Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "chatak"

Nazm MATCHES FOR "chatak"

Nazm

ek aarzu

duniyaa kii mahfilo.n se uktaa gayaa huu.n yaa rab
kyaa lutf anjuman kaa jab dil hii bujh gayaa ho
shorish se bhaagtaa huu.n dil Dhuu.nDtaa hai meraa
aisaa sukuut jis par taqriir bhii fidaa ho
martaa huu.n KHaamushii par ye aarzuu hai merii
daaman me.n koh ke ik chhoTaa saa jho.npa.Daa ho
aazaad fikr se huu.n uzlat me.n din guzaaruu.n
duniyaa ke Gam kaa dil se kaa.nTaa nikal gayaa ho
lazzat sarod kii ho chi.Diyo.n ke chahchaho.n me.n
chashme kii shorisho.n me.n baajaa saa baj rahaa ho
gul kii kalii chaTak kar paiGaam de kisii kaa
saaGar zaraa saa goyaa mujh ko jahaa.n-numaa ho
ho haath kaa sirhaanaa sabze kaa ho bichhaunaa
sharmaa.e jis se jalvat KHalvat me.n vo adaa ho
maanuus is qadar ho suurat se merii bulbul
nanhe se dil me.n us ke khaTkaa na kuchh miraa ho
saf baa.ndhe dono.n jaanib buuTe hare hare ho.n
naddii kaa saaf paanii tasviir le rahaa ho
ho dil-fareb aisaa kohsaar kaa nazaara
paanii bhii mauj ban kar uTh uTh ke dekhtaa ho
aaGosh me.n zamii.n kii soyaa hu.aa ho sabza
phir phir ke jhaa.Diyo.n me.n paanii chamak rahaa ho
paanii ko chhuu rahii ho jhuk jhuk ke gul kii Tahnii
jaise hasiin ko.ii aa.iina dekhtaa ho
meh.ndii lagaa.e suuraj jab shaam kii dulhan ko
surKHii liye sunahrii har phuul kii qabaa ho
raato.n ko chalne vaale rah jaa.e.n thak ke jis dam
ummiid un kii meraa TuuTaa hu.aa diyaa ho
bijlii chamak ke un ko kuTiyaa mirii dikhaa de
jab aasmaa.n pe har suu baadal ghiraa hu.aa ho
pichhle pahr kii koyal vo sub.h kii mo.azzin
mai.n us kaa ham-navaa huu.n vo merii ham-navaa ho
kaano.n pe ho na mere dair o haram kaa ehsaa.n
rauzan hii jho.npa.Dii kaa mujh ko sahar-numaa ho
phuulo.n ko aa.e jis dam shabnam vazuu karaane
ronaa miraa vazuu ho naala mirii du.aa ho
is KHaamushii me.n jaa.e.n itne buland naale
taaro.n ke qaafile ko merii sadaa diraa ho
har dardmand dil ko ronaa miraa rulaa de
behosh jo pa.De hai.n shaayad unhe.n jagaa de

Allama Iqbal
Nazm

mohabbat

uruus-e-shab kii zulfe.n thii.n abhii naa-aashnaa KHam se
sitaare aasmaa.n ke be-KHabar the lazzat-e-ram se
qamar apne libaas-e-nau me.n begaana saa lagtaa thaa
na thaa vaaqif abhii gardish ke aa.iin-e-musallam se
abhii imkaa.n ke zulmat-KHaane se ubhrii hii thii duniyaa
mazaaq-e-zindagii poshiida thaa pahnaa-e-aalam se
kamaal-e-nazm-e-hastii kii abhii thii ibtidaa goyaa
huvaidaa thii nagiine kii tamannaa chashm-e-KHaatam se
sunaa hai aalam-e-baalaa me.n ko.ii kiimiyaa-gar thaa
safaa thii jis kii KHaak-e-paa me.n ba.Dh kar saaGar-e-jam se
likhaa thaa arsh ke paa.e pe ik iksiir kaa nusKHa
chhupaate the farishte jis ko chashm-e-ruuh-e-aadam se
nigaahe.n taak me.n rahtii thii.n lekin kiimiyaa-gar kii
vo is nusKHe ko ba.Dh kar jaantaa thaa ism-e-aazam se
ba.Dhaa tasbiih-KHvaanii ke bahaane arsh kii jaanib
tamannaa-e-dilii aaKHir bar aa.ii sa.i-e-paiham se
phiraayaa fikr-e-ajzaa ne use maidaan-e-imkaa.n me.n
chhupegii kyaa ko.ii shai baargaah-e-haq ke mahram se
chamak taare se maa.ngii chaa.nd se daaG-e-jigar maa.ngaa
u.Daa.ii tiirgii tho.Dii sii shab kii zulf-e-barham se
ta.Dap bijlii se paa.ii huur se paakiizgii paa.ii
haraarat lii nafas-haa-e-masiih-e-ibn-e-maryam se
zaraa sii phir rubuubiyat se shaan-e-be-niyaazii lii
malak se aajizii uftaadgii taqdiir shabnam se
phir in ajzaa ko gholaa chashma-e-haivaa.n ke paanii me.n
murkkab ne mohabbat naam paayaa arsh-e-aazam se
muhavvis ne ye paanii hasti-e-nau-KHez par chhi.Dkaa
girah kholii hunar ne us ke goyaa kaar-e-aalam se
hu.ii jumbish ayaa.n zarro.n ne lutf-e-KHvaab ko chho.Daa
gale milne lage uTh uTh ke apne apne hamdam se
KHiraam-e-naaz paayaa aaftaabo.n ne sitaaro.n ne
chaTak Guncho.n ne paa.ii daaG paa.e laala-zaaro.n ne

Allama Iqbal
Nazm

apni malka-e-suKHan se

dariyaa kaa mo.D naGma-e-shiirii.n kaa zer-o-bam
chaadar shab-e-nujuum kii shabnam kaa raKHt-e-nam
titlii kaa naaz-e-raqs Gazaala kaa husn-e-ram
motii kii aab gul kii mahak maah-e-nau kaa KHam
in sab ke imtizaaj se paidaa hu.ii hai tuu
kitne hasii.n ufuq se huvaidaa hu.ii hai tuu

Josh Malihabadi
Nazm

barsat ki bahaaren

ja.ngal sab apne tan par hariyaalii saj rahe hai.n
gul phuul jhaa.D-buuTe kar apnii dhaj rahe hai.n
bijlii chamak rahii hai baadal garaj rahe hai.n
allaah ke naqaare naubat ke baj rahe hai.n
kyaa kyaa machii hai.n yaaro barsaat kii bahaare.n

Nazeer Akbarabadi
Nazm

aurat

taabish-e-KHurshiid nuur-e-maah paanii kii jhalak
KHanda-e-qulqul sadaa koyal kii Guncho.n kii chaTak

Shaad Aarfi
Nazm

qatl-e-aftab

chaTak rahii hai.n kahii.n tiirgii kii diivaare.n
lachak rahii hai.n kahii.n shaaKH-e-gul kii talvaare.n
sanak rahii hai kahii.n dasht-e-sar-kashii me.n havaa
chahak rahii hai kahii.n bulbul-e-bahaar-navaa
mahak rahaa hai vafaa ke chaman me.n dil kaa gulaab
chhalak rahii hai lab o aariz o nazar kii sharaab

Ali Sardar Jafri
Nazm

ajnabi lamhe

Dhalak jaataa hai ik ik pal pe sar se reshmii aa.nchal
kalaa.ii me.n sunahrii chuu.Diyaa.n khankaa.ii jaatii hai.n
chaTak uThtii ho.n jaise narm kaliyaa.n shaaKH-saaro.n par
hinaa.ii u.ngliyaa.n is naaz se chaTKHaa.ii jaatii hai.n

