Search result for "sanaa-e-husn" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "sanaa-e-husn"

Nazm MATCHES FOR "sanaa-e-husn"

Nazm

husn-e-jaanan

tuu ki shahkaar-e-sannaa'-e-har-avvalii.n
tuu bayaa.n me.n nahii.n dastaras me.n nahii.n
husn kaafir tiraa aa.nkh tauba-shikan
daav par lag ga.e jaan-o-iimaan bhii
tuu daliil-e-sahar sham'-e-bahr-o-bar
raah-e-iimaan bhii rang-e-vijdaan bhii
terii aa.nkho.n me.n dair-o-haram qaid hai
jaam-e-gulfaam kyaa jaam-e-jam qaid hai
gaahe rang-e-Gilaaf-e-haram ho ga.ii.n
gaahe rang-e-hinaa dam-ba-dam ho ga.ii.n
gaahe kitno.n ko bhaTkaa diyaa raah se
gaahe ye manzilo.n kaa 'alam ho ga.ii.n
terii palke.n jhukii.n chaa.nd Dhalne lage
shaam hone lagii zaKHm jalne lage
saahira phir tiraa sehr hone lagaa
log girne lage hosh u.Dne lage
teraa ruKHsaar hai chaa.ndnii kii hayaa
duudh me.n jaise sinduur ghulne lagaa
tere ruKHsaar rang-e-shafaq ho ga.e
yaa'nii ye shaa'irii ke ufuq ho ga.e
kis ko tashbiih duu.n isti'aara karuu.n
lab ko lab ke liye hii gavaaraa karuu.n
ho.nT kyaa aayate.n hai.n ye qur.aan kii
jaan hai.n jaan-e-jaa.n ye tirii jaan kii
un se chhuu le.n to alfaaz KHushbuu bane.n
qahqahe nuur ban jaa.e.n jaaduu bane.n
shabnamii pankhu.Dii pankhu.Dii hai.n faqat
aur kyaa mai.n kahuu.n zindagii hai.n faqat
sochtaa huu.n to kuchh sochaa jaataa nahii.n
husn teraa to ab dekhaa jaataa nahii.n
yaa'nii 'jaaved-aKHtar’ ne sach hii kahaa
husn-e-jaanaa.n kii taa'riif mumkin nahii.n
husn-e-jaanaa.n kii taa'riif mumkin nahii.n

Noman Badr

Nazm

ye kaun aaya

'inshaa'-jii ye kaun aayaa kis des kaa baasii hai
ho.nTo.n pe tabassum hai aa.nkho.n me.n udaasii hai
KHvaabo.n ke gulistaa.n kii KHush-buu-e-dil-aaraa hai
yaa sub.h-e-tamannaa ke maathe kaa sitaaraa hai
tarsii hu.ii nazro.n ko ab aur na tarsaa re
ai husn ke saudaagar ai ruup ke banjaare
ramnaa dil-e-'inshaa' kaa ab teraa Thikaanaa ho
ab ko.ii bhii suurat ho ab ko.ii bahaanaa ho

Ibn۔e۔Insha

Nazm

pichhle-pahar ke sannaTe mein

maazii kii Dev.Dhii kii chilman
khule dariiche kii jaalii se
chhan chhan aa.e.n
ruup kii jot hinaa kii laalii kal kii yaade.n
sau.ndhii KHushbuu ThanDii buu.nde.n
kal ke baasii aa.nsuu jin se
fardaa ke baalii.n kaa pardaa bhiig rahaa hai
sehr-zada mahbuus hasiina
sapno.n ke shiilaaT kii raanii
aa.iino.n me.n husn-e-shikasta dekh rahii hai
kitne chehre TuuTe TuuTe
pahchaane an-pahchaane se
aage piichhe aage piichhe bhaag rahe hai.n
qil.e ke aaseb kii suurat kis kii siskii kis kaa naala
kamre kii KHaamosh fazaa me.n dar aayaa hai

Ibn۔e۔Insha

Nazm

ai mere soch-nagar ki rani

tujh se jo mai.n ne pyaar kiyaa hai tere liye? nahii.n apne liye
vaqt kii be-unvaan kahaanii kab tak be-unvaan rahe
ai mire soch-nagar kii raanii ai mire KHuld-e-KHayaal kii huur
itne dino.n jo mai.n ghultaa rahaa huu.n tere binaa yuu.nhii duur hii duur
soch to kyaa phal mujh ko milaa mai.n man se gayaa phir tan se gayaa
shahr-e-vatan me.n ajnabii Thahraa aaKHir shahr-e-vatan se gayaa
ruuh kii pyaas bujhaanii thii par yahaa.n ho.nTo.n kii pyaas bhii bujh na sakii
bachte sambhalte bhii ek sulagtaa rog banii mire jii kii lagii
duur kii baat na soch abhii mire haat me.n tuu zaraa haat to de
tujh se jo mai.n ne pyaar kiyaa hai tere liye? nahii.n apne liye
baaG me.n hai ik bele kaa taKHta bhiinii hai is bele kii sugandh
ai kaliyo kyuu.n itne dino.n tum rakkhe rahii.n ise god me.n band
kitne hii ham se ruup ke rasiyaa aa.e yahaa.n aur chal bhii diye
tum ho ki itne husn ke hote ek na daaman thaam sake
sehn-e-chaman par bhau.nro.n ke baadal ek hii pal ko chhaa.e.nge
phir na vo jaa kar lauT sake.nge phir na vo jaa kar aa.e.nge
ai mire soch-nagar kii raanii vaqt kii baate.n rang aur buu
har ko.ii saath kisii kaa Dhuu.nDe gul ho.n ki bele mai.n huu.n ki tuu
jo kuchh kahnaa hai abhii kah le jo kuchh sun.naa hai sun le
tujh se jo mai.n ne pyaar kiyaa hai tere liye? nahii.n apne liye

Ibn۔e۔Insha

Nazm

katik ka chand

chaa.nd kab se hai sar-e-shaaKH-e-sanobar aTkaa
ghaas shabnam me.n sharaabor hai shab hai aadhii
baam suunaa hai, kahaa.n Dhuu.nDe.n kisii kaa chehraa
(log samjhe.nge ki be-rabt hai.n baate.n apnii)
sher ugte hai.n dukhii zehn se ko.npal ko.npal
kaun mausam hai ki bharpuur hai.n Gam kii bele.n
duur pahu.nche hai.n sarakte hu.e uude baadal
chaa.nd tanhaa hai (agar us kii balaa.e.n le le.n?)
dosto jii kaa ajab haal hai, lenaa ba.Dhnaa
chaa.ndnii raat hai kaatik kaa mahiina hogaa
miir-e-maGfuur ke ash.aar na paiham pa.Dhnaa
jiine vaalo.n ko abhii aur bhii jiinaa hogaa
chaa.nd ThiThkaa hai sar-e-shaaKH-e-sanobar kab se
kaun saa chaa.nd hai kis rut kii hai.n raate.n logo
dhund u.Dne lagii bun.ne lagii kyaa kyaa chehre
achchhii lagtii hai.n divaano.n kii sii baate.n logo
bhiigtii raat me.n dubkaa hu.aa jhii.ngar bolaa
kasmasaatii kisii jhaa.Dii me.n se KHushbuu lapkii
ko.ii kaakul ko.ii daaman, ko.ii aa.nchal hogaa
ek duniyaa thii magar ham se sameTii na ga.ii

Ibn۔e۔Insha

Nazm

lahu ka Tika

sanaa-e-jabr-o-sitam hai adab kaa shah-paara
KHuluus-e-fikr-o-nazar aib hai fasaane me.n
haqiiqato.n kaa bayaa.n hai baGaavat-e-ehsaas
usuul sab se ba.Daa jurm hai zamaane me.n

Muslim Shameem

Nazm

wahdat-ul-wujud

Gayaab-e-husn se hai 'ishq kaa shuhuud tujhe
KHudaa kare ki dikhaa.e kalii numuud tujhe

Saani Araryavi

Nazm

chand

zamii.n ke pahluu me.n tuu ne magar jagah paa.ii
luTaa ke daulat-e-husn-o-mataa.a-e-ra.anaa.ii

Fazlurrahman

Nazm

marhala

merii har ik nazar ne sajda kiyaa
raunaq-e-husn-o-jaan-e-ruu-e-nigaar
phir bhii jumbish na ho sakii tujh ko
kitnaa mazbuut hai tiraa kirdaar

Daur Afridi

Nazm

hum log

KHayaal-o-fikr ke KHvaab-aafrii.n dhu.ndalko.n me.n
ziyaa-e-husn-e-sahar-taab laa.e.nge ham log

Azmat Abdul Qayyum Khan

Nazm

zindagi

yaa sadaa-e-chang yaa saut-e-rabaab
yaa faqat aah-o-fuGaa.n hai zindagii

Betab Amrohvi

Nazm

waqt-e-murawwat

mirii namaaz ki hai diid ruu-e-naa-shusta
mirii namaaz ki hai tauf-e-husn-e-KHvaab-aaluud

Josh Malihabadi

Nazm

nur-jahan ka mazar

maah-e-falak-e-husn ko ye burj milaa hai
ai charKH tire husn-e-navaazish kaa gilaa hai

Tilok Chand Mahroom

Nazm

ma’zarat

barham mizaaj-e-vaqt hai ai mere ham-nashii.n
ab baargaah-e-husn me.n jhuktii nahii.n jabii.n

Ashhar Nadeemi

Nazm

mausam-e-bahaaran

har Guncha josh-e-husn se jannat-nigaah hai
har phuul hai bahisht kaa saamaa.n liye hu.e

Shadan Barabankvi

Nazm

kali-das

sharaab-e-husn luTaa.ii hai tuu ne KHum ke KHum
rahegaa kaif se sarshaar baada-KHvaar tiraa

JaiKrishn Chaudhry Habeeb

Nazm

zabta

kamaal-e-husn kahuu.n aib ko jahaalat ko
kabhii jagaa.uu.n na so.ii hu.ii adaalat ko

Habib Jalib

Nazm

zamin-zadiyan

zamiin-zaadiyaa.n
sanaa-o-hamd kii namii se lab bhigo bhigo
nahuusat-o-nigaah-e-bad
hasad kii aag se
tahaffuz-o-amaan-o-KHair kii du.aa.e.n maa.ngtii hu.ii
sunaa rahii hai.n giit
ki ko.ii muzhda-e-KHushaa

Anwar Shamim

Nazm

pahla patthar

sabaa hamaare rafiiqo.n se jaa ke ye kahnaa
ba-sad tashakkur-o-iKHlaas-o-husn-o-KHush-adabii
ki jo suluuk bhii ham par ravaa hu.aa us me.n
na ko.ii ramz nihaa.n hai, na ko.ii bulajabii

Mustafa Zaidi

Nazm

dil

maanaa ki barq-e-husn bahut be-qaraar hai
us se bhii kuchh ta.Dap me.n sivaa ho gayaa hai dil

Jaleel Qidwai

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now