TOP 20 MULAQAT SHAYARI

aaj to mil ke bhī jaise na mile hoñ tujh se

chauñk uThte the kabhī terī mulāqāt se ham

ba.az auqāt kisī aur ke milne se 'adam'

apnī hastī se mulāqāt bhī ho jaatī hai

gaahe gaahe kī mulāqāt hī achchhī hai 'amīr'

qadr kho detā hai har roz kā aanā jaanā

ġhairoñ se to fursat tumheñ din raat nahīñ hai

haañ mere liye vaqt-e-mulāqāt nahīñ hai

har mulāqāt pe siine se lagāne vaale

kitne pyāre haiñ mujhe chhoḌ ke jaane vaale

jaane vaale se mulāqāt na hone paa.ī

dil kī dil meñ hī rahī baat na hone paa.ī

jab us kī zulf meñ pahlā safed baal aayā

tab us ko pahlī mulāqāt kā ḳhayāl aayā

kaise kah duuñ ki mulāqāt nahīñ hotī hai

roz milte haiñ magar baat nahīñ hotī hai

kyā kahūñ us se ki jo baat samajhtā hī nahīñ

vo to milne ko mulāqāt samajhtā hī nahīñ

mil rahī ho baḌe tapāk ke saath

mujh ko yaksar bhulā chukī ho kyā

musāfir haiñ ham bhī musāfir ho tum bhī

kisī moḌ par phir mulāqāt hogī

na milo khul ke to chorī kī mulāqāt rahe

ham bulā.eñge tumheñ raat ga.e raat rahe

roz aane pe nahīñ nisbat-e-ishqī mauqūf

umr bhar ek mulāqāt chalī jaatī hai

sunte rahe haiñ aap ke ausāf sab se ham

milne kā aap se kabhī mauqa.a nahīñ milā

yaar sab jam.a hue raat kī ḳhāmoshī meñ

koī ro kar to koī baal banā kar aayā

zindagī ke vo kisī moḌ pe gaahe gaahe

mil to jaate haiñ mulāqāt kahāñ hotī hai