رہائی جیتے جی ممکن نہیں ہے

قفس ہے آہنی دربند پر بند

بندھن سا اک بندھا تھا رگ و پے سے جسم میں

مرنے کے بعد ہاتھ سے موتی بکھر گئے

یہ چھیڑ کیا ہے یہ کیا مجھ سے دل لگی ہے کوئی

جگایا نیند سے جاگا تو پھر سلا بھی دیا

چراغ اس نے بجھا بھی دیا جلا بھی دیا

یہ میری قبر پہ منظر نیا دکھا بھی دیا

یہ ان کا کھیل تو دیکھو کہ ایک کاغذ پر

لکھا بھی نام مرا اور پھر مٹا بھی دیا

مرا دل بھی طلسمی ہے خزانہ

کہ اس میں خیر بھی ہے اور شر بند

وہ اپنے مطلب کی کہہ رہے ہیں زبان پر گو ہے بات میری

ہے چت بھی ان کی ہے پٹ بھی ان کی ہے جیت ان کی ہے مات میری

زور سے سانس جو لیتا ہوں تو اکثر شب غم

دل کی آواز عجب درد بھری آتی ہے

عہد کے ساتھ یہ بھی ہو ارشاد

کس طرح اور کب ملیں گے آپ

شام بھی ہے صبح بھی ہے اور دن بھی رات بھی

ماہ تاباں اب بھی ہے مہر درخشاں اب بھی ہے

کہتے ہیں عرض وصل پر وہ کہو

دوسری بات دوسرا مطلب

کبھی در پر کبھی ہے رستے میں

نہیں تھکتی ہے انتظار سے آنکھ