Top 20 Barish Shayari

Rain has often played a romancing factor in Urdu sher-o-shayari to entwine emptiness and contentment together. Rekhta’s assorts 20 remarkably popular shers on barish, barsaat, pani symbolizing a multitude of emotions from a gentle sprinkling to a torrid downpour. Barish or barsaat can be both, life giving as well as death dealing, subtly links all aspects of life. Please send us your generous inputs and baaarish shers other than the ones in this selection through our comments section below

maiñ vo sahrā jise paanī havas le Duubī

vo bādal jo kabhī TuuT ke barsā nahīñ

main wo sahra jise pani ki hawas le Dubi

tu wo baadal jo kabhi TuT ke barsa hi nahin

Sultan Akhtar

us ne bārish meñ bhī khiḌkī khol ke dekhā nahīñ

bhīgne vāloñ ko kal kyā kyā pareshānī huī

us ne barish mein bhi khiDki khol ke dekha nahin

bhigne walon ko kal kya kya pareshani hui

Jamal Ehsani

pyāso raho na dasht meñ bārish ke muntazir

maaro zamīñ pe paañv ki paanī nikal paḌe

pyaso raho na dasht mein barish ke muntazir

maro zamin pe panw ki pani nikal paDe

Iqbal Sajid

tamām raat nahāyā thā shahr bārish meñ

vo rañg utar ga.e jo utarne vaale the

tamam raat nahaya tha shahr barish mein

wo rang utar hi gae jo utarne wale the

Jamal Ehsani

maiñ ki kāġhaz ek kashtī huuñ

pahlī bārish āḳhirī hai mujhe

main ki kaghaz ki ek kashti hun

pahli barish hi aaKHiri hai mujhe

Tahzeeb Hafi

maiñ chup karātā huuñ har shab umaDtī bārish ko

magar ye roz ga.ī baat chheḌ detī hai

main chup karaata hun har shab umaDti barish ko

magar ye roz gai baat chheD deti hai

Gulzar

chhup jaa.eñ kahīñ aa ki bahut tez hai bārish

ye mere tire jism to miTTī ke bane haiñ

chhup jaen kahin aa ki bahut tez hai barish

ye mere tere jism to miTTi ke bane hain

Saba Ikram

TuuT paḌtī thiiñ ghaTā.eñ jin āñkheñ dekh kar

vo bharī barsāt meñ tarse haiñ paanī ke liye

TuT paDti thin ghaTaen jin ki aankhen dekh kar

wo bhari barsat mein tarse hain pani ke liye

Sajjad Baqar Rizvi

ab bhī barsāt rātoñ meñ badan TūTtā hai

jaag uThtī haiñ ajab ḳhvāhisheñ añgḌā.ī

Till even now in rainy climes, my limbs are aching, sore

The yen to stretch out languidly then comes to the fore

ab bhi barsat ki raaton mein badan TuTta hai

jag uThti hain ajab KHwahishen angDai ki

Till even now in rainy climes, my limbs are aching, sore

The yen to stretch out languidly then comes to the fore

Parveen Shakir

dhuup ne guzārish

ek buuñd bārish

dhup ne guzarish ki

ek bund barish ki

Mohammad Alvi

hairat se taktā hai sahrā bārish ke nazrāne ko

kitnī duur se aa.ī hai ye ret se haath milāne ko

hairat se takta hai sahra barish ke nazrane ko

kitni dur se aai hai ye ret se hath milane ko

Saud Usmani

saath bārish meñ liye phirte ho us ko 'anjum'

tum ne is shahr meñ kyā aag lagānī hai koī

sath barish mein liye phirte ho us ko 'anjum'

tum ne is shahr mein kya aag lagani hai koi

Anjum Saleemi

kyuuñ maañg rahe ho kisī bārish duā.eñ

tum apne shikasta dar-o-dīvār to dekho

kyun mang rahe ho kisi barish ki duaen

tum apne shikasta dar-o-diwar to dekho

Jazib Quraishi

barsāt ke aate tauba na rahī baaqī

bādal jo nazar aa.e badlī merī nīyat bhī

barsat ke aate hi tauba na rahi baqi

baadal jo nazar aae badli meri niyat bhi

Hasrat Mohani

barsāt tham chukī hai magar har shajar ke paas

itnā to hai ki aap dāman bhigo sake

barsat tham chuki hai magar har shajar ke pas

itna to hai ki aap ka daman bhigo sake

Ahsan Yusuf Zai

nikal ga.e haiñ jo bādal barasne vaale the

ye shahr aab ko tarsegā chashm-e-tar ke baġhair

nikal gae hain jo baadal barasne wale the

ye shahr aab ko tarsega chashm-e-tar ke baghair

Saleem Ahmed

kachche makān jitne the bārish meñ bah ga.e

varna jo merā dukh thā vo dukh umr bhar thā

kachche makan jitne the barish mein bah gae

warna jo mera dukh tha wo dukh umr bhar ka tha

Akhtar Hoshiyarpuri

bārish sharāb-e-arsh hai ye soch kar 'adam'

bārish ke sab hurūf ko ulTā ke gayā

barish sharab-e-arsh hai ye soch kar 'adam'

barish ke sab huruf ko ulTa ke pi gaya

Abdul Hamid Adam

us ko aanā thā ki vo mujh ko bulātā thā kahīñ

raat bhar bārish thī us raat bhar paiġhām thā

us ko aana tha ki wo mujh ko bulata tha kahin

raat bhar barish thi us ka raat bhar paigham tha

Zafar Iqbal

shahr galiyoñ meñ gahrī tīrgī giryāñ rahī

raat bādal is tarah aa.e ki maiñ to Dar gayā

shahr ki galiyon mein gahri tirgi giryan rahi

raat baadal is tarah aae ki main to Dar gaya

Muneer Niyazi

Added to your favorites

Removed from your favorites