نغمہ زار

حفیظ جالندھری

دفتر مجلس اردو، لاہور
1957 | مزید

کتاب: تعارف

تعارف

نظم نگاری کی دنیا میں حفیظ جالندھری کا اپنا مخصوص رنگ ہے اور مختلف شعرا کے کلام میں ان کا کلام بہ آسانی پہچان لیا جاتا ہے۔ ان کی نظموں میں زندگی کی رنگا رنگ تصویریں ملتی ہیں جن سے ہر ملک اور ہر مزاج کے لوگ اپنے اپنے ذوق کی سریابی کرنے میں کامیاب ہوتے ہیں۔ حفیظ جالندھری کی نظموں کا پہلا مجموعہ ’’نغمہ زار‘‘ تھا جو 1935 میں شائع ہوا۔یہ مجموعہ اس وقت شائع ہوا تھا جبکہ اکبر الہ آبادی ،چکبست اور اقبال کا کلام سارے ملک میں مشہور ہو چکا تھا۔اس مجموعہ میں حفیظ جالندھری کی سترہ نظمیں اور کچھ غزلیں شامل ہیں۔ ان کی غزلوں میں ایک قسم کی سر مستی اور بہاو ہے لیکن اردو دنیا میں وہ نظم گو کی حیثیت سے مشہور ہیں۔ ان کی نظموں اور غزلوں میں بلا کا ترنم اور نغمگی پائی جاتی ہے۔ زیر نظر مجموعہ کچھ ترمیم و اضافہ کے بعد دوسرا ایڈیشن ہے۔ جس میں شاعر کے خود نوشت حالات بھی مذکور ہیں۔

.....مزید پڑھئے

مصنف: تعارف

حفیظ جالندھری

حفیظ جالندھری

حفیظ جالندھری
نام محمد حفیظ، ابوالاثر کنیت، حفیظ تخلص۔ ۱۴؍جنوری۱۹۰۰ء کو جالندھر میں پیدا ہوئے۔مروجہ دینی تعلیم کے بعد اسکول میں داخل ہوئے۔ حفیظ کو بچپن ہی سے شعروسخن سے دلچسپی تھی۔ مولانا غلام قادر گرامی جوان کے ہم وطن تھے، ان کے سامنے زانوے تلمذ تہہ کیا۔کسب معاش کے لیے عطر فروشی، کلاہ سازی، خیاطی، فوج کی ٹھیکیداری، خطوط نویسی ، مزدوری، سنگر سیونگ مشین کمپنی کی مینیجری سب کچھ کرڈالا۔۱۹۲۱ء میں سنگر کمپنی کی ملازمت چھوڑ دی اور وطن واپس آگئے۔ وہاں سے اردو زبان میں ایک ماہانہ رسالہ ’’اعجاز‘‘ جاری کیا جو پانچ ماہ بعد بند ہوگیا۔۱۹۲۲ء میں لاہور آئے۔ان کا شروع سے اس وقت تک شعروادب اوڑھنا بچھونا تھا۔ رسالہ’’شباب‘‘میں ملازمت کرلی۔اس کے بعد ’’نونہال‘ اور ’ہزار داستان‘ کی ادارت ان کے سپرد ہوئی۔ پھر ’پھول‘ اور ’تہذیب نسواں‘ سے منسلک رہے۔ کچھ عرصہ ریاست خیرپور کے درباری شاعر رہے۔ نظم ’’رقاصہ‘‘ وہیں کی یادگار ہے۔ ’’قومی ترانہ‘‘ کے خالق کی حیثیت سے حفیظ کو بہت شہر ت ملی۔ ۲۱؍دسمبر ۱۹۸۲ء کو لاہور میں انتقال کرگئے۔چند تصانیف یہ ہیں: ’نغمۂ زار‘، ’سوز وساز‘، ’تلخابۂ شیریں‘، ’چراغ سحر‘۔ ’’شاہنامہ اسلام‘‘ (چار جلدوں میں)۔’ شاہنامہ اسلام ‘ سے ان کی شہرت میں بہت اضافہ ہوا۔ انھوں نے افسانے بھی لکھے۔ بچوں کے لیے گیت اور نظمیں بھی لکھیں۔

بحوالۂ:پیمانۂ غزل(جلد اول)،محمد شمس الحق،صفحہ:356

.....مزید پڑھئے

مصنف کی مزید کتابیں

مزید

مقبول و معروف

مزید

کتابوں کی تلاش بہ اعتبار

کتابیں : بہ اعتبار موضوع

شاعری کی کتابیں

رسالے

کتاب فہرست

مصنفین کی فہرست

یونیورسٹی اردو نصاب