Qaisarul Jafri
Nazm

bulbul aur gulab

bulbul
ai rang bhare gulaab ke phuul
is shaan is aab-o-taab ke phuul
dilchasp bahut hai.n rang tere
hai.n mujh ko pasand Dhang tere
khiltaa hai jo tuu is anjuman me.n
lagtii hai ik aag sii chaman me.n
kyaa ye asar hai pankhu.Dii me.n
kaisii hai chaTak kalii kalii me.n
kis ne tujhe is-qadar sajaayaa
kis ne tujhe baaG me.n khilaayaa
kyo.n tujh me.n hai dilkashii ziyaada
kis mulk kaa tuu hai shaah-zaada

Seemab Akbarabadi
Nazm

bahaar ke din

aayaa hai bahaar kaa zamaana
baaGo.n ke nikhaar kaa zamaana
kaliyaa.n kyaa kyaa chaTak rahii hai.n
saarii raushe.n mahak rahii hai.n
halkii halkii ye un kii KHushbuu
phailii hu.ii hai chaman me.n har suu
chi.Diyaa.n gaatii hai.n giit pyaare
sunte hai.n chaman me.n phuul saare
shaaKHo.n kaa banaa liyaa hai jhuulaa
phuulo.n se ladaa hu.aa hai jhuulaa
ko.npal har ik hai kaisii pyaarii
sabzii me.n jhalak rahii hai surKHii
kitnii raahat-fazaa hu.aa hai
goyaa jannat kaa dar khulaa hai
KHush KHush har ek aadmii hai
har shai me.n balaa kii dilkashii hai
ye sub.h kaa dil-fareb manzar
ye shaam kaa husn ruuh-parvar
ye raat ko chaa.ndnii kaa aalam
allaah re be-KHudii kaa aalam
kaisii dilchasp chaa.ndnii hai
chaadar ik nuur kii tanii hai
har dil me.n uma.ng kis qadar hai
sab par hii bahaar kaa asar hai
sa.Dko.n pe jo log jaa rahe hai.n
Gazle.n 'afsar' kii gaar rahe hai.n

Hamidullah Afsar
Nazm

shirkat-e-mahfil

tuu hamesha rahtaa hai chii.n-bar-jabii.n afsurda dil
phir kisii kii bazm-e-ishrat me.n na jaa bahr-e-KHudaa
KHud hii apnii jaan se be-zaar tuu insaaf kar
tujh se ahl-e-bazm phir kis tarah KHush ho.nge bhalaa
chaahiye is tarah jaanaa mahfil-e-ahbaab me.n
baaG me.n jis tarah KHush KHush aatii hai baad-e-sabaa
KHair-maqdam kaa ishaara jhuum kar kartii hai shaaKH
aur chaTak kar detii hai.n kaliyaa.n sadaa-e-marhabaa
jis shajar ke paas se guzre lagaa vo jhuumne
pahu.nche jis Gunche tak afsurda thaa vo ha.nsne lagaa
dil pe jo guzre vo guzre kyuu.n kisii ko ho KHabar
sab se ba.Dh kar hai KHudaa tuu haal dil kaa jaantaa
shaadii-o-Gam jab ki dono.n hai.n jahaa.n me.n be-sabaat
vaqt apnaa kaaT de ha.ns bol kar bahr-e-KHudaa

