har she'r mujh ko ḳhūn-e-jigar ke 'evaz milā

ye fan kisī ke dar se udhārā nahīñ milā

har she'r mujh ko KHun-e-jigar ke 'ewaz mila

ye fan kisi ke dar se udhaara nahin mila

jab yaad meñ taḌpeñ to mohabbat ko baḌhā deñ

ḳhud dard-e-mohabbat kī masīhā.ī mohabbat

jab yaad mein taDpen to mohabbat ko baDha den

KHud dard-e-mohabbat ki masihai mohabbat

jo dasht ke ġhubār meñ gum-sum rahe unheñ

qissa samundaroñ kā sunānā fuzūl hai

jo dasht ke ghubar mein gum-sum rahe unhen

qissa samundaron ka sunana fuzul hai

rū-ba-rū hote hī jo soz-e-nihāñ kar de 'ayāñ

har kisī aañkh meñ kab itnā hunar hotā hai

ru-ba-ru hote hi jo soz-e-nihan kar de 'ayan

har kisi aankh mein kab itna hunar hota hai

tirī yādoñ ke sahrā meñ sanam kyā kyā nahīñ hotā

jahāñ ho tishnagī kā ġham vahāñ dariyā nahīñ hotā

teri yaadon ke sahra mein sanam kya kya nahin hota

jahan ho tishnagi ka gham wahan dariya nahin hota