Search result for "daur-e-azmat-e-maryam" | Category - Nazm, Page

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "daur-e-azmat-e-maryam"

Nazm MATCHES FOR "daur-e-azmat-e-maryam"

Nazm

dasahra

hai dasahraa yaadgaar-e-azmat-e-hindostaa.n
hindu.o.n kii ik qadiimii fat.h-o-nusrat kaa nishaa.n
ik miTii sii ye nishaanii daulat-o-iqbaal kii
yaad dilvaatii hai un ayyaam-e-farruKH-faal kii
jab ki thii ham me.n bhii aise zor-o-taaqat kii numuud
hech thii diivaan ro.e.n tan kii jis se hast-o-buud
jab akele uTh kha.De hote the ham bahar-e-nabard
aur kar dete the apne dushmano.n ko gard gard
dil me.n himmat haath me.n apne faqat shor-e-al-amaa.n
baa.ndh kar vo pul samundar ko kiyaa ham ne ubuur
jis ko hairaa.n dekh kar hai.n aaj bhii ahl-e-shu.uur
fauj-e-raavan laa-ta.ad thii reg-e-sahraa kii tarah
aur uma.nD aa.ii thii vaqt-e-jang dariyaa kii tarah
raavan-e-KHu.nKHaar aur vo koh-paikar is ke dev
jin kii KHuu.n-KHvaarii kaa thaa saare zamaane me.n Gariiv
qila vo lanka kaa jo naa-qaabiluttasKHiir thaa
jis pe naazaa.n apne dil me.n raavan-e-be-piir thaa
the tilaa.ii burj jis ke aur murassaa baam-o-dar
jin kii choTii par na pahu.nche ko.ii murG-e-tez-par
sauda-e-laal-o-zamurrad thii vahaa.n kii KHaak bhii
ik tilism aisaa ki qaasir thaa jahaa.n aur ik bhii
ham ne aise dushmano.n par fat.h paa.ii thii kabhii
apne hisse me.n bhii ye mojiz-numaa.ii thii kabhii
aaj vo din hai ki ham us yaad ko taaza kare.n
ruu-e-zebaa-e-uruus-e-fat.h pur Gaaza kare.n
mil ke gaa.e.n raam ke gun dil me.n ho josh-e-suruur
qalb-e-saafii maKHzan-e-vahdat ho siina rashk-e-tuur
ye dasahraa ashra-e-ishrat hai apne vaaste
KHaaliq-e-kaunain kii ne.amat hai apne vaaste

Munshi Naubat Rai Nazar Lakhnavi

Nazm

mahatma gandhi

maqaam-e-azmat-e-insaa.n ko tuu ne faash kiyaa
jumuud-basta Gulaamii ko paash-paash kiyaa
hayaat-e-sub.h-e-mohabbat ke nuur me.n gum hai
ajiib chiiz tiraa dil-kushaa tabassum hai
ye jabr-o-qahr ke bande ye shor-o-shar ke Gulaam
na paa sake.nge tirii zindagii kii ramz-e-davaam
diyaa hai sulh-o-musaavaat kaa sabaq tuu ne
ataa kiyaa hai junuu.n ko nayaa ufuq tuu ne
fanaa-kade ko banaayaa hai jannat-e-gul-posh
ravaa.n-davaa.n hai.n jahaa.n niil-o-gang dosh-ba-dosh
ye mo.ajiza hai tire zauq-e-taaza-kaarii kaa
ki sar-niguu.n hai far-o-faal shahryaarii kaa
nahii.n hai tere sivaa ko.ii raazdaan-e-vatan
tujhii se faa.ez-e-manzil hai kaarvaan-e-vatan
vafaa ke raag mohabbat kii aag le ke gayaa
tuu apne saath vatan kaa suhaag le ke gayaa
sitam se ruuh-e-sadaaqat kabhii na haaregii
nigaah-e-ishq tujhe taa-abad pukaaregii

Afsar Seemabi Ahmad Nagari

Nazm

subhash-chandr-bos bahadur-shah-zafar ke mazar par

assalaam ai azmat-e-hindostaa.n kii yaadgaar
ai shahanshaah-e-dayaar-e-dil faqiir-e-be-dayaar