Nazm Tabatabai
Nazm

chali aana agar tum tak meri aawaz ja pahunche

ye raushan sub.h ye miiThe suro.n me.n panchhiyo.n ke gaan
kisii kamsin kii dastak se uThii ye nuupuro.n kii taan
chaTak phuulo.n kii rang-o-buu pe iThlaate hu.e daalaan
ha.nse.n hai.n par tumhaare bin mere jii ko nahii.n bhaate
phir ab kii baar zaa.e.a ho na jaa.e sardiyo.n kii dhuup
ye sub.h-o-shaam puujaa archanaa ye mandiro.n kii dhuup
kisii dil me.n tuluu.a hotii hu.ii ye hasrato.n kii dhuup
nigal jaa.e na ko.ii shaam-e-Gam a.ng.Daa.iyaa.n bhar ke
zamaana ke sataa.e duur se aa.e hu.e hai.n ham
mere KHvaabo.n kii malika aashnaa tum se nahii.n ye Gam
jo tum milne chalii aa.o mahak uTThe.n ye do aalam
qasam hai tum ko aa jaanaa tumhe.n chaahe jahaa.n roke
chalii aanaa agar tum tak mirii aavaaz jaa pahu.nche

Pushp Raj yadav
Nazm

rawi kinare

mast havaa jab saavan kii a.ng.Daa.ii le kar aatii hai
aur falak par kaalii kaalii badlii jab chhaa jaatii hai
chham-chham chham-chham nannhii buu.nde.n iThlaa kar jab aatii hai.n
prem kii halkii taano.n me.n raavii kii lahre.n gaatii hai.n
bhiige bhiige saavan me.n jab koyal kuuk sunaatii hai
paa.el kii jhankaaro.n kii jab dhiimii aahaT aatii hai
us vaqt kinaare raavii ke ik dilkash manzar hotaa hai
pichhle pahar jab dhiimii dhiimii ThanDii havaa.e.n aatii hai.n
gaa.nv kii sundar aa.nkho.n vaalii paanii bharne jaatii hai.n
prem ke mandir me.n ga.ngaa-jal ko.ii cha.Dhaane jaatii hai
devii ke charno.n me.n ko.ii miiThe bol sunaatii hai
raavii kii lahro.n me.n chhup kar murlii ko.ii bajaataa hai
ja.ngal kii KHaamosh fazaa me.n amrit-ras barsaataa hai
us vaqt kinaare raavii ke ik dilkash manzar hotaa hai
sabza phuul pataavar Gunche aur naGme so jaate hai.n
dhartii par aakaash se jab ma.asuum farishte aate hai.n
shaam hu.ii mandir me.n dekho ghanTe log bajaate hai.n
raat hu.ii bailo.n ko le kar harvaahe ab jaate hai.n
halkii halkii buu.ndo.n me.n jab duniyaa saavan gaatii hai
harii-bharii shaaKHo.n me.n chhup kar koyal kuuk sunaatii hai
kuchh din ke bichh.De hu.e saathii ha.ns ke gale jab milte hai.n
chaa.ndnii raato.n me.n Gunche jab chaTak chaTak kar khilte hai.n
us vaqt kinaare raavii ke ik dilkash manzar hotaa hai

Jauhar Nizami
Nazm

april bahaar ka istiqbaal karta hai

faroG-e-shaadaabii-e-chaman ko mahaktii miTTii se phuuT niklaa hai narm sabza
hariis-e-taKHliiq nam zamii.n ne gulo.n se daaman udaas belo.n ke bhar diye hai.n
ajiib rut hai! ki buu.Dhii shaaKHo.n me.n saa.ns letaa hai sabz jauban
KHayaalo.n, KHvaabo.n kii rahguzar par chaTak rahii hai.n hazaar kaliyaa.n
nigaah-e-dil ke gaziida goshe rahiin-e-nik.hat
fazaa kii poro.n me.n jaag uTThii hai bhiinii KHushbuu, havaa ke haatho.n me.n raushnii ke ja.Daav ka.ngan
havaa ke pairo.n me.n raqs karne lage hai.n ghu.ngruu
parinde ra.ngiin shaam o.Dhe shafaq kii surKHii se khelte hai.n
damakte paanii me.n Gusl karte hai.n chaa.nd taare
nahaatii kaliyo.n kii be-libaasii ko kitnii hairat se dekhtaa hai
nafiis patto.n kii shaal o.Dhe ghaneraa ja.ngal
gulaab ke surKH pairahan par, safed phuulo.n kii pattiyo.n par!
samaa.at-e-shab me.n sabt kartii hai os yuu.n jal-tara.ng naGme
ki giit vo jo azal se be-kal fazaa me.n gum the
utarne lagte hai.n dha.Dkano.n kii hasiin lai par, mohabbato.n ke amiin ban kar
milan kii aisii sabiih rut me.n husn detaa aap dastak
tumhaare dar par...

