aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Athar Nafees's Photo'

اطہر نفیس

1933 - 1980 | کراچی, پاکستان

نئی غزل کے ممتاز پاکستانی شاعر۔ اپنی غزل ’وہ عشق جو ہم سے روٹھ گیا۔۔۔۔۔‘ کے لئے مشہور جسے کئی گلوکاروں نے آواز دی ہے

نئی غزل کے ممتاز پاکستانی شاعر۔ اپنی غزل ’وہ عشق جو ہم سے روٹھ گیا۔۔۔۔۔‘ کے لئے مشہور جسے کئی گلوکاروں نے آواز دی ہے

اطہر نفیس کے اشعار

7K
Favorite

باعتبار

کبھی سایہ ہے کبھی دھوپ مقدر میرا

ہوتا رہتا ہے یوں ہی قرض برابر میرا

دروازہ کھلا ہے کہ کوئی لوٹ نہ جائے

اور اس کے لیے جو کبھی آیا نہ گیا ہو

ہمارے عشق میں رسوا ہوئے تم

مگر ہم تو تماشا ہو گئے ہیں

اے مجھ کو فریب دینے والے

میں تجھ پہ یقین کر چکا ہوں

اک شکل ہمیں پھر بھائی ہے اک صورت دل میں سمائی ہے

ہم آج بہت سرشار سہی پر اگلا موڑ جدائی ہے

خوابوں کے افق پر ترا چہرہ ہو ہمیشہ

اور میں اسی چہرے سے نئے خواب سجاؤں

بہت چھوٹے ہیں مجھ سے میرے دشمن

جو میرا دوست ہے مجھ سے بڑا ہے

یہ دھوپ تو ہر رخ سے پریشاں کرے گی

کیوں ڈھونڈ رہے ہو کسی دیوار کا سایہ

اتنے دن کے بعد تو آیا ہے آج

سوچتا ہوں کس طرح تجھ سے ملوں

لمحوں کے عذاب سہ رہا ہوں

میں اپنے وجود کی سزا ہوں

اک آگ غم تنہائی کی جو سارے بدن میں پھیل گئی

جب جسم ہی سارا جلتا ہو پھر دامن دل کو بچائیں کیا

اطہرؔ تم نے عشق کیا کچھ تم بھی کہو کیا حال ہوا

کوئی نیا احساس ملا یا سب جیسا احوال ہوا

با وفا تھا تو مجھے پوچھنے والے بھی نہ تھے

بے وفا ہوں تو ہوا نام بھی گھر گھر میرا

وہ عشق جو ہم سے روٹھ گیا اب اس کا حال بتائیں کیا

کوئی مہر نہیں کوئی قہر نہیں پھر سچا شعر سنائیں کیا

میں تیرے قریب آتے آتے

کچھ اور بھی دور ہو گیا ہوں

کسی نا خواندہ بوڑھے کی طرح خط اس کا پڑھتا ہوں

کہ سو سو بار اک اک لفظ سے انگلی گزرتی ہے

جی نہ سکوں میں جس کے بغیر

اکثر یاد نہ آیا وہ

اس نے مری نگاہ کے سارے سخن سمجھ لیے

پھر بھی مری نگاہ میں ایک سوال ہے نیا

نہ منزل ہوں نہ منزل آشنا ہوں

مثال برگ اڑتا پھر رہا ہوں

وہ دور قریب آ رہا ہے

جب داد ہنر نہ مل سکے گی

سوچتے اور جاگتے سانسوں کا اک دریا ہوں میں

اپنے گم گشتہ کناروں کے لیے بہتا ہوں میں

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے