Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER
Azhar Nawaz's Photo'

Azhar Nawaz

1995 | Aligarh, India

One of the promising younger poets, famous for writing amazing sher/couplets in simple language, highly popular among the youth.

One of the promising younger poets, famous for writing amazing sher/couplets in simple language, highly popular among the youth.

Sher of Azhar Nawaz

1K
Favorite

SORT BY

ḳhūbsūrat hai sirf bāhar se

ye imārat bhī aadmī sī hai

KHubsurat hai sirf bahar se

ye imarat bhi aadmi si hai

koī kirdār adā kartā hai qīmat is kī

jab kahānī ko nayā moḌ diyā jaatā hai

koi kirdar ada karta hai qimat is ki

jab kahani ko naya moD diya jata hai

kisī buzdil kī sūrat ghar se ye bāhar nikaltā hai

mirā ġhussa kisī kamzor ke uupar nikaltā hai

kisi buzdil ki surat ghar se ye bahar nikalta hai

mera ghussa kisi kamzor ke upar nikalta hai

mohtaram kah ke mujhe us ne pashemān kiyā

koī pahlū na milā jab mirī rusvā.ī kā

mohtaram kah ke mujhe us ne pasheman kiya

koi pahlu na mila jab meri ruswai ka

mujh ko har samt le ke jaatā hai

ek imkān tere hone kā

mujh ko har samt le ke jata hai

ek imkan tere hone ka

jo merā jhuuT hai akasr mire andar nikaltā hai

jise kam-tar samajhtā huuñ vahī behtar nikaltā hai

jo mera jhuT hai akasr mere andar nikalta hai

jise kam-tar samajhta hun wahi behtar nikalta hai

chārasāzo mirā ilaaj karo

aaj kuchh dard meñ kamī sī hai

chaarasazo mera ilaj karo

aaj kuchh dard mein kami si hai

jahāñ pe khulnī thī apnī sadā khulī hī nahīñ

jise pukārnā chāhā use pukārā nahīñ

jahan pe khulni thi apni sada khuli hi nahin

jise pukarna chaha use pukara nahin

ho gayā huuñ maiñ sub.h sā raushan

shab se itnī du'ā milī hai mujhe

ho gaya hun main subh sa raushan

shab se itni du'a mili hai mujhe

abhī ye raushnī chubhtī huī hai āñkhoñ meñ

abhī ham uTh ke chale aa.e haiñ añdhere se

abhi ye raushni chubhti hui hai aankhon mein

abhi hum uTh ke chale aae hain andhere se

bādal ko dekh mor kahīñ nāchne lage

yuuñ zulf-e-tarh-dār khulī dekh kar mujhe

baadal ko dekh mor kahin nachne lage

yun zulf-e-tarh-dar khuli dekh kar mujhe

abhī vo aañkh marhale meñ thī ki ban sake sadā

maiñ us ko paḌh ke yuuñ uThā kitāb kar ke aa gayā

abhi wo aankh marhale mein thi ki ban sake sada

main us ko paDh ke yun uTha kitab kar ke aa gaya

mire badan ko jo dīmak lagī to kaise lagī

sab intizār ke lamhāt kī kahānī hai

mere badan ko jo dimak lagi to kaise lagi

sab intizar ke lamhat ki kahani hai

tañg aa kar tirī yādoñ ko pare jhaTkā hai

marsiya kaun paḌhe roz kī tanhā.ī kā

tang aa kar teri yaadon ko pare jhaTka hai

marsiya kaun paDhe roz ki tanhai ka

ye tai kiyā jo maiñ ne junūñ tak maiñ jā.ūñgā

ye marhala aham hai mire iztirāb kā

ye tai kiya jo main ne junun tak main jaunga

ye marhala aham hai mere iztirab ka

aa gayā vaqt mere baa'd āḳhir

ab pareshān tere hone kā

aa gaya waqt mere ba'd aaKHir

ab pareshan tere hone ka

bah rahī hai hamārī ḳhāmoshī

shor karte hue samundar meñ

bah rahi hai hamari KHamoshi

shor karte hue samundar mein

vahī dhuāñ jo ugalte haiñ ghar ke sab afrād

usī dhueñ meñ mirā ghar na qaid ho jaa.e

wahi dhuan jo ugalte hain ghar ke sab afrad

usi dhuen mein mera ghar na qaid ho jae

ki siin vaav alif laam ab luġhat meñ nahīñ

vo chāhtā hai ki us se koī savāl na ho

ki sin waw alif lam ab lughat mein nahin

wo chahta hai ki us se koi sawal na ho

Recitation

Jashn-e-Rekhta 11th Edition | 29-30-31 Jan, 2027 Buy Tickets

Speak Now