Naina Adil
Nazm

sal-e-nau

har samt kyo.n jahaa.n me.n phailii hu.ii KHushii hai
har shai pe aaj bachcho kaisii ye taazgii hai
aamad kaa sub.h kis kii paiGaam de rahii hai
tum jaante nahii.n to lo ham bataa rahe hai.n
sab saal-e-nau kii bachcho KHushiyaa.n manaa rahe hai.n
har shai me.n dilkashii hai har shai me.n baa.nkpan hai
har shaKHs aaj dekho masruur hai magan hai
har piir shaadmaa.n hai har tifl KHanda-zan hai
kuchh log ha.ns rahe hai.n kuchh muskuraa rahe hai.n
sab saal-e-nau kii bachcho KHushiyaa.n manaa rahe hai.n
kaliyaa.n bhii khil uThii hai.n kaisii chaTak chaTak kar
aapas me.n kheltii hai.n shaaKHe.n lachak lachak kar
KHush-aamdiid bole.n chi.Diyaa.n chahak chahak kar
KHushiyo.n me.n gum papiihe sab Gul machaa rahe hai.n
sab saal-e-nau kii bachcho KHushiyaa.n manaa rahe hai.n
maidaa.n me.n aaj maKHmal phailii hu.ii hai har suu
gulshan me.n aaj kaisii mahkii hu.ii hai KHushbuu
sahraa me.n ghuumte hai.n KHush ho ke aaj aahuu
pur-kaif ye manaazir dil ko lubhaa rahe hai.n
sab saal-e-nau kii bachcho KHushiyaa.n manaa rahe hai.n

Murtaza Sahil Tasleemi
Nazm

barsat

barsaat kaa hai mausam saamaa.n hai.n zindagii ke
kaliyaa.n chaTak rahii hai.n manzar hai.n dilkashii ke
ja.ngal hare bhare hai.n gul bhii mahak rahe hai.n
hai.n mast sab papiihe pii kii sharaab pii ke
charvaahaa gaa rahaa hai bansii bajaa rahaa hai
sabze pe lauTtaa hai aalam me.n ik KHushii ke
baadal ghire hu.e hai.n raqsaa.n hai.n bijliyaa.n bhii
chhi.D jaa.e.n saaz-e-ishrat ho.n daur mai-kashii ke
sargarm-e-naaz ko.ii vaqf-e-niyaaz ko.ii
hai.n josh par uma.nge.n charche hai.n aashiqii ke

Ameer Aurangabadi
Nazm

sukut-e-shab

fazaa-e-ziist pe chhaa.ii hai kaisii KHaamoshii
na ko.ii shor na shevan na girya-o-zaarii
na ko.ii shikva-ba-lab hai na ko.ii fariyaadii
na ko.ii dard kaa qissa na ko.ii zikr-e-alam
na siskiyo.n kaa ko.ii irti.aash zholiida
na duud-e-aah-o-fuGaa.n kii ko.ii giraa.nbaarii
na ko.ii harf-e-alam hai na isti.aara-e-Gam
na ko.ii qatra-e-KHuu.n hai siyaahii-e-qirtaas
sitam-kasho.n pe hai taarii ajiib aalam-e-yaas
nahii.n hai.n aish ke naGme to Gam ke giit sahii
kisii ke halqa-e-zanjiir hii ke saaz baje.n
kisii kaa zaKHm-e-jigar hii chaTak ke de aavaaz
kahii.n se dil ke dha.Dakne hii kii sadaa aa.e
rafiiqo kuchh to karo arz-e-haal kaa saamaa.n
kisii tarah to ko.ii dil-figaar le phuuTe
kisii tarah to fusuun-e-sukuut-e-shab TuuTe

