اسرار الحق مجاز

شارب ردولوی

ساہتیہ اکادمی، دہلی
2009 | مزید
  • ذیلی عنوان

    ہندوستانی ادب کے معمار

  • معاون

    ریختہ

  • موضوعات

    مونوگراف

  • صفحات

    142

کتاب: تعارف

تعارف

پروفیسر شارب ردولوی کا شمار اُردو کے ان معتبر ترقی پسند ناقدین میں ہوتا ہے جو ترقی پسند نقطۂ نظر رکھنے کے ساتھ ساتھ اردو کے کلاسیکی ادب اور جدید مغربی ادب پر گہری نگاہ رکھتے ہی ۔ ان کا شمار اُردو کے ان چند اہم ناقدین میں ہوتا ہے جنہوں نے ادبی تنقید کے اصول و نظریات سے بحث کی اور ادبی مطالعہ کے لئے ان کی اہمیت اور ضرورت کو تسلیم کیا۔ مذکورہ کتاب ہندوستانی ادب کے معمار: اسرار الحق مجاز ہے جس کو پروفیسر شارب ردولوی نے تحریر کیا ہے۔ یہ ان کی تحقیقی و تنقیدی کتاب ہے۔ اس کتاب میں انہوں نے مجاز کے حالات زندگی، سیاسی و سماجی ماحول کا جائزہ لیتے ہوئے ان کی شاعری کا تجزیہ کیا ہے۔ کتاب کے آخر میں مجاز کی شاعری کا انتخاب بھی شامل کیا گیا ہے۔ وہ مجاز کی شاعری کے حوالے سے کہتے ہیں کہ ان کی شاعری ترقی پسند فکر کی عمدہ مثال ہے۔ ان کی شگفتہ بیانی، الفاظ کی روانی، انداز بیان کی سادگی، خوبصورت اور خلاقانہ تراکیب اور استعارے، اردو کی رومانی شاعری ہو یا انقلابی ایک ہی فضا کا احساس دلاتے ہیں۔

.....مزید پڑھئے

مصنف: تعارف

شارب ردولوی

شارب ردولوی

شارب ردولوی ایک اہم ترین نقاد اور شاعر کی حیثیت سے معروف ہیں۔ ان کی پیدائش ردولی کے ایک زمیندار اور پڑھے لکھے گھرانے میں ہوئی۔ ان کے والد اور دادا کا شمار فارسی اور عربی کے بڑے عالموں میں ہوتا تھا۔ شارب ردولوی نے لکھنؤ یونیورسٹی سے اردو ادبیات کی اعلی تعلیم حاصل کی۔ پروفیسر سید احتشام حیسن کی نگرانی میں اپنا تحقیقی مقالہ ’ جدید اردو ادبی تنقید کے اصول ‘ کے موضوع پر لکھا۔ شارب ردولوی کے اس مقالے کا شمار اہم ترین تنقیدی کتابوں میں کیا جاتا ہے۔ 
شارب ردولوی نے دہلی یونیورسٹی کے دیال سنگھ کالج میں اردو کے استاد کی حیثیت سے اپنی عملی زندگی کا آغاز کیا۔ 1990 میں جواہر لال نہرو یونیورسٹی کے شعبۂ اردو میں بحیثیت ریڈر ان کا تقرر ہوا اور 2000 میں یہیں سے سبکدوش ہوئے۔ 
شارب ردولوی کے ادبی سفر کا آغاز شعر گوئی سے ہوا تھا ، انہوں نے بہت اچھی غزلیں کہیں لیکن دھیرے تنقید نگاری نے ان کی تخلیقی کارگزاریوں کو کم سے کم کردیا۔ شارب ردولوی کی کتابوں کے نام درج ذیل ہیں۔ 
’مراثیٔ انیس میں ڈرامائی عناصر‘  ’گل صد رنگ‘ ’جگر فن اور شخصیت‘ ’افکار سودا‘ ’مطالعہ ولی‘ ’تنقیدی مطالعے‘ ’انتخاب غزلیات سودا‘ ’اردو مرثیہ‘ ’معاصر اردو تنقید: مسائل ومیلانات‘ ’تنقیدی مباحث‘۔ 

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب