Top 20 Tasweer Shayari

Apart from live images, pictures too are a subject of poetry. Pictures represent images but these images are static and do not act or speak. Even in silence they are preserved just for the love of it as they evoke memories and are held close to heart as a precious gift captured in a moment of the past.

aap ne tasvīr bhejī maiñ ne dekhī ġhaur se

har adā achchhī ḳhamoshī adā achchhī nahīñ

aap ne taswir bheji main ne dekhi ghaur se

har ada achchhi KHamoshi ki ada achchhi nahin

Jaleel Manikpuri

terī sūrat se kisī nahīñ miltī sūrat

ham jahāñ meñ tirī tasvīr liye phirte haiñ

teri surat se kisi ki nahin milti surat

hum jahan mein teri taswir liye phirte hain

Imam Bakhsh Nasikh

tire jamāl tasvīr khīñch duuñ lekin

zabāñ meñ aañkh nahīñ aañkh meñ zabān nahīñ

tere jamal ki taswir khinch dun lekin

zaban mein aankh nahin aankh mein zaban nahin

Jigar Moradabadi

bhej tasvīr apnī un ko ye likh kar 'shakīl'

aap marzī hai chāhe jis nazar se dekhiye

bhej di taswir apni un ko ye likh kar 'shakil'

aap ki marzi hai chahe jis nazar se dekhiye

Shakeel Badayuni

jis se ye tabī.at baḌī mushkil se lagī thī

dekhā to vo tasvīr har ik dil se lagī thī

jis se ye tabiat baDi mushkil se lagi thi

dekha to wo taswir har ek dil se lagi thi

Ahmad Faraz

kuchh to is dil ko sazā jaa.e

us tasvīr haTā jaa.e

kuchh to is dil ko saza di jae

us ki taswir haTa di jae

Mohammad Alvi

jo chup-chāp rahtī thī dīvār par

vo tasvīr bāteñ banāne lagī

jo chup-chap rahti thi diwar par

wo taswir baaten banane lagi

Adil Mansuri

chup-chāp suntī rahtī hai pahroñ shab-e-firāq

tasvīr-e-yār ko hai mirī guftugū pasand

chup-chap sunti rahti hai pahron shab-e-firaq

taswir-e-yar ko hai meri guftugu pasand

Dagh Dehlvi

dil ke ā.īne meñ hai tasvīr-e-yār

jab zarā gardan jhukā.ī dekh

dil ke aaine mein hai taswir-e-yar

jab zara gardan jhukai dekh li

Lala Mauji Ram Mauji

zindagī bhar ke liye ruuTh ke jaane vaale

maiñ abhī tak tirī tasvīr liye baiThā huuñ

zindagi bhar ke liye ruTh ke jaane wale

main abhi tak teri taswir liye baiTha hun

Qaisarul Jafri

maiñ ne bhī dekhne had kar

vo bhī tasvīr se nikal aayā

main ne bhi dekhne ki had kar di

wo bhi taswir se nikal aaya

Shehpar Rasool

mujh ko aksar udaas kartī hai

ek tasvīr muskurātī huī

mujh ko aksar udas karti hai

ek taswir muskuraati hui

Vikas Sharma Raaz

kah rahī hai ye tirī tasvīr bhī

maiñ kisī se bolne vaalī nahīñ

kah rahi hai ye teri taswir bhi

main kisi se bolne wali nahin

Nooh Narvi

aatā thā jis ko dekh ke tasvīr ḳhayāl

ab to vo kiil bhī mirī dīvār meñ nahīñ

aata tha jis ko dekh ke taswir ka KHayal

ab to wo kil bhi meri diwar mein nahin

Ghulam Murtaza Rahi

maiñ ne to yūñhī raakh meñ pherī thiiñ uñgliyāñ

dekhā jo ġhaur se tirī tasvīr ban ga.ī

main ne to yunhi rakh mein pheri thin ungliyan

dekha jo ghaur se teri taswir ban gai

Saleem Betab

lagtā hai ka.ī rātoñ jaagā thā musavvir

tasvīr āñkhoñ se thakan jhāñk rahī hai

lagta hai kai raaton ka jaga tha musawwir

taswir ki aankhon se thakan jhank rahi hai

Unknown

muddatoñ baad uThā.e the purāne kāġhaz

saath tere mirī tasvīr nikal aa.ī hai

muddaton baad uThae the purane kaghaz

sath tere meri taswir nikal aai hai

Sabir Dutt

sūrat-e-vasl nikaltī kisī tadbīr ke saath

merī tasvīr khiñchtī tirī tasvīr ke saath

surat-e-wasl nikalti kisi tadbir ke sath

meri taswir hi khinchti teri taswir ke sath

Unknown

tirī tasvīr to va.ade ke din khiñchne ke qābil hai

ki sharmā.ī huī āñkheñ haiñ ghabrāyā huā dil hai

teri taswir to wade ke din khinchne ke qabil hai

ki sharmai hui aankhen hain ghabraya hua dil hai

Nazeer Allahabadi