ajiib hote haiñ ādāb-e-ruḳhsat-e-mahfil

ki vo bhī uTh ke gayā jis kā ghar na thā koī

ajib hote hain aadab-e-ruKHsat-e-mahfil

ki wo bhi uTh ke gaya jis ka ghar na tha koi

ye marnā jiinā bhī shāyad majbūrī kī do lahreñ haiñ

kuchh soch ke marnā chāhā thā kuchh soch ke jiinā chāhā hai

ye marna jina bhi shayad majburi ki do lahren hain

kuchh soch ke marna chaha tha kuchh soch ke jina chaha hai

shāyad ki vo vāqif nahīñ ādāb-e-safar se

paanī meñ jo qadmoñ ke nishāñ DhūñD rahā thā

shayad ki wo waqif nahin aadab-e-safar se

pani mein jo qadmon ke nishan DhunD raha tha

ham ko jannat kī fazā se bhī ziyāda hai aziiz

yahī be-rañg sī duniyā yahī be-mehr se log

hum ko jannat ki faza se bhi ziyaada hai aziz

yahi be-rang si duniya yahi be-mehr se log

diloñ kā haal to ye hai ki rabt hai na gurez

mohabbateñ to ga.iiñ thī adāvateñ bhī ga.iiñ

dilon ka haal to ye hai ki rabt hai na gurez

mohabbaten to gain thi adawaten bhi gain