Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Abbas Tabish's Photo'

Abbas Tabish

1961 | Lahore, Pakistan

Contemporary Pakistani poet having a popular appeal.

Contemporary Pakistani poet having a popular appeal.

Sher of Abbas Tabish

28.7K
Favorite

SORT BY

ye mohabbat kahānī nahīñ martī lekin

log kirdār nibhāte hue mar jaate haiñ

ye mohabbat ki kahani nahin marti lekin

log kirdar nibhate hue mar jate hain

ek muddat se mirī maañ nahīñ soī 'tābish'

maiñ ne ik baar kahā thā mujhe Dar lagtā hai

ek muddat se meri man nahin soi 'tabish'

main ne ek bar kaha tha mujhe Dar lagta hai

jis se pūchheñ tire baare meñ yahī kahtā hai

ḳhūbsūrat hai vafādār nahīñ ho saktā

jis se puchhen tere bare mein yahi kahta hai

KHubsurat hai wafadar nahin ho sakta

ham haiñ sūkhe hue tālāb pe baiThe hue hans

jo ta.alluq ko nibhāte hue mar jaate haiñ

hum hain sukhe hue talab pe baiThe hue hans

jo talluq ko nibhate hue mar jate hain

muddat ke baad ḳhvāb meñ aayā thā merā baap

aur us ne mujh se itnā kahā ḳhush rahā karo

muddat ke baad KHwab mein aaya tha mera bap

aur us ne mujh se itna kaha KHush raha karo

hijr ko hausla aur vasl ko fursat darkār

ik mohabbat ke liye ek javānī kam hai

hijr ko hausla aur wasl ko fursat darkar

ek mohabbat ke liye ek jawani kam hai

masrūf haiñ kuchh itne ki ham kār-e-mohabbat

āġhāz to kar lete haiñ jaarī nahīñ rakhte

masruf hain kuchh itne ki hum kar-e-mohabbat

aaghaz to kar lete hain jari nahin rakhte

agar yūñhī mujhe rakkhā gayā akele meñ

barāmad aur koī is makān se hogā

agar yunhi mujhe rakkha gaya akele mein

baramad aur koi is makan se hoga

chāñd-chehre mujhe achchhe to bahut lagte haiñ

ishq maiñ us se karūñgā jise urdu aa.e

chand-chehre mujhe achchhe to bahut lagte hain

ishq main us se karunga jise urdu aae

mere siine se zarā kaan lagā kar dekho

saañs chaltī hai ki zanjīr-zanī hotī hai

mere sine se zara kan laga kar dekho

sans chalti hai ki zanjir-zani hoti hai

jhoñke ke saath chhat ga.ī dastak ke saath dar gayā

taaza havā ke shauq meñ merā to saarā ghar gayā

jhonke ke sath chhat gai dastak ke sath dar gaya

taza hawa ke shauq mein mera to sara ghar gaya

terī ruuh meñ sannāTā hai aur mirī āvāz meñ chup

apne andāz meñ chup hai maiñ apne andāz meñ chup

teri ruh mein sannaTa hai aur meri aawaz mein chup

tu apne andaz mein chup hai main apne andaz mein chup

mohabbat ek dam dukh mudāvā kar nahīñ detī

ye titlī baiThtī hai zaḳhm par āhista āhista

mohabbat ek dam dukh ka mudawa kar nahin deti

ye titli baiThti hai zaKHm par aahista aahista

ek mohabbat aur vo bhī nākām mohabbat

lekin is se kaam chalāyā saktā hai

ek mohabbat aur wo bhi nakaam mohabbat

lekin is se kaam chalaya ja sakta hai

tum maañg rahe ho mire dil se mirī ḳhvāhish

bachcha to kabhī apne khilaune nahīñ detā

tum mang rahe ho mere dil se meri KHwahish

bachcha to kabhi apne khilaune nahin deta

