Sher on Friendship Day
Friendship is a pure and pious human experience. It helps human beings to know, and to live in good spirit with each other. The idea and experience of friendship has been treated variously by poets. Their verses have opened up many dimensions of this pious human relationship. Sometimes, friendship also turns into enmity but we do not always understand, or even know how such positive sentiments turn into negative ones. These verses would bring you a variety of perspectives on friendship and help you appreciate the multiple meanings of this relationship.
ik nayā zaḳhm milā ek na.ī umr milī
jab kisī shahr meñ kuchh yaar purāne se mile
ek naya zaKHm mila ek nai umr mili
jab kisi shahr mein kuchh yar purane se mile
patthar to hazāroñ ne maare the mujhe lekin
jo dil pe lagā aa kar ik dost ne maarā hai
patthar to hazaron ne mare the mujhe lekin
jo dil pe laga aa kar ek dost ne mara hai
bhuul shāyad bahut baḌī kar lī
dil ne duniyā se dostī kar lī
bhul shayad bahut baDi kar li
dil ne duniya se dosti kar li
daaġh duniyā ne diye zaḳhm zamāne se mile
ham ko tohfe ye tumheñ dost banāne se mile
dagh duniya ne diye zaKHm zamane se mile
hum ko tohfe ye tumhein dost banane se mile
aish ke yaar to aġhyār bhī ban jaate haiñ
dost vo haiñ jo bure vaqt meñ kaam aate haiñ
aish ke yar to aghyar bhi ban jate hain
dost wo hain jo bure waqt mein kaam aate hain
dushmanoñ kī jafā kā ḳhauf nahīñ
dostoñ kī vafā se Darte haiñ
I do nor fear injury from my enemies
what frightens me is my friend's fidelities
dushmanon ki jafa ka KHauf nahin
doston ki wafa se Darte hain
I do nor fear injury from my enemies
what frightens me is my friend's fidelities
-
Tags: Dostand 2 more
aql kahtī hai dobāra āzmānā jahl hai
dil ye kahtā hai fareb-e-dost khāte jā.iye
aql kahti hai dobara aazmana jahl hai
dil ye kahta hai fareb-e-dost khate jaiye
-
Tags: Dhokaand 4 more
dostī ḳhūn-e-jigar chāhtī hai
kaam mushkil hai to rasta dekho
dosti KHun-e-jigar chahti hai
kaam mushkil hai to rasta dekho
bahut zaḳhīm kitāboñ se chun ke laayā huuñ
inheñ paḌho varaq-e-intiḳhāb haiñ mire dost
bahut zaKHim kitabon se chun ke laya hun
inhen paDho waraq-e-intiKHab hain mere dost
yuuñ lage dost tirā mujh se ḳhafā ho jaanā
jis tarah phuul se ḳhushbū kā judā ho jaanā
yun lage dost tera mujh se KHafa ho jaana
jis tarah phul se KHushbu ka juda ho jaana
aa gayā 'jauhar' ajab ulTā zamāna kyā kaheñ
dost vo karte haiñ bāteñ jo adū karte nahīñ
aa gaya 'jauhar' ajab ulTa zamana kya kahen
dost wo karte hain baaten jo adu karte nahin
ham ko aġhyār kā gilā kyā hai
zaḳhm khā.eñ haiñ ham ne yāroñ se
why should enemies be my reason to complain
when at the hands of friends, I have suffered pain
hum ko aghyar ka gila kya hai
zaKHm khaen hain hum ne yaron se
why should enemies be my reason to complain
when at the hands of friends, I have suffered pain
tujhe kaun jāntā thā mirī dostī se pahle
tirā husn kuchh nahīñ thā mirī shā.irī se pahle
tujhe kaun jaanta tha meri dosti se pahle
tera husn kuchh nahin tha meri shairi se pahle
-
Tags: Dostiand 1 more
vo koī dost thā achchhe dinoñ kā
