Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

کبھی نہ ختم ہونے والی رات پر اشعار

رات کی خاموشی، تنہائی،

اداسی، انتظار، خواب، محبت اور یادوں سے جڑے مختلف احساسات اور کیفیات کی عکاسی کرتے اشعار کا انتخاب۔ کہیں رات سکون اور خوابوں کی علامت ہے تو کہیں بے خوابی، ہجر اور دل کی بے قراری کا استعارہ۔ اس ٹیگ میں رات کے ان گنت رنگوں اور انسانی جذبات کی مختلف صورتوں کو شاعری کے آئینے میں پیش کیا گیا ہے۔

اک رات وہ گیا تھا جہاں بات روک کے

اب تک رکا ہوا ہوں وہیں رات روک کے

فرحت احساس

غضب کیا ترے وعدے پہ اعتبار کیا

تمام رات قیامت کا انتظار کیا

داغؔ دہلوی

اک عمر کٹ گئی ہے ترے انتظار میں

ایسے بھی ہیں کہ کٹ نہ سکی جن سے ایک رات

فراق گورکھپوری

اے شمع تجھ پہ رات یہ بھاری ہے جس طرح

میں نے تمام عمر گزاری ہے اس طرح

ناطق لکھنوی

رات آ کر گزر بھی جاتی ہے

اک ہماری سحر نہیں ہوتی

ابن انشا

ہم تو رات کا مطلب سمجھیں خواب، ستارے، چاند، چراغ

آگے کا احوال وہ جانے جس نے رات گزاری ہو

عرفان صدیقی

دن تو خیر گزر جاتا ہے

راتیں پاگل کر دیتی ہیں

ن م دانش

لوگ کہتے ہیں رات بیت چکی

مجھ کو سمجھاؤ! میں شرابی ہوں

ساغر صدیقی

جاگتا ہوں میں ایک اکیلا دنیا سوتی ہے

کتنی وحشت ہجر کی لمبی رات میں ہوتی ہے

شہریار

زندگی کس طرح کٹے گی سیفؔ

رات کٹتی نظر نہیں آتی

سیف الدین سیف

دن کٹا جس طرح کٹا لیکن

رات کٹتی نظر نہیں آتی

سید محمد اثر

بڑی ہی کربناک تھی وہ پہلی رات ہجر کی

دوبارہ دل میں ایسا درد آج تک نہیں ہوا

عقیل نعمانی

تو ہی بتا دے کیسے کاٹوں

رات اور ایسی کالی رات

ذکی کاکوروی

رات کاٹے نہیں کٹتی ہے کسی صورت سے

دن تو دنیا کے بکھیڑوں میں گزر جاتا ہے

ممتاز میرزا

نہ پایا وقت اے زاہد کوئی میں نے عبادت کا

شب ہجراں ہوئی آخر تو صبح انتظار آئی

مرزا محمد تقی ہوسؔ

پریشاں رات ساری ہے ستارو تم تو سو جاؤ

سکوت مرگ طاری ہے ستارو تم تو سو جاؤ

قتیل شفائی

آس ہے سانس کے اکھڑنے تک

آج کی رات ہم پہ بھاری ہے

ذکیہ غزل

مری آنکھوں سے نیندیں لے کے تم نے رت جگے بخشے

مرے تکیے مرے بستر سے راتیں بات کرتی ہیں

نسیم نکہت

یہ وہی رات ہے جس میں کوئی رونے والا

رونے لگتا ہے تو روتا ہی چلا جاتا ہے

ترکش پردیپ

کہیں سورج ملے تو اس سے کہنا

ہماری رات لمبی ہو رہی ہے

راہی معصوم رضا

اے ذکیؔ ہجر کی راتیں نہیں کاٹے کٹتیں

کوئی اچھی سی غزل گاؤ کہ کچھ رات کٹے

ذکی کاکوروی

سرد رات اپنی نہیں کٹتی کبھی تیرے بغیر

ایسے موسم میں تو اور آگ لگاتی ہے ہوا

شہزاد انجم برہانی

یہ لمبی رات یہ بے خوابی یہ کروٹ کروٹ بیتابی

موسم کے بسنتی چھینٹوں نے کیا آگ جگر میں لگائی ہے

یوسف جمال

شام غم کی سحر نہیں ہوتی

آہ بھی کارگر نہیں ہوتی

ساجد صدیقی لکھنوی

تم قرب کی راحت کیا سمجھو تم ہجر کی وحشت کیا جانو

تم نے وہ رات نہیں کاٹی تم پر وہ عذاب نہیں آئے

ہلال فرید

شام غم کی سحر نہیں ہوتی

یا ہمیں کو خبر نہیں ہوتی

ابن انشا

ہونٹوں پہ ہنسی پیہم آتے ہوئے شرماتی

اب رات نہیں کٹتی اب نیند نہیں آتی

اسرار الحق مجاز

شام نہیں ڈھلتی کسی صورت رات نہیں کٹتی کسی طور

اب تو بہت دل گھبرائے ہے اب تو بہت یاد آؤ ہو

شوکت پردیسی
بولیے