Jagan Nath Azad

Nazm

ek minar gira

'azmat-e-aadam-e-KHaakii kaa parastaar giraa
ek miinaar giraa
jis kii tanviir ne zarro.n ko 'ataa kii taabish
jis kii taqriir ne to.Daa hai tilism-e-zar-o-siim
jis kii tahriir ne ik KHvaab bunaa KHvaab-e-sahar
jis kii taa'biir me.n ik qaum uThii qaum-e-'aziim
vahii sardaar vahii qaafila-saalaar giraa
ek miinaar giraa
jis ne farsuuda rivaayaat ke aivaano.n me.n
mehnat-o-jashn-e-musaavaat ke parcham lahraa.e
jabr-o-bedaad-o-Gulaamii ke siyah-KHaano.n me.n
taabish-e-hurriyat-e-fikr ke faanuus jalaa.e
paikar-e-nuur nahii.n KHaaliq-e-anvaar giraa
ek miinaar giraa
jis ne auhaam pe daanish kii kamande.n Daalii.n
jis kii aavaaz pe tuufaan biphar jaate the
naazii afvaaj ke sailaab ko mo.Daa jis ne
Gaiz se jis ke shahanshaah bhii tharraate the
amn kaa koh-e-giraa.n sulh kaa shahkaar giraa
ek miinaar giraa
apne haatho.n me.n liye raKHsh-e-baGaavat kii 'inaa.n
uThaa aa.ndhii kii tarah abr kii suurat barsaa
ab ko.ii puuje na puuje ye likhaa jaa.egaa
amn-o-insaaf o musaavaat kaa vo devtaa thaa
de ke manzil kaa nishaa.n kaarvaa.n-saalaar giraa
ek miinaar giraa

Qamar Raees

Nazm

KHwabon KHayalon ki apsara

ye mere KHvaabo.n-KHayaalo.n kii apsaraa jis me.n
nigaah-e-fikr-o-amal tiir kii kamaa.n kii tarah
magar vatan bhii chhuTaa 'daur' dil kii dil me.n rahii
ye bamba.ii bhii na ho KHvaab-e-diigaraa.n kii tarah

Daur Afridi

Nazm

naqsh-e-faryaadi

vo udaasii ki huuro.n ko afsos ho
ho.n farishte bhii aisii fazaa me.n KHajil
aur kis kis ko ai 'daur' ilzaam duu.n
kuchh pasiijaa to hogaa KHudaa kaa bhii dil

Daur Afridi

Nazm

ujale ki lakir

vaqt kii gard chhaTegii to ba-unvaan-e-sahar
manzil-e-shauq kii raaho.n kaa ta.ayyun hogaa
ik na.e daur kii ta.amiir kare.nge ham sab
chaa.nd taaro.n se sajaa apnaa nasheman hogaa

Noor -e-Shama Noor

Nazm

ahl-e-junun

ham vahii ahl-e-junuu.n ahl-e-vafaa saahib-dil
ham ki har daur me.n auraaq-e-zamaana ke amii.n
vo lahuu apne hii maathe se bahaa hai jis se
aaj diivaar-e-KHirad kii hai lahuu-rang jabii.n

Noor -e-Shama Noor

Nazm

aazadi ke baad

ek paiGaam-e-'amal ye vaqt kii raftaar hai
dahr me.n raaz-e-taraqqii 'azmat-e-kirdaar hai

Azmat Abdul Qayyum Khan

Nazm

hum log

KHuluus-e-kaar se miltii hai zindagii 'azmat'
KHuluus-e-kaar ko rahbar banaa.e.nge ham log

Azmat Abdul Qayyum Khan

Nazm

ba-shart-e-ustuwari

lekin ai azmat-e-insaa.n ke sunahre KHvaabo
mai.n kisii taaj kii satvat kaa parastaar nahii.n

Sahir Ludhianvi

Nazm

ibn-e-maryam

tum KHudaa ho
KHudaa ke beTe ho
yaa faqat amn ke payambar ho
yaa kisii kaa hasii.n taKHayyul ho
jo bhii ho mujh ko achchhe lagte ho
mujh ko sachche lagte ho
us sitaare me.n jis me.n sadiyo.n ke
jhuuT aur kizb kaa a.ndheraa hai
us sitaare me.n jis ko har ruKH se
re.ngtii sarhado.n ne gheraa hai
us sitaare me.n jis kii aabaadii
amn botii hai ja.ng kaaTtii hai
raat piitii hai nuur mukh.Do.n kaa
sub.h siino.n kaa KHuun chaaTtii hai
tum na hote to jaane kyaa hotaa
tum na hote to us sitaare me.n
devtaa raakshash Gulaam imaam
paarsaa ri.nd raahbar rahzan
barhaman shaiKH paadrii, bhikshuu
sabhii hote magar hamaare liye
kaun cha.Dhtaa KHushii se suulii par

Kaifi Azmi

Nazm

rah-e-watan mein

rah-e-vatan me.n qadam se qadam milaa ke chalo
nishaan-e-azmat-e-hindostaa.n uThaa ke chalo
rah-e-vatan me.n qadam se qadam milaa ke chalo

Jafar Malihabadi

Nazm

sarsayyad ke mazar par

ye bazm-e-KHvaab-e-sarsayyad ye naqsh-e-azmat-e-rafta
mai-e-iisaar se labrez hai ik jaam-e-nuuraanii

Mohammad Sadiq Zia

Nazm

nura

vo nau-KHez nuuraa vo ik bint-e-maryam
vo maKHmuur aa.nkhe.n vo gesu-e-pur-KHam
vo arz-e-kaliisaa kii ik maah-paara
vo dair-o-haram ke liye ik sharaara
vo firdaus-e-maryam kaa ik Guncha-e-tar
vo tasliis kii duKHtar-e-nek-aKHtar
vo ik nurse thii chaara-gar jis ko kahiye
madaavaa-e-dard-e-jigar jis ko kahiye
javaanii se tiflii gale mil rahii thii
havaa chal rahii thii kalii khil rahii thii
vo pur-ro.ab tevar vo shaadaab chehra
mataa-e-javaanii pe fitrat kaa pahra
mirii hukmaraanii hai ahl-e-zamii.n par
ye tahriir thaa saaf us kii jabii.n par
safed aur shaffaaf kap.De pahan kar
mire paas aatii thii ik huur ban kar
vo ik aasmaanii farishta thii goyaa
ki andaaz thaa us me.n jibra.iil kaa saa
vo ik marmarii.n huur KHuld-e-barii.n kii
vo ta.abiir aazar ke KHvaab-e-hasii.n kii
vo taskiin-e-dil thii sukuun-e-nazar thii
nigaar-e-shafaq thii jamaal-e-nazar thii
vo sho.ala vo bijlii vo jalva vo partav
sulaimaa.n kii vo ik kaniiz-e-subuk-rau
kabhii us kii shoKHii me.n sanjiidgii thii
kabhii us kii sanjiidgii me.n bhii shoKHii
gha.Dii chup gha.Dii karne lagtii thii baate.n
sirhaane mire kaaT detii thii raate.n
ajab chiiz thii vo ajab raaz thii vo
kabhii soz thii vo kabhii saaz thii vo
naqaahat ke aalam me.n jab aa.nkh uThtii
nazar mujh ko aatii mohabbat kii devii
vo us vaqt ik paikar-e-nuur hotii
taKHayyul kii parvaaz se duur hotii
ha.nsaatii thii mujh ko sulaatii thii mujh ko
davaa apne haatho.n se mujh ko pilaatii
ab achchhe ho har roz muzhda sunaatii
sirhaane mire ek din sar jhukaa.e
vo baiThii thii takiye pe kuhnii Tikaa.e
KHayaalaat-e-paiham me.n kho.ii hu.ii sii
na jaagii hu.ii sii na so.ii hu.ii sii
jhapaktii hu.ii baar baar us kii palke.n
jabii.n par shikan be-qaraar us kii palke.n
vo aa.nkho.n ke saaGar chhalakte hu.e se
vo aariz ke sho.ale bha.Dakte hu.e se
labo.n me.n thaa la.al-o-gohar kaa KHazaana
nazar aarifaana adaa raahibaana
mahak gesu.o.n se chalii aa rahii thii
mire har nafas me.n basii jaa rahii thii
mujhe leTe leTe sharaarat kii suujhii
jo suujhii bhii to kis qayaamat kii suujhii
zaraa ba.Dh ke kuchh aur gardan jhukaa lii
lab-e-la.al-e-afshaa.n se ik shai churaa lii
vo shai jis ko ab kyaa kahuu.n kyaa samajhiye
behisht-e-javaanii kaa tohfa samajhiye
sharaab-e-mohabbat kaa ik jaam-e-ra.ngii.n
subuu-zaar-e-fitrat kaa ik jaam-e-ra.ngii.n
mai.n samjhaa thaa shaayad biga.D jaa.egii vo
havaa.o.n se la.Dtii hai la.D jaa.egii vo
mai.n dekhuu.ngaa us ke bipharne kaa aalam
javaanii kaa Gussa bikharne kaa aalam
idhar dil me.n ik shor-e-mahshar bapaa thaa
magar us taraf rang hii duusraa thaa
ha.nsii aur ha.nsii is tarah khilkhilaa kar
ki sham-e-hayaa rah ga.ii jhilmilaa kar
nahii.n jaantii hai miraa naam tak vo
magar bhej detii hai paiGaam tak vo
ye paiGaam aate hii rahte hai.n akasr
ki kis roz aa.oge biimaar ho kar

Asrarul Haq Majaz

Nazm

chhabbis january

ye daur-e-nau-mubaarak farKHanda-aKHtarii kaa
jamhuuriyat kaa aaGaaz anjaam qaisarii kaa
kyaa jaa.n-fazaa hai jalva KHurshiid-e-KHaavarii kaa
har ik shu.aa-e-raqsaa.n misra.a hai anvarii kaa
roz-e-sa.iid aayaa chhabbiis january kaa
daur-e-jadiid laayaa bhaarat kii bartarii kaa

Tilok Chand Mahroom

Nazm

pahli kiran

ko.ii mujh ko daur-e-zamaan-o-makaa.n se nikalne kii suurat bataa do
ko.ii ye sujhaa do ki haasil hai kyaa hastii-e-raa.egaa.n se
ki Gairo.n kii tahziib kii ustuvaarii kii KHaatir
abas ban rahaa hai hamaaraa lahuu momyaa.ii
mai.n us qaum kaa fard huu.n jis ke hisse me.n mehnat hii mehnat hai naan-e-shabiina nahii.n hai
aur is par bhii ye qaum dil shaad hai shaukat-e-baastaa.n se
aur ab bhii hai ummiid-e-fardaa kisii saahir-e-be-nishaa.n se
mirii jaa.n shab-o-roz kii is mashaqqat se ta.ng aa gayaa huu.n
mai.n is KHisht-kobii se uktaa gayaa huu.n
kahaa.n hai.n vo duniyaa kii taz.iin kii aarzuu.e.n
jinho.n ne tujhe mujh se vaabasta-tar kar diyaa thaa
tirii chhaatiyo.n kii juu-e-shiir kyuu.n zahr kaa ik samundar na ban jaa.e
jise pii ke so jaa.e nannhii sii jaa.n
jo ik chhipkilii ban ke chimTii hu.ii hai tere siina-e-meharbaa.n se
jo vaaqif nahii.n tere dard-e-nihaa.n se
ise bhii to zillat kii paabandagii ke liye aala-e-kaar ban.naa pa.Degaa
bahut hai ki ham apne aabaa kii aasuuda-koshii kii paadaash me.n
aaj be-dast-o-paa hai.n
is aa.inda naslo.n kii zanjiir-e-paa ko to ham to.D Daale.n
magar ai mirii tiira raato.n kii saathii
ye shahnaa.iyaa.n sun rahii ho
ye shaayad kisii ne masarrat kii pahlii kiran dekh paa.ii
nahii.n is dariiche ke baahar to jhaa.nko
KHudaa kaa janaaza liye jaa rahe hai.n farishte
usii saahir-e-be-nishaa.n kaa
jo maGrib kaa aaqaa thaa mashriq kaa aaqaa nahii.n thaa
ye insaan kii bartarii ke na.e daur ke shaadyaane hai.n sun lo
yahii hai na.e daur kaa partav-e-avvalii.n bhii
uTho aur ham bhii zamaane kii taaza vilaadat ke is jashn me.n
mil ke dhuume.n machaa.e.n
shu.aa.o.n ke tuufaan me.n be-mahaabaa nahaa.e.n

Noon Meem Rashid

Nazm

main kaun hun

kis se puuchhuu.n saliib-o-daar kaa raaz
azmat-e-jaam-e-zahr kaun bataa.e

Muslim Shameem

Nazm

shahzade

zehn me.n azmat-e-ajdaad ke qisse le kar
apne taariik gharo.ndo.n ke KHalaa me.n kho jaa.o
marmarii.n KHvaabo.n kii pariyo.n se lipaT kar so jaa.o
abr paaro.n pe chalo, chaa.nd sitaaro.n me.n u.Do
yahii ajdaad se virse me.n milaa hai tum ko
duur maGrib kii fazaa.o.n me.n dahaktii hu.ii aag
ahl-e-sarmaaya kii aavezish-e-baaham na sahii
ja.ng-e-sarmaaya o mehnat hii sahii
duur maGrib me.n hai mashriq kii fazaa me.n to nahii.n
tum ko maGrib ke bakhe.Do.n se bhalaa kyaa lenaa?
tiirgii KHatm hu.ii surKH shu.aa.e.n phailii.n
duur maGrib kii fazaa.o.n me.n taraane guu.nje
fat.h-e-jamhuur ke insaaf ke aazaadii ke
saahil-e-sharq pe gaiso.n kaa dhu.aa.n chhaane lagaa
aag barsaane lage ajnabii topo.n ke dahan
KHvaab-gaaho.n kii chhate.n girne lagii.n
apne bistar se uTho
na.e aaqaa.o.n kii ta.aziim karo
aur phir apne gharo.ndo.n ke KHalaa me.n kho jaa.o
tum bahut der bahut der talak so.e rahe

Sahir Ludhianvi

Nazm

baatin

daur-e-haazir ke tum
ek sharminda insaan ho

Javed Nasir

Load More

Search

ENG

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

Speak Now