Sher on Judai
Some excellent judai
shayari in urdu shayari are enlisted to serve as your ally in the difficult times. The pain or inevitability of separation weighs heavy even on the strongest minds.
chuuñ sham-e-sozāñ chuuñ zarra hairāñ ze mehr-e-āñ-mah bagashtam āḳhir
na niiñd naināñ na añg chaināñ na aap aave na bheje patiyāñ
chun sham-e-sozan chun zarra hairan ze mehr-e-an-mah bagashtam aaKHir
na nind nainan na ang chainan na aap aawe na bheje patiyan
-
Tags : Famous shayariand 3 more
maiñ ne samjhā thā ki lauT aate haiñ jaane vaale
tū ne jā kar to judā.ī mirī qismat kar dī
main ne samjha tha ki lauT aate hain jaane wale
tu ne ja kar to judai meri qismat kar di
-
Tag : Intezar
hamesha ke liye mujh se bichhaḌ jā
ye manzar bār-hā dekhā na jaa.e
hamesha ke liye mujh se bichhaD ja
ye manzar bar-ha dekha na jae
vahshī raqs chamakte ḳhanjar surḳh alaav
jangal jangal kāñTe-dār qabīle phuul
wahshi raqs chamakte KHanjar surKH alaw
jangal jangal kanTe-dar qabile phul
-
Tag : Sahra
badan meñ jaise lahū tāziyāna ho gayā hai
use gale se lagā.e zamāna ho gayā hai
badan mein jaise lahu taziyana ho gaya hai
use gale se lagae zamana ho gaya hai
-
Tags : Hijrand 3 more
tumhāre hijr meñ kyuuñ zindagī na mushkil ho
tumhīñ jigar ho tumhīñ jaan ho tumhīñ dil ho
tumhaare hijr mein kyun zindagi na mushkil ho
tumhin jigar ho tumhin jaan ho tumhin dil ho
-
Tags : Hijrand 2 more
vaqt-e-ruḳhsat nishānī jo talab kī to kahā
daaġh kaafī hai judā.ī kā agar yaad rahe
waqt-e-ruKHsat nishani jo talab ki to kaha
dagh kafi hai judai ka agar yaad rahe
vaqt-e-ruḳhsat tirī āñkhoñ kā vo jhuk sā jaanā
ik musāfir ke liye zād-e-safar hai ai dost
waqt-e-ruKHsat teri aankhon ka wo jhuk sa jaana
ek musafir ke liye zad-e-safar hai ai dost
itnā be-tāb na ho mujh se bichhaḌne ke liye
tujh ko ā.ankhoñ se nahīñ dil se judā karnā hai
itna be-tab na ho mujh se bichhaDne ke liye
tujh ko aaankhon se nahin dil se juda karna hai
uryāñ harārat-e-tap-e-furqat se maiñ rahā
har baar mere jism kī poshāk jal ga.ī
uryan hararat-e-tap-e-furqat se main raha
har bar mere jism ki poshak jal gai
-
Tag : Ishq
vo tere bichhaḌne kā samāñ yaad jab aayā
biite hue lamhoñ ko sisakte hue dekhā
wo tere bichhaDne ka saman yaad jab aaya
bite hue lamhon ko sisakte hue dekha
yaad hai ab tak tujh se bichhaḌne kī vo añdherī shaam mujhe
tū ḳhāmosh khaḌā thā lekin bāteñ kartā thā kājal
yaad hai ab tak tujh se bichhaDne ki wo andheri sham mujhe
tu KHamosh khaDa tha lekin baaten karta tha kajal
-
Tags : Farewelland 1 more
us se milne kī ḳhushī ba.ad meñ dukh detī hai
jashn ke ba.ad kā sannāTā bahut khaltā hai
us se milne ki KHushi baad mein dukh deti hai
jashn ke baad ka sannaTa bahut khalta hai
tum se bichhaḌ kar zinda haiñ
jaan bahut sharminda haiñ
tum se bichhaD kar zinda hain
jaan bahut sharminda hain
-
Tags : Famous shayariand 5 more
kuchh ḳhabar le ki terī mahfil se
duur baiThā hai jāñ-ba-lab koī
kuchh KHabar le ki teri mahfil se
dur baiTha hai jaan-ba-lab koi
usī maqām pe kal mujh ko dekh kar tanhā
bahut udaas hue phuul bechne vaale