faqat māl-o-zar-e-dīvār-o-dar achchhā nahīñ lagtā

jahāñ bachche nahīñ hote vo ghar achchhā nahīñ lagtā

faqat mal-o-zar-e-diwar-o-dar achchha nahin lagta

jahan bachche nahin hote wo ghar achchha nahin lagta

shab shab koī na sharminda-e-ruḳhsat Thahre

jaane vāloñ ke liye sham.eñ bujhā jaa.eñ

shab ki shab koi na sharminda-e-ruKHsat Thahre

jaane walon ke liye shamen bujha di jaen

ghar pahuñchtā hai koī aur hamāre jaisā

ham tire shahr se jaate hue mar jaate haiñ

ghar pahunchta hai koi aur hamare jaisa

hum tere shahr se jate hue mar jate hain

maiñ jis sukūn se baiThā huuñ is kināre par

sukūñ se lagtā hai merā qayām āḳhirī hai

main jis sukun se baiTha hun is kinare par

sukun se lagta hai mera qayam aaKHiri hai

boltā huuñ to mire hoñT jhulas jaate haiñ

us ko ye baat batāne meñ baḌī der lagī

bolta hun to mere honT jhulas jate hain

us ko ye baat batane mein baDi der lagi

bas ek moḌ mirī zindagī meñ aayā thā

phir is ke ba.ad ulajhtī ga.ī kahānī merī

bas ek moD meri zindagi mein aaya tha

phir is ke baad ulajhti gai kahani meri

ye zindagī kuchh bhī ho magar apne liye to

kuchh bhī nahīñ bachchoñ sharārat ke alāva

ye zindagi kuchh bhi ho magar apne liye to

kuchh bhi nahin bachchon ki shararat ke alawa

na ḳhvāb se jagāyā na intizār kiyā

ham is daf.a bhī chale aa.e chuum kar us ko

na KHwab hi se jagaya na intizar kiya

hum is dafa bhi chale aae chum kar us ko

maiñ use dekh ke lauTā huuñ to kyā dekhtā huuñ

shahr shahr mujhe dekhne aayā huā hai

main use dekh ke lauTa hun to kya dekhta hun

shahr ka shahr mujhe dekhne aaya hua hai

mujh se to dil bhī mohabbat meñ nahīñ ḳharch huā

tum to kahte the ki is kaam meñ ghar lagtā hai

mujh se to dil bhi mohabbat mein nahin KHarch hua

tum to kahte the ki is kaam mein ghar lagta hai

maiñ apne aap meñ gahrā utar gayā shāyad

mire safar se alag ho ga.ī ravānī mirī

main apne aap mein gahra utar gaya shayad

mere safar se alag ho gai rawani meri

ishq kar ke bhī khul nahīñ paayā

terā merā muāmla kyā hai

ishq kar ke bhi khul nahin paya

tera mera muamla kya hai

āñkhoñ tak aa sakī na kabhī āñsuoñ lahr

ye qāfila bhī naql-e-makānī meñ kho gayā

aankhon tak aa saki na kabhi aansuon ki lahr

ye qafila bhi naql-e-makani mein kho gaya

un āñkhoñ meñ kūdne vaalo tum ko itnā dhyān rahe

vo jhīleñ pāyāb haiñ lekin un tah pathrīlī hai

un aankhon mein kudne walo tum ko itna dhyan rahe

wo jhilen payab hain lekin un ki tah pathrili hai

vaqt lafzoñ se banā.ī huī chādar jaisā

oḌh letā huuñ to sab ḳhvāb hunar lagtā hai

waqt lafzon se banai hui chadar jaisa

oDh leta hun to sab KHwab hunar lagta hai

bhī ai shaḳhs kahāñ tak mujhe bardāsht kare

baar baar ek chehra nahīñ dekhā jaatā

tu bhi ai shaKHs kahan tak mujhe bardasht kare

bar bar ek hi chehra nahin dekha jata

ik mohabbat pe mauqūf nahīñ hai 'tābish'

kuchh baḌe faisle ho jaate haiñ nādānī meñ

ek mohabbat hi pe mauquf nahin hai 'tabish'

