maiñ ne māñgī thī ujāle kī faqat ek kiran

tum se ye kis ne kahā aag lagā dī jaa.e

main ne mangi thi ujale ki faqat ek kiran

tum se ye kis ne kaha aag laga di jae

kaise mumkin ki niiñd aa.e 'ġhazal'

yaad aur yaad bhī tumhārī hai

kaise mumkin ki nind aae 'ghazal'

yaad aur yaad bhi tumhaari hai

kisī ke ghar meñ lagā.ī hai aag apnoñ ne

tamāshā dekh rahī haiñ tamāsh-bīñ āñkheñ

kisi ke ghar mein lagai hai aag apnon ne

tamasha dekh rahi hain tamash-bin aankhen

aas hai saañs ke ukhaḌne tak

aaj kī raat ham pe bhārī hai

aas hai sans ke ukhaDne tak

aaj ki raat hum pe bhaari hai

jāgtī raat ke tasalsul meñ

soī āñkhoñ ke ratjage likkhe

jagti raat ke tasalsul mein

soi aankhon ke ratjage likkhe

ab kisī tark-e-ta'alluq kā gila hai na malāl

dil meñ rahte haiñ kahāñ dil se utāre hue log

ab kisi tark-e-ta'alluq ka gila hai na malal

dil mein rahte hain kahan dil se utare hue log

aap kā jab gila nahīñ miTtā

phir ta'alluq bahāl kaise ho

aap ka jab gila nahin miTta

phir ta'alluq bahaal kaise ho

dhuñdlī paḌ ga.ī aañkh kī putlī ḳhuun ragoñ se bah niklā

rang hue haiñ saare dhuñdle ik tasvīr banāne meñ

dhundli paD gai aankh ki putli KHun ragon se bah nikla

rang hue hain sare dhundle ek taswir banane mein

ye kūza-gar ye chaak ye miTTī ye aag sab

zo’m-e-hunar meñ dekh kahīñ ke nahīñ rahe

ye kuza-gar ye chaak ye miTTi ye aag sab

zo’m-e-hunar mein dekh kahin ke nahin rahe

ye kyā huā hai koī faisla nahīñ hotā

ki mere haath meñ jugnū hai yā sitāra hai

ye kya hua hai koi faisla nahin hota

ki mere hath mein jugnu hai ya sitara hai

ye kaisā aib hai mere nagar ke logoñ meñ

diye jalā na sake to bujhāne aa.e haiñ

ye kaisa aib hai mere nagar ke logon mein

diye jala na sake to bujhane aae hain

chalī hai bād-e-muḳhālif to ġham nahīñ hai ki ham

charāġh apne lahū se jalāne aa.e haiñ

chali hai baad-e-muKHalif to gham nahin hai ki hum

charagh apne lahu se jalane aae hain

darūn-e-qalb añdherā fuzūñ hai lekin maiñ

charāġh ban ke na.ī rah-guzar meñ zinda huuñ

darun-e-qalb andhera fuzun hai lekin main

charagh ban ke nai rah-guzar mein zinda hun

ye kyā huā hai mujhe chain kyoñ nahīñ aatā

kisī kī aañkh se aañsū kahīñ girā hai kyā

ye kya hua hai mujhe chain kyon nahin aata

kisi ki aankh se aansu kahin gira hai kya

udaas raat kī bhīgī sī pahlī bārish ko

kisī kī aañkh kī phailī namī meñ dekhā gayā

udas raat ki bhigi si pahli barish ko

kisi ki aankh ki phaili nami mein dekha gaya

dhanak thī ḳhvāb the ummīd thī magar ab to

gañvā diiñ dekh tire ġham meñ ye hasīñ āñkheñ

dhanak thi KHwab the ummid thi magar ab to

ganwa din dekh tere gham mein ye hasin aankhen

qissa-e-ġham zarā chhupāne ko

maiñ ne kyā kyā na vāqa'e likkhe

qissa-e-gham zara chhupane ko

main ne kya kya na waqa'e likkhe

hamāre dost hameñ bad-gumān kar deñge

ab iltifāt bahut barmalā nahīñ rakhnā

hamare dost hamein bad-guman kar denge

ab iltifat bahut barmala nahin rakhna

dard kī salīboñ par laash ho chuke naale

be-zamīr hākim ko 'adl kī gavāhī kyā

dard ki salibon par lash ho chuke nale

be-zamir hakim ko 'adl ki gawahi kya

har ġhazal aur fasāne meñ hai charchā jis kā

maiñ ne vo shaam tire saath guzārī huī hai

har ghazal aur fasane mein hai charcha jis ka

main ne wo sham tere sath guzari hui hai

hasīñ gharoñ pe likhī chār-sū hai dar-ba-darī

so hijratoñ ko isī be-gharī meñ dekhā gayā

hasin gharon pe likhi chaar-su hai dar-ba-dari

so hijraton ko isi be-ghari mein dekha gaya

ek zindānī kī halkī sī baġhāvat se tirā

saarā zindān hī jhankār huā jaatā hai

ek zindani ki halki si baghawat se tera

sara zindan hi jhankar hua jata hai

aaj yādoñ kī ghaTā Tuut ke barsī hai 'ġhazal'

ik udāsī hai jo phir shaam se taarī huī hai

aaj yaadon ki ghaTa Tut ke barsi hai 'ghazal'

ek udasi hai jo phir sham se tari hui hai

guzre kal tak jo lagā kartī thī phūloñ jaisī

aaj vo ziist mirī jaan pe bhārī huī hai

guzre kal tak jo laga karti thi phulon jaisi

aaj wo zist meri jaan pe bhaari hui hai

ye chāñd-rāt ye jugnū ye terī yaad kī lau

is ehtimām-e-mohabbat meñ din guzārā hai

ye chand-raat ye jugnu ye teri yaad ki lau

is ehtimam-e-mohabbat mein din guzara hai

mire habīb mirā imtihān rahne de

khule saroñ pe zarā sā.ebān rahne de

mere habib mera imtihan rahne de

khule saron pe zara saeban rahne de

ham se tum guftugū nahīñ karte

phir suḳhan meñ kamāl kaise ho

hum se tum guftugu nahin karte

phir suKHan mein kamal kaise ho

aas meñ kis kī darīcha jāgtā hai raat bhar

ik diyā kis ke liye yuuñ baam par ḳhāmosh hai

aas mein kis ki daricha jagta hai raat bhar

ek diya kis ke liye yun baam par KHamosh hai

ham umīd-e-fardā ke rahravān-e-manzil haiñ

sub.h ke ujāloñ ko raat kī siyāhī kyā

hum umid-e-farda ke rahrawan-e-manzil hain

subh ke ujalon ko raat ki siyahi kya

ek be-chehra badan ko naam dene ke liye

chaak sargarm-e-‘amal hai kūza-gar ḳhāmosh hai

ek be-chehra badan ko nam dene ke liye

chaak sargarm-e-‘amal hai kuza-gar KHamosh hai

dushman kā me'yār banānā paḌtā hai

lahje ko talvār banānā paḌtā hai

dushman ka me'yar banana paDta hai

lahje ko talwar banana paDta hai