ایٹی ٹیوڈ پر اشعار

کیسے کہیں کہ تجھ کو بھی ہم سے ہے واسطہ کوئی

تو نے تو ہم سے آج تک کوئی گلہ نہیں کیا

ہم کو مٹا سکے یہ زمانہ میں دم نہیں

ہم سے زمانہ خود ہے زمانے سے ہم نہیں

بازیچۂ اطفال ہے دنیا مرے آگے

ہوتا ہے شب و روز تماشا مرے آگے

نہیں دنیا کو جب پروا ہماری

تو پھر دنیا کی پروا کیوں کریں ہم

سورج ہوں زندگی کی رمق چھوڑ جاؤں گا

میں ڈوب بھی گیا تو شفق چھوڑ جاؤں گا

ہم سفر چاہیئے ہجوم نہیں

اک مسافر بھی قافلہ ہے مجھے

کیا ہے جو ہو گیا ہوں میں تھوڑا بہت خراب

تھوڑا بہت خراب تو ہونا بھی چاہئے

کاش وہ راستے میں مل جائے

مجھ کو منہ پھیر کر گزرنا ہے

راس آنے لگی دنیا تو کہا دل نے کہ جا

اب تجھے درد کی دولت نہیں ملنے والی

کیا کہیں کتنے مراسم تھے ہمارے اس سے

وہ جو اک شخص ہے منہ پھیر کے جانے والا

انقلاب ایک خواب ہے سو ہے

دل کی دنیا خراب ہے سو ہے

چاہئے ہے مجھے انکار محبت مرے دوست

لیکن اس میں ترا انکار نہیں چاہئے ہے

ہم ایسے جائیں گے لے کر بلائیں دنیا کی

کہیں نہ ہوگا کوئی حادثہ ہمارے بعد

چاہیں تو اس کو تیغ خموشی سے کاٹ دیں

لیکن جنوں سے جنگ زبانی کریں گے ہم

مجھے کریدنے والو میں ایک صحرا ہوں

کہ مجھ سے ریت ہی نکلے گی آبشار نہیں

پلٹ کے سنگ تری اور پھینک سکتا ہوں

کہ میں وہ قیس نہیں ہوں جو مار کھا جائے

کیوں اتنے مغرور ہیں راہیؔ کیوں اتنا اتراتے ہیں

گنگا تٹ ویران نہ ہوگا اک ان کے اٹھ جانے سے

وہ محبتوں کے موسم تجھے یاد بھی ہیں ہمدم

مرا ایک بار سننا تیرا بار بار کہنا

اک محبت ہے اور اس کا بھی

کیا تماشہ بنا رہی ہوں میں

میں ایسا سفینہ ہوں کہ ساحل کی صدا پر

طوفان کے سینے میں اتر جاتا ہوں اکثر

سر جمشید کو خشت خم صہبا سے ٹکرا دیں

گدائے مے کدہ بھی کس قدر مغرور ہوتے ہیں

ہم کو تجدید ملاقات سے کب ہے انکار

لیکن اب پہلے انہیں ہاتھ بڑھانا ہوگا

اس اک ادائے محبت پہ زندگی صدقے

گریز ہم سے ہے لیکن سپردگی کی طرح

ہاتھ الجھنے لگے جیب و داماں سے کیوں

اے جنوں کیا بہاروں کے دن آ گئے

دل ایذا طلب کو مژدۂ آرام بے معنی

یہ وہ کشتی ہے جو طوفان سے ٹکرائی جاتی ہے

تلاطم خیز طوفانوں سے ٹکراتے رہے ہر دم

ڈبو دی ہم نے خود کشتی جوں ہی ساحل نظر آیا