TOP 20 FAREWELL SHAYARI


info iconClick on any word for its meaning


aañkh se duur sahī dil se kahāñ jā.egā


jaane vaale hameñ yaad bahut aa.egā

ab ke jaate hue is tarah kiyā us ne salām


Dūbne vaalā koī haath uThā.e jaise

ab to jaate haiñ but-kade se 'mīr'


phir mileñge agar ḳhudā laayā

ajiib hote haiñ ādāb-e-ruḳhsat-e-mahfil


ki vo bhī uTh ke gayā jis ghar na thā koī

chhoḌne maiñ nahīñ jaatā use darvāze tak


lauT aatā huuñ ki ab kaun use jaatā dekhe

dukh ke safar pe dil ko ravāna to kar diyā


ab saarī umr haath hilāte raheñge ham

ek din kahnā thā ik dūsre ko alvidā.a


āḳhirash 'sālim' judā ik baar to honā thā

ghar meñ rahā thā kaun ki ruḳhsat kare hameñ


chaukhaT ko alvidā.a kahā aur chal paḌe

gūñjte rahte haiñ alfāz mire kānoñ meñ


to ārām se kah detā hai allāh-hāfiz

jaane vaale ko kahāñ rok sakā hai koī


tum chale ho to koī rokne vaalā bhī nahīñ

jaate ho ḳhudā-hāfiz haañ itnī guzārish hai


jab yaad ham aa jaa.eñ milne duā karnā

kaleja rah gayā us vaqt phaT kar


kahā jab alvidā us ne palaT kar

ravāna kar to rahā hai vo hañste hañste mujhe


maiñ jāntā huuñ mire ba.ad ḳhuub ro.egā

tum isī moḌ par hameñ milnā


lauT kar ham zarūr ā.eñge

tum suno na suno haath baḌhāo na baḌhāo


Dūbte Dūbte ik baar pukāreñge tumheñ

us ko ruḳhsat to kiyā thā mujhe ma.alūm na thā


saarā ghar le gayā ghar chhoḌ ke jaane vaalā

us se milne ḳhushī ba.ad meñ dukh detī hai


jashn ke ba.ad sannāTā bahut khaltā hai

vo alvidā.a manzar vo bhīgtī palkeñ


pas-e-ġhubār bhī kyā kyā dikhā.ī detā hai

yaad hai ab tak tujh se bichhaḌne vo añdherī shaam mujhe


ḳhāmosh khaḌā thā lekin bāteñ kartā thā kājal

ye ek peḌ hai aa is se mil ke ro leñ ham


yahāñ se tere mire rāste badalte haiñ


Meeting, or union, is one condition of life while separation, or bidding farewell, is another. It instils strange feelings in us—it leaves us sad but sometimes even happy at the prospect of yet another meeting. Have a look at the various moods of farewell here in this section.

comments powered by Disqus