Nida Fazli's Photo'

Nida Fazli

1938 - 2016 | Mumbai, India

One of the most prominent modern poets with wide popular appeal. Well-known film lyricist, prose writer. Famous for his ghazal 'Kabhi kisi ko mukammal Jahan nahin milta…'.

One of the most prominent modern poets with wide popular appeal. Well-known film lyricist, prose writer. Famous for his ghazal 'Kabhi kisi ko mukammal Jahan nahin milta…'.

kabhī kisī ko mukammal jahāñ nahīñ miltā

kahīñ zamīn kahīñ āsmāñ nahīñ miltā

kabhi kisi ko mukammal jahan nahin milta

kahin zamin kahin aasman nahin milta

har aadmī meñ hote haiñ das biis aadmī

jis ko bhī dekhnā ho ka.ī baar dekhnā

har aadmi mein hote hain das bis aadmi

jis ko bhi dekhna ho kai bar dekhna

dhuup meñ niklo ghaTāoñ meñ nahā kar dekho

zindagī kyā hai kitāboñ ko haTā kar dekho

dhup mein niklo ghaTaon mein naha kar dekho

zindagi kya hai kitabon ko haTa kar dekho

bachchoñ ke chhoTe hāthoñ ko chāñd sitāre chhūne do

chaar kitābeñ paḌh kar ye bhī ham jaise ho jā.eñge

let the hands of innocents reach out for stars and moon

with education they'd become like us so very soon

bachchon ke chhoTe hathon ko chand sitare chhune do

chaar kitaben paDh kar ye bhi hum jaise ho jaenge

let the hands of innocents reach out for stars and moon

with education they'd become like us so very soon

dushmanī laakh sahī ḳhatm na kiije rishta

dil mile na mile haath milāte rahiye

enmity however strong, the contact never break

hearts and minds may be apart, the hands must ever shake

dushmani lakh sahi KHatm na kije rishta

dil mile ya na mile hath milate rahiye

enmity however strong, the contact never break

hearts and minds may be apart, the hands must ever shake

hosh vāloñ ko ḳhabar kyā be-ḳhudī kyā chiiz hai

ishq kiije phir samajhiye zindagī kyā chiiz hai

hosh walon ko KHabar kya be-KHudi kya chiz hai

ishq kije phir samajhiye zindagi kya chiz hai

kuchh bhī bachā na kahne ko har baat ho ga.ī

aao kahīñ sharāb piyeñ raat ho ga.ī

kuchh bhi bacha na kahne ko har baat ho gai

aao kahin sharab piyen raat ho gai

ghar se masjid hai bahut duur chalo yuuñ kar leñ

kisī rote hue bachche ko hañsāyā jaa.e

the mosques too far so for a while

some weeping child, let us make smile

ghar se masjid hai bahut dur chalo yun kar len

kisi rote hue bachche ko hansaya jae

the mosques too far so for a while

some weeping child, let us make smile

apnī marzī se kahāñ apne safar ke ham haiñ

ruḳh havāoñ jidhar hai udhar ke ham haiñ

apni marzi se kahan apne safar ke hum hain

ruKH hawaon ka jidhar ka hai udhar ke hum hain

koshish bhī kar umiid bhī rakh rāsta bhī chun

phir is ke ba.ad thoḌā muqaddar talāsh kar

koshish bhi kar umid bhi rakh rasta bhi chun

phir is ke baad thoDa muqaddar talash kar

ham laboñ se kah na paa.e un se hāl-e-dil kabhī

aur vo samjhe nahīñ ye ḳhāmushī kyā chiiz hai

hum labon se kah na pae un se haal-e-dil kabhi

aur wo samjhe nahin ye KHamushi kya chiz hai

us ko ruḳhsat to kiyā thā mujhe ma.alūm na thā

saarā ghar le gayā ghar chhoḌ ke jaane vaalā

us ko ruKHsat to kiya tha mujhe malum na tha

sara ghar le gaya ghar chhoD ke jaane wala

safar meñ dhuup to hogī jo chal sako to chalo

sabhī haiñ bhiiḌ meñ tum bhī nikal sako to chalo

safar mein dhup to hogi jo chal sako to chalo

sabhi hain bhiD mein tum bhi nikal sako to chalo

be-nām ye dard Thahar kyuuñ nahīñ jaatā

jo biit gayā hai vo guzar kyuuñ nahīñ jaatā

be-nam sa ye dard Thahar kyun nahin jata

jo bit gaya hai wo guzar kyun nahin jata

har ek baat ko chup-chāp kyuuñ sunā jaa.e

kabhī to hausla kar ke nahīñ kahā jaa.e

har ek baat ko chup-chap kyun suna jae

kabhi to hausla kar ke nahin kaha jae

koī hindū koī muslim koī īsā.ī hai

sab ne insān na banñe qasam khaa.ī hai

koi hindu koi muslim koi isai hai

sab ne insan na banne ki qasam khai hai

duniyā jise kahte haiñ jaadū khilaunā hai

mil jaa.e to miTTī hai kho jaa.e to sonā hai

duniya jise kahte hain jadu ka khilauna hai

mil jae to miTTi hai kho jae to sona hai

sab kuchh to hai kyā DhūñDtī rahtī haiñ nigāheñ

kyā baat hai maiñ vaqt pe ghar kyuuñ nahīñ jaatā

sab kuchh to hai kya DhunDti rahti hain nigahen

kya baat hai main waqt pe ghar kyun nahin jata

ek mahfil meñ ka.ī mahfileñ hotī haiñ sharīk

jis ko bhī paas se dekhoge akelā hogā

ek mahfil mein kai mahfilen hoti hain sharik

jis ko bhi pas se dekhoge akela hoga

dil meñ na ho jur.at to mohabbat nahīñ miltī

ḳhairāt meñ itnī baḌī daulat nahīñ miltī

dil mein na ho jurat to mohabbat nahin milti

KHairaat mein itni baDi daulat nahin milti

fāsla nazroñ dhoka bhī to ho saktā hai

vo mile na mile haath baḌhā kar dekho

fasla nazron ka dhoka bhi to ho sakta hai

wo mile ya na mile hath baDha kar dekho

tum se chhuT kar bhī tumheñ bhūlnā āsān na thā

tum ko yaad kiyā tum ko bhulāne ke liye

tum se chhuT kar bhi tumhein bhulna aasan na tha

tum ko hi yaad kiya tum ko bhulane ke liye

ab ḳhushī hai na koī dard rulāne vaalā

ham ne apnā liyā har rañg zamāne vaalā

ab KHushi hai na koi dard rulane wala

hum ne apna liya har rang zamane wala

us ke dushman haiñ bahut aadmī achchhā hogā

vo bhī merī tarah shahr meñ tanhā hogā

us ke dushman hain bahut aadmi achchha hoga

wo bhi meri hi tarah shahr mein tanha hoga

naqsha uThā ke koī nayā shahr DhūñDhiye

is shahr meñ to sab se mulāqāt ho ga.ī

naqsha uTha ke koi naya shahr DhunDhiye

is shahr mein to sab se mulaqat ho gai

itnā sach bol ki hoñToñ tabassum na bujhe

raushnī ḳhatm na kar aage añdherā hogā

itna sach bol ki honTon ka tabassum na bujhe

raushni KHatm na kar aage andhera hoga

ab kisī se bhī shikāyat na rahī

jaane kis kis se gilā thā pahle

ab kisi se bhi shikayat na rahi

jaane kis kis se gila tha pahle

badlā na apne-āp ko jo the vahī rahe

milte rahe sabhī se magar ajnabī rahe

badla na apne-ap ko jo the wahi rahe

milte rahe sabhi se magar ajnabi rahe

vo ek chehra to nahīñ saare jahāñ meñ

jo duur hai vo dil se utar kyuuñ nahīñ jaatā

wo ek hi chehra to nahin sare jahan mein

jo dur hai wo dil se utar kyun nahin jata

girjā meñ mandiroñ meñ azānoñ meñ baT gayā

hote sub.h aadmī ḳhānoñ meñ baT gayā

girja mein mandiron mein azanon mein baT gaya

hote hi subh aadmi KHanon mein baT gaya

merī ġhurbat ko sharāfat abhī naam na de

vaqt badlā to tirī raa.e badal jā.egī

meri ghurbat ko sharafat ka abhi nam na de

waqt badla to teri rae badal jaegi

yahī hai zindagī kuchh ḳhvāb chand ummīdeñ

inhīñ khilaunoñ se tum bhī bahal sako to chalo

yahi hai zindagi kuchh KHwab chand ummiden

