu-e-shafaq
taabaa.n ufuq
dariyaa.o.n kii raftaar
shab ke jaagte asraar
sahraa kaa munavvar siina-e-uryaa.n
tilism-e-be-karaa.n ke KHvaab-guu.n saa.e
mirii raato.n me.n misl-e-barq lahraa.e
sitaaro.n kii tajallii me.n thaa harf-e-kun kaa afsaana
ba.Daa faiyyaz thaa fitrat kaa kaashaana
ka.ii sahraa mire gaam-e-tamannaa ke shanaasaa the
vo harf-o-saut kii vaadii
vo zauq-e-sher kaa jaada
vo irfaa.n ke gurezaa.n aastaano.n par jabii.n-saa.ii
vo daanish kii paziiraa.ii
vo ma.anii kii ghanerii chhaa.nv me.n
zehn-e-rasaa kaa kashf vo
asraar ke parde ke piichhe
dil kii mahshar-KHez aavaaze.n
dil kii mahshar-KHez aavaaze.n
vo Gam-haa-e-nihaanii se farozaa.n zauq-e-biinaa.ii

Sajida Zaidi

Nazm

ai fairy-tail

kabhii bachpan me.n jo pa.Dhte the pariyo.n kii kahaanii me.n
parii ko.ii tilsmaatii asar se
niim-shab saare khilauno.n ko
badal detii thii jiitii-jaagtii maKHluuq me.n
ab yuu.n hu.aa
aise hii naadiida asar ne
ek ghar me.n
kuchh khilauno.n ko ataa kii zindagii
aur lamha bhar me.n in ko ha.nsne bolne
aur sub.h kii pahlii kiran tak
zinda rahne par kyaa qaadir
unhii me.n ek thaa aisaa khilaunaa
jo khilauno.n se bhare kamre me.n tanhaa thaa
use bachche kabhii aaGosh me.n lete
kabhii Thokar lagaate the
use sofe ke piichhe phe.nkte aur bhuul jaate the
ye un kaa khel thaa aur us kii qismat
aaj vo mazluum bhii pal-bhar me.n zinda ho gayaa thaa
vo khilaunaa
ab ko.ii dard-aashnaa be-laus saathii chaahtaa thaa
us ne apne paas hii rakhii hu.ii
gu.Diyaa kii jaanib
dostii kaa haath phailaayaa
magar gu.Diyaa laraz kar haT ga.ii piichhe
ki jaise ko.ii dast-e-tifl-e-naadaa.n
is kii jaanib ba.Dh rahaa ho
jo use iizaa bhii degaa
aur shaayad to.D bhii degaa
use be-mehr bachcho.n se
jo dukh milte rahe the
un kii talKHii ne
use achchhe bure ke farq se
aur sachche jazbo.n kii paziiraa.ii se begaana kiyaa thaa
vo shaayad rishta-e-ehsaas kii us mehrbaa.n taasiir se naa-aashnaa bhii thii
jo aa.nkho.n me.n chamak aur zindagii me.n rang bhartii hai
shikasta-dil khilaunaa haath vaapas khii.nch kar
ab sub.h kii pahlii kiran kaa muntazir hai
jab fusuu.n TuuTe aur is se zindagii chhin jaa.e
vo phir ek be-ehsaas aur be-jaan shai ban jaa.e

Hasan Akbar Kamal

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now