kuchh baDe faisle ho jate hain nadani mein

tirī mohabbat meñ gumrahī ajab nasha thā

ki tujh tak aate hue ḳhudā tak pahuñch ga.e haiñ

teri mohabbat mein gumrahi ka ajab nasha tha

ki tujh tak aate hue KHuda tak pahunch gae hain

abhī to ghar meñ na baiTheñ kaho buzurgoñ se

abhī to shahr ke bachche salām karte haiñ

abhi to ghar mein na baiThen kaho buzurgon se

abhi to shahr ke bachche salam karte hain

ye to ab ishq meñ lagne lagā hai kuchh kuchh

is taraf pahle-pahal gher ke laayā gayā maiñ

ye to ab ishq mein ji lagne laga hai kuchh kuchh

is taraf pahle-pahal gher ke laya gaya main

varna koī kab gāliyāñ detā hai kisī ko

ye us karam hai ki tujhe yaad rahā maiñ

warna koi kab galiyan deta hai kisi ko

ye us ka karam hai ki tujhe yaad raha main

pas-e-ġhubār bhī uḌtā ġhubār apnā thā

tire bahāne hameñ intizār apnā thā

pas-e-ghubar bhi uDta ghubar apna tha

tere bahane hamein intizar apna tha

raat kamre meñ na thā mere alāva koī

maiñ ne is ḳhauf se ḳhanjar na sirhāne rakkhā

raat kamre mein na tha mere alawa koi

main ne is KHauf se KHanjar na sirhane rakkha

phir is ke ba.ad ye bāzār-e-dil nahīñ lagnā

ḳharīd lījiye sāhib ġhulām āḳhirī hai

phir is ke baad ye bazar-e-dil nahin lagna

KHarid lijiye sahib ghulam aaKHiri hai

makīñ jab niiñd ke saa.e meñ sustāne lageñ 'tābish'

safar karte haiñ bastī ke makāñ āhista āhista

makin jab nind ke sae mein sustane lagen 'tabish'

safar karte hain basti ke makan aahista aahista

raat ko jab yaad aa.e terī ḳhushbu-e-qabā

tere qisse chheḌte haiñ raat raanī se ham

raat ko jab yaad aae teri KHushbu-e-qaba

tere qisse chheDte hain raat ki rani se hum

baiThe rahne se to lau dete nahīñ ye jism o jaañ

jugnuoñ chaal chaliye raushnī ban jā.iye

baiThe rahne se to lau dete nahin ye jism o jaan

jugnuon ki chaal chaliye raushni ban jaiye

ham juḌe rahte the ābād makānoñ tarah

ab ye bāteñ hameñ lagtī haiñ fasānoñ tarah

hum juDe rahte the aabaad makanon ki tarah

ab ye baaten hamein lagti hain fasanon ki tarah

maiñ ne pūchhā thā ki iz.hār nahīñ ho saktā

dil pukārā ki ḳhabar-dār nahīñ ho saktā

main ne puchha tha ki izhaar nahin ho sakta

dil pukara ki KHabar-dar nahin ho sakta

'tābish' jo guzartī nahīñ shaam had se

socheñ to vahīñ raat sahar-ḳhez bahut hai

'tabish' jo guzarti hi nahin sham ki had se

sochen to wahin raat sahar-KHez bahut hai

miltī nahīñ hai naav to darvesh tarah

ḳhud meñ utar ke paar utar jaanā chāhiye

milti nahin hai naw to darwesh ki tarah

KHud mein utar ke par utar jaana chahiye

hamāre jaise vahāñ kis shumār meñ hoñge

ki jis qatār meñ majnūñ naam āḳhirī hai

hamare jaise wahan kis shumar mein honge

ki jis qatar mein majnun ka nam aaKHiri hai

maiñ huuñ is shahr meñ tāḳhīr se aayā huā shaḳhs

mujh ko ik aur zamāne meñ baḌī der lagī

main hun is shahr mein taKHir se aaya hua shaKHs

mujh ko ek aur zamane mein baDi der lagi

mausam tumhāre saath jaane kidhar gayā

tum aa.e aur baur na aayā daraḳht par

mausam tumhaare sath ka jaane kidhar gaya

tum aae aur baur na aaya daraKHt par

kyuuñ na ai shaḳhs tujhe haath lagā kar dekhūñ

mire vahm se baḌh kar bhī to ho saktā hai

kyun na ai shaKHs tujhe hath laga kar dekhun

tu mere wahm se baDh kar bhi to ho sakta hai

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
Speak Now