jo pichhlī raat se yaad aa rahā hai
wo koi dost tha achchhe dinon ka
jo pichhli raat se yaad aa raha hai
-
Tags: Dostand 2 more
'arsh' kis dost ko apnā samjhūñ
sab ke sab dost haiñ dushman kī taraf
'arsh' kis dost ko apna samjhun
sab ke sab dost hain dushman ki taraf
-
Tags: Dostand 1 more
ḳhudā ke vāste mauqā na de shikāyat kā
ki dostī kī tarah dushmanī nibhāyā kar
KHuda ke waste mauqa na de shikayat ka
ki dosti ki tarah dushmani nibhaya kar
-
Tags: Dostiand 1 more
jo dost haiñ vo māñgte haiñ sulh kī duā
dushman ye chāhte haiñ ki aapas meñ jañg ho
jo dost hain wo mangte hain sulh ki dua
dushman ye chahte hain ki aapas mein jang ho
-
Tags: Dostand 3 more
log Darte haiñ dushmanī se tirī
ham tirī dostī se Darte haiñ
log Darte hain dushmani se teri
hum teri dosti se Darte hain
-
Tags: Dostiand 1 more
apne begāne se ab mujh ko shikāyat na rahī
dushmanī kar ke mire dost ne maarā mujh ko
apne begane se ab mujh ko shikayat na rahi
dushmani kar ke mere dost ne mara mujh ko
-
Tags: Dostand 1 more
'shā.ir' un kī dostī kā ab bhī dam bharte haiñ aap
Thokareñ khā kar to sunte haiñ sambhal jaate haiñ log
'shair' un ki dosti ka ab bhi dam bharte hain aap
Thokaren kha kar to sunte hain sambhal jate hain log
toḌ kar aaj ġhalat-fahmī kī dīvāroñ ko
dosto apne ta.alluq ko sañvārā jaa.e
toD kar aaj ghalat-fahmi ki diwaron ko
dosto apne talluq ko sanwara jae
terī bāteñ hī sunāne aa.e
dost bhī dil hī dukhāne aa.e
teri baaten hi sunane aae
dost bhi dil hi dukhane aae
mohabbatoñ meñ dikhāve kī dostī na milā
agar gale nahīñ miltā to haath bhī na milā
mohabbaton mein dikhawe ki dosti na mila
agar gale nahin milta to hath bhi na mila
-
Tags: Dostiand 2 more
ye dil lagāne meñ maiñ ne mazā uThāyā hai
milā na dost to dushman se ittihād kiyā
ye dil lagane mein main ne maza uThaya hai
mila na dost to dushman se ittihad kiya
dushmanoñ se pyaar hotā jā.egā
dostoñ ko āzmāte jā.iye
dushmanon se pyar hota jaega
doston ko aazmate jaiye
-
Tags: Dostand 2 more
dostoñ se is qadar sadme uThā.e jaan par
dil se dushman kī adāvat kā gila jaatā rahā
doston se is qadar sadme uThae jaan par
dil se dushman ki adawat ka gila jata raha
-
Tags: Dostand 1 more
din ek sitam ek sitam raat karo ho
vo dost ho dushman ko bhī tum maat karo ho
din ek sitam ek sitam raat karo ho
wo dost ho dushman ko bhi tum mat karo ho
-
Tags: Dostand 1 more
na udaas ho na malāl kar kisī baat kā na ḳhayāl kar
ka.ī saal ba.ad mile haiñ ham tere naam aaj kī shaam hai
na udas ho na malal kar kisi baat ka na KHayal kar
kai sal baad mile hain hum tere nam aaj ki sham hai
-
Tags: Dostand 2 more
abhī to baat karo ham se dostoñ kī tarah
phir iḳhtilāf ke pahlū nikālte rahnā
abhi to baat karo hum se doston ki tarah
phir iKHtilaf ke pahlu nikalte rahna
mujhe dost kahne vaale zarā dostī nibhā de
ye mutālba hai haq kā koī iltijā nahīñ hai
mujhe dost kahne wale zara dosti nibha de
ye mutalba hai haq ka koi iltija nahin hai
-
Tags: Dostand 1 more
dost har aib chhupā lete haiñ
koī dushman bhī tirā hai ki nahīñ
dost har aib chhupa lete hain
koi dushman bhi tera hai ki nahin
-
Tags: Aiband 3 more
dost dil rakhne ko karte haiñ bahāne kyā kyā
roz jhūTī ḳhabar-e-vasl sunā jaate haiñ
dost dil rakhne ko karte hain bahane kya kya
roz jhuTi KHabar-e-wasl suna jate hain
fā.eda kyā soch āḳhir tū bhī daanā hai 'asad'
dostī nādāñ kī hai jī kā ziyāñ ho jā.egā
faeda kya soch aaKHir tu bhi dana hai 'asad'
dosti nadan ki hai ji ka ziyan ho jaega
dostī aur kisī ġharaz ke liye
vo tijārat hai dostī hī nahīñ
dosti aur kisi gharaz ke liye
wo tijarat hai dosti hi nahin
dushmanoñ ne jo dushmanī kī hai
dostoñ ne bhī kyā kamī kī hai
dushmanon ne jo dushmani ki hai
doston ne bhi kya kami ki hai
-
Tags: Dostand 3 more
aa dost saath aa dar-e-māzī se maañg laa.eñ
vo apnī zindagī ki javāñ bhī hasīñ bhī thī
aa dost sath aa dar-e-mazi se mang laen
wo apni zindagi ki jawan bhi hasin bhi thi
ilāhī mire dost hoñ ḳhairiyat se
ye kyuuñ ghar meñ patthar nahīñ aa rahe haiñ
ilahi mere dost hon KHairiyat se
ye kyun ghar mein patthar nahin aa rahe hain
mujhe jo dostī hai us ko dushmanī mujh se
na iḳhtiyār hai us kā na merā chārā hai
mujhe jo dosti hai us ko dushmani mujh se
na iKHtiyar hai us ka na mera chaara hai
-
Tags: Dostiand 1 more
ab vo titlī hai na vo umr ta.āqub vaalī
maiñ na kahtā thā bahut duur na jaanā mire dost
ab wo titli hai na wo umr taaqub wali
main na kahta tha bahut dur na jaana mere dost
tartīb de rahā thā maiñ fahrist-e-dushmanān
yāroñ ne itnī baat pe ḳhanjar uThā liyā
tartib de raha tha main fahrist-e-dushmanan
yaron ne itni baat pe KHanjar uTha liya
-
Tags: Dostand 1 more
ye fitna aadmī kī ḳhāna-vīrānī ko kyā kam hai
hue tum dost jis ke dushman us kā āsmāñ kyuuñ ho
Is this trouble not enough, to ruin one what else should be
If you are someone's friend then why needs heaven be his enemy
ye fitna aadmi ki KHana-virani ko kya kam hai
hue tum dost jis ke dushman us ka aasman kyun ho
Is this trouble not enough, to ruin one what else should be
If you are someone's friend then why needs heaven be his enemy
-
Tags: Dostand 1 more
dostī ḳhvāb hai aur ḳhvāb kī ta.abīr bhī hai
rishta-e-ishq bhī hai yaad kī zanjīr bhī hai
dosti KHwab hai aur KHwab ki tabir bhi hai
rishta-e-ishq bhi hai yaad ki zanjir bhi hai
ai dost tujh ko rahm na aa.e to kyā karūñ
dushman bhī mere haal pe ab āb-dīda hai
ai dost tujh ko rahm na aae to kya karun
dushman bhi mere haal pe ab aab-dida hai
-
Tags: Aab Deedahand 4 more
dekhā jo khā ke tiir kamīñ-gāh kī taraf
apne hī dostoñ se mulāqāt ho ga.ī
dekha jo kha ke tir kamin-gah ki taraf
apne hi doston se mulaqat ho gai
-
Tags: Dostand 1 more
aa ki tujh bin is tarah ai dost ghabrātā huuñ maiñ
jaise har shai meñ kisī shai kī kamī paatā huuñ maiñ
aa ki tujh bin is tarah ai dost ghabraata hun main
jaise har shai mein kisi shai ki kami pata hun main
-
Tags: Bechainiand 3 more
dushmanoñ se pashemān honā paḌā hai
dostoñ kā ḳhulūs āzmāne ke ba.ad
dushmanon se pasheman hona paDa hai
doston ka KHulus aazmane ke baad
-
Tags: Dostand 1 more
dushmanoñ ke saath mere dost bhī āzād haiñ
dekhnā hai khīñchtā hai mujh pe pahlā tiir kaun
dushmanon ke sath mere dost bhi aazad hain
dekhna hai khinchta hai mujh pe pahla tir kaun
-
Tags: Dostand 1 more