Azhar Qadiri
Nazm

jashn-e-jamhuriyat

dharii hu.ii hai.n baaG me.n idhar-udhar suraahiyaa.n
chhalak rahe hai.n jaam-e-mai ba-faiz-e-saaqii-e-javaa.n
chale hai.n bahr-e-mai-kashii shuyuuKH bhii ravaa.n-davaa.n
zabaan-e-barg-e-gul pe hai ye naara-e-tarb-nishaa.n

Arsh Malsiyani
Nazm

wo shahr ab bhi usi jagah hai

vo shahr ab bhii usii jagah hai
vo saare manzar abhii unhii.n chaukhaTo.n me.n jaise ja.De hu.e hai.n
ga.e zamaane bhii jaise aa.nkho.n ke saamne aa kha.De hu.e hai.n
vahii gulaabii sii dhuup diivaar-o-dar ko rangii.n banaa rahii hai
khulii chhato.n par
vahii ru-pahlii sii chaa.ndnii giit gaa rahii hai
kushaada dil aa.ngano.n me.n ab bhii
nashaat-e-ehsaas ke shaguufe chaTak rahe hai.n
kahii.n sajii hai KHud apne hii saa.ebaa.n ke niiche
qaraar-e-qalb-o-nazar kii mahfil
kahii.n pa.Dosii ke ghar kaa naGma sukuu.n kii sauGaat baa.nTtaa hai
kahii.n jharoko.n se jhaa.nktaa hai kisii kaa pindaar-e-KHud-numaa.ii
kahii.n mu.nDere.n phalaa.ngtaa hai kisii kaa ehsaas-e-naa-rasaa.ii
vahii jharoke vahii mu.nDere.n buland-o-baalaa vahii manaare
aur un manaro.n pe par sukhaate
kabuutaraan-e-haram vahii hai.n
azaa.n kii aavaaz sun ke masjid kii samt uThte qadam vahii hai.n
abhii vahii aasmaan un kii zamii.n pe saaya kiye hu.e hai
abhii vahaa.n apne nek bando.n kii qismato.n kii
KHudaa zamaanat liye hu.e hai
vo shahr ab bhii usii jagah hai
vo log ab bhii usii tarah
ek duusre ke Gamo.n se vaaqif masarrato.n se bhii baa-KHabar hai.n
vo aashnaa manzilo.n ke raahii hai.n
jaada-e-shab pe sadiyo.n se ham-safar hai.n
vo jaante hai.n
ki is shab-o-roz kii masaafat kaa mudda'aa kyaa ma.aal kyaa hai
vo jaante hai.n
ki kaun kis marhale pe kyaa sochtaa hai
kis kaa KHayaal kyaa hai
vo KHud ko pahchaante hai.n
apnii hado.n ko bhii jaante hai.n
apnii hado.n me.n rah kar hii jii rahe hai.n
janam janam se sukhii rahe hai.n

Makhmoor Saeedi
Nazm

tum magar na aae

chaTak ga.e hai.n Gunche
khil ga.e hai.n gul
bhau.nre ma.nDlaa.e hu.e
phuulo.n se kartii hai sabaa aTkheliyaa.n
dil baaGbaa.n kaa hai baaG baaG
tum magar na aa.e tum magar na aa.e
pyaasaa hai man
jal rahaa hai tan-badan
kalii ummiid kii murjhaa rahii hai ab to
bin piye barsaat jaa rahii ab to
ho ho ke aahaTe.n ho ga.ii.n band
pyaasaa hai man jal rahaa hai tan-badan
tum magar na aa.e tum magar na aa.e

Firoza Yasmeen
Nazm

bund ki chah

hai chaah giruu.n siidhe mukh me.n
chaatak se prem divaano.n ke

Sada Ambalvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now