usi maqam pe kal mujh ko dekh kar tanha
bahut udas hue phul bechne wale
tūl-e-shab-e-firāq kā qissa na pūchhiye
mahshar talak kahūñ maiñ agar muḳhtasar kahūñ
tul-e-shab-e-firaq ka qissa na puchhiye
mahshar talak kahun main agar muKHtasar kahun
pā kar bhī to niiñd uḌ ga.ī thī
kho kar bhī to rat-jage mile haiñ
pa kar bhi to nind uD gai thi
kho kar bhi to rat-jage mile hain
kaḌā hai din baḌī hai raat jab se tum nahīñ aa.e
digar-gūñ haiñ mire hālāt jab se tum nahīñ aa.e
kaDa hai din baDi hai raat jab se tum nahin aae
digar-gun hain mere haalat jab se tum nahin aae
-
Tag : Hijr
kaav kāv-e-saḳht-jānī hā.e-tanhā.ī na pūchh
sub.h karnā shaam kā laanā hai jū-e-shīr kā
What constant pain this loneliness you may not believe
Like from mountains drawing milk, is passing morn to eve
kaw kaw-e-saKHt-jaani hae-tanhai na puchh
subh karna sham ka lana hai ju-e-shir ka
What constant pain this loneliness you may not believe
Like from mountains drawing milk, is passing morn to eve
-
Tags : Hijrand 2 more
na bahlāvā na samjhautā judā.ī sī judā.ī hai
'adā' socho to ḳhushbū kā safar āsāñ nahīñ hotā
na bahlawa na samjhauta judai si judai hai
'ada' socho to KHushbu ka safar aasan nahin hota
jis kī āñkhoñ meñ kaTī thiiñ sadiyāñ
us ne sadiyoñ kī judā.ī dī hai
jis ki aankhon mein kaTi thin sadiyan
us ne sadiyon ki judai di hai
-
Tags : Hijrand 4 more
mujh se bichhaḌ ke tū bhī to ro.egā umr bhar
ye soch le ki maiñ bhī tirī ḳhvāhishoñ meñ huuñ
mujh se bichhaD ke tu bhi to roega umr bhar
ye soch le ki main bhi teri KHwahishon mein hun
-
Tag : WhatsApp
thī vasl meñ bhī fikr-e-judā.ī tamām shab
vo aa.e to bhī niiñd na aa.ī tamām shab
thi wasl mein bhi fikr-e-judai tamam shab
wo aae to bhi nind na aai tamam shab
-
Tag : Neend
kyuuñ baḌhāte ho iḳhtilāt bahut
ham ko tāqat nahīñ judā.ī kī
kyun baDhate ho iKHtilat bahut
hum ko taqat nahin judai ki
saañs lene meñ dard hotā hai
ab havā zindagī kī raas nahīñ
sans lene mein dard hota hai
ab hawa zindagi ki ras nahin
-
Tags : Hijrand 2 more
Tuk ḳhabar le ki har ghaḌī ham ko
ab judā.ī bahut satātī hai
Tuk KHabar le ki har ghaDi hum ko
ab judai bahut satati hai
is judā.ī meñ tum andar se bikhar jāoge
kisī ma.azūr ko dekhoge to yaad ā.ūñgā
is judai mein tum andar se bikhar jaoge
kisi mazur ko dekhoge to yaad aaunga
-
Tags : Ishqand 3 more
dam-e-ruḳhsat vo chup rahe 'ābid'
aañkh meñ phailtā gayā kājal
dam-e-ruKHsat wo chup rahe 'abid'
aankh mein phailta gaya kajal
-
Tag : Aansoo
bichhaḌte vaqt Dhalaktā na gar in āñkhoñ se
is ek ashk kā kyā kyā malāl rah jaatā
bichhaDte waqt Dhalakta na gar in aankhon se
is ek ashk ka kya kya malal rah jata
-
Tag : Aansoo
us ke baare meñ bahut sochtā huuñ
mujh se bichhḌā to kidhar jā.egā
us ke bare mein bahut sochta hun
mujh se bichhDa to kidhar jaega
-
Tags : Ishqand 1 more
ḳhalal-pazīr huā rabt-e-mehr-o-māh meñ vaqt
batā ye tujh se judā.ī kā vaqt hai ki nahīñ
KHalal-pazir hua rabt-e-mehr-o-mah mein waqt
bata ye tujh se judai ka waqt hai ki nahin
daulat-e-ġham bhī ḳhas-o-ḳhāk-e-zamān meñ ga.ī
tum ga.e ho to mah o saal kahāñ Thahre haiñ