inhin khilaunon se tum bhi bahal sako to chalo

bahut mushkil hai banjāra-mizājī

salīqa chāhiye āvārgī meñ

bahut mushkil hai banjara-mizaji

saliqa chahiye aawargi mein

har ghaḌī ḳhud se ulajhnā hai muqaddar merā

maiñ kashtī huuñ mujhī meñ hai samundar merā

har ghaDi KHud se ulajhna hai muqaddar mera

main hi kashti hun mujhi mein hai samundar mera

yahāñ kisī ko koī rāsta nahīñ detā

mujhe girā ke agar tum sambhal sako to chalo

yahan kisi ko koi rasta nahin deta

mujhe gira ke agar tum sambhal sako to chalo

mumkin hai safar ho āsāñ ab saath bhī chal kar dekheñ

kuchh tum bhī badal kar dekho kuchh ham bhī badal kar dekheñ

mumkin hai safar ho aasan ab sath bhi chal kar dekhen

kuchh tum bhi badal kar dekho kuchh hum bhi badal kar dekhen

barsāt bādal to dīvāna hai kyā jaane

kis raah se bachnā hai kis chhat ko bhigonā hai

barsat ka baadal to diwana hai kya jaane

kis rah se bachna hai kis chhat ko bhigona hai

jitnī burī kahī jaatī hai utnī burī nahīñ hai duniyā

bachchoñ ke schōl meñ shāyad tum se milī nahīñ hai duniyā

jitni buri kahi jati hai utni buri nahin hai duniya

bachchon ke school mein shayad tum se mili nahin hai duniya

ye shahar hai ki numā.ish lagī huī hai koī

jo aadmī bhī milā ban ke ishtihār milā

ye shahar hai ki numaish lagi hui hai koi

jo aadmi bhi mila ban ke ishtihaar mila

ḳhudā ke haath meñ mat sauñp saare kāmoñ ko

badalte vaqt pe kuchh apnā iḳhtiyār bhī rakh

KHuda ke hath mein mat saunp sare kaamon ko

badalte waqt pe kuchh apna iKHtiyar bhi rakh

kuchh log yūñhī shahr meñ ham se bhī ḳhafā haiñ

har ek se apnī bhī tabī.at nahīñ miltī

kuchh log yunhi shahr mein hum se bhi KHafa hain

har ek se apni bhi tabiat nahin milti

rishtoñ e'tibār vafāoñ intizār

ham bhī charāġh le ke havāoñ meñ aa.e haiñ

rishton ka e'tibar wafaon ka intizar

hum bhi charagh le ke hawaon mein aae hain

kis se pūchhūñ ki kahāñ gum huuñ ka.ī barsoñ se

har jagah DhūñDhtā phirtā hai mujhe ghar merā

kis se puchhun ki kahan gum hun kai barson se

har jagah DhunDhta phirta hai mujhe ghar mera

yaqīn chāñd pe sūraj meñ e'tibār bhī rakh

magar nigāh meñ thoḌā intizār bhī rakh

yaqin chand pe suraj mein e'tibar bhi rakh

magar nigah mein thoDa sa intizar bhi rakh

kisī ke vāste rāheñ kahāñ badaltī haiñ

tum apne aap ko ḳhud badal sako to chalo

kisi ke waste rahen kahan badalti hain

tum apne aap ko KHud hi badal sako to chalo

pahle har chiiz thī apnī magar ab lagtā hai

apne ghar meñ kisī dūsre ghar ke ham haiñ

pahle har chiz thi apni magar ab lagta hai

apne hi ghar mein kisi dusre ghar ke hum hain

baḌe baḌe ġham khaḌe hue the rasta roke rāhoñ meñ

chhoTī chhoTī ḳhushiyoñ se ham ne dil ko shaad kiyā

baDe baDe gham khaDe hue the rasta roke rahon mein

chhoTi chhoTi KHushiyon se hi hum ne dil ko shad kiya

baaġh meñ jaane ke ādāb huā karte haiñ

kisī titlī ko na phūloñ se uḌāyā jaa.e

bagh mein jaane ke aadab hua karte hain

kisi titli ko na phulon se uDaya jae

ham bhī kisī kamān se nikle the tiir se

ye aur baat hai ki nishāne ḳhatā hue

hum bhi kisi kaman se nikle the tir se

ye aur baat hai ki nishane KHata hue

apne lahje hifāzat kījiye

sher ho jaate haiñ nā-mālūm bhī

apne lahje ki hifazat kijiye

sher ho jate hain na-malum bhi