فراق_یار نے بے_چین مجھ کو رات بھر رکھا کبھی تکیہ ادھر رکھا کبھی تکیہ ادھر رکھا

وصل کا دن اور اتنا مختصر دن گنے جاتے تھے اس دن کے لیے

مانی ہیں میں نے سیکڑوں باتیں تمام عمر آج آپ ایک بات میری مان جائیے

تم کو آتا ہے پیار پر غصہ مجھ کو غصے پہ پیار آتا ہے

کہتے ہو کہ ہم_درد کسی کا نہیں سنتے میں نے تو رقیبوں سے سنا اور ہی کچھ ہے

کسی رئیس کی محفل کا ذکر ہی کیا ہے خدا کے گھر بھی نہ جائیں_گے بن بلائے ہوئے

اس کی حسرت ہے جسے دل سے مٹا بھی نہ سکوں ڈھونڈنے اس کو چلا ہوں جسے پا بھی نہ سکوں ڈال کے خاک میرے خون پہ قاتل نے کہا کچھ یہ مہندی نہیں میری کہ چھپا بھی نہ سکوں ضبط کمبخت نے یاں آ کے گلا گھونٹا ہے کہ اسے حال سناؤں تو سنا بھی نہ سکوں نقش_پا دیکھ تو لوں لاکھ کروں_گا سجدے سر مرا عرش نہیں ہے جو جھکا بھی نہ سکوں بے_وفا لکھتے ہیں وہ اپنے قلم سے مجھ کو یہ وہ قسمت کا لکھا ہے جو مٹا بھی نہ سکوں اس طرح سوئے ہیں سر رکھ کے مرے زانو پر اپنی سوئی ہوئی قسمت کو جگا بھی نہ سکوں

ہنس کے فرماتے ہیں وہ دیکھ کے حالت میری کیوں تم آسان سمجھتے تھے محبت میری

الفت میں برابر ہے وفا ہو کہ جفا ہو ہر بات میں لذت ہے اگر دل میں مزا ہو

گاہے گاہے کی ملاقات ہی اچھی ہے امیرؔ قدر کھو دیتا ہے ہر روز کا آنا جانا