daulat-e-gham bhi KHas-o-KHak-e-zaman mein gai
tum gae ho to mah o sal kahan Thahre hain
-
Tag : Gham
yuuñ lage dost tirā mujh se ḳhafā ho jaanā
jis tarah phuul se ḳhushbū kā judā ho jaanā
yun lage dost tera mujh se KHafa ho jaana
jis tarah phul se KHushbu ka juda ho jaana
bichhaḌ ke tujh se na dekhā gayā kisī kā milāp
uḌā diye haiñ parinde shajar pe baiThe hue
bichhaD ke tujh se na dekha gaya kisi ka milap
uDa diye hain parinde shajar pe baiThe hue
tujh se bichhaḌnā koī nayā hādsa nahīñ
aise hazāroñ qisse hamārī ḳhabar meñ haiñ
tujh se bichhaDna koi naya hadsa nahin
aise hazaron qisse hamari KHabar mein hain
furqat-e-yār meñ insān huuñ maiñ yā ki sahāb
har baras aa ke rulā jaatī hai barsāt mujhe
furqat-e-yar mein insan hun main ya ki sahab
har baras aa ke rula jati hai barsat mujhe
tum nahīñ paas koī paas nahīñ
ab mujhe zindagī kī aas nahīñ
tum nahin pas koi pas nahin
ab mujhe zindagi ki aas nahin
-
Tags : Hijrand 2 more
rote phirte haiñ saarī saarī raat
ab yahī rozgār hai apnā
rote phirte hain sari sari raat
ab yahi rozgar hai apna
-
Tags : Girya-o-zariand 1 more
aa.ī hogī kisī ko hijr meñ maut
mujh ko to niiñd bhī nahīñ aatī
aai hogi kisi ko hijr mein maut
mujh ko to nind bhi nahin aati
ik shakl hameñ phir bhaa.ī hai ik sūrat dil meñ samā.ī hai
ham aaj bahut sarshār sahī par aglā moḌ judā.ī hai
ek shakl hamein phir bhai hai ek surat dil mein samai hai
hum aaj bahut sarshaar sahi par agla moD judai hai
vo shaḳhs jis ko dil o jaañ se baḌh ke chāhā thā
bichhaḌ gayā to ba-zāhir koī malāl nahīñ
wo shaKHs jis ko dil o jaan se baDh ke chaha tha
bichhaD gaya to ba-zahir koi malal nahin
-
Tags : Ishqand 1 more
us ko judā hue bhī zamāna bahut huā
ab kyā kaheñ ye qissa purānā bahut huā
us ko juda hue bhi zamana bahut hua
ab kya kahen ye qissa purana bahut hua
-
Tags : Ishqand 2 more
ġham de gayā nashāt-e-shanāsā.ī le gayā
vo apne saath apnī masīhā.ī le gayā
gham de gaya nashat-e-shanasai le gaya
wo apne sath apni masihai le gaya
vo aa rahe haiñ vo aate haiñ aa rahe hoñge
shab-e-firāq ye kah kar guzār dī ham ne
wo aa rahe hain wo aate hain aa rahe honge
shab-e-firaq ye kah kar guzar di hum ne
chāroñ jānib rachī huī hai ashkoñ kī bū-bās
is raste se guzre hoñge qāfile hijrat vaale
chaaron jaanib rachi hui hai ashkon ki bu-bas
is raste se guzre honge qafile hijrat wale
kitnī lambī ḳhāmoshī se guzrā huuñ
un se kitnā kuchh kahne kī koshish kī
kitni lambi KHamoshi se guzra hun
un se kitna kuchh kahne ki koshish ki
-
Tags : Ishqand 2 more
kisī ke hijr meñ jiinā muhāl ho gayā hai
kise batā.eñ hamārā jo haal ho gayā hai
kisi ke hijr mein jina muhaal ho gaya hai
kise bataen hamara jo haal ho gaya hai
-
Tag : Hijr
guzar to jā.egī tere baġhair bhī lekin
bahut udaas bahut be-qarār guzregī
guzar to jaegi tere baghair bhi lekin
bahut udas bahut be-qarar guzregi
zindagī naam hai judā.ī kā
aap aa.e to mujh ko yaad aayā
I was reminded when you came
that life and parting are the same
zindagi nam hai judai ka
aap aae to mujh ko yaad aaya
I was reminded when you came
